Dagfari - 15.04.2003, Page 6

BRENNIFÓRN
Enn í kvöld munu hendur mínar
leysa hár þitt og það hrynur
um rauðu blómin tvö sem hafa
vaxið útúr hjarta þínu
á hvítum stilkum
handa mér
en áður en sólin rís og fáni
herjanna sem þramma um landið
skulum við fela andlit okkar
í hári þínu og sofna
því á morgun munu þeir koma
þeir brjáluðu sem hafa veifað
eldinum yfir höfðum okkar
í dögun koma þeir
og upp af ungu holdi okkar
mun bláleitur reykur stíga
einsog dálítið faðirvor
handa guði þessa heims
Ari Jósefsson