Verktækni - 01.07.2008, Blaðsíða 1

VerkTækni golfmótið
3
Reglugerð um raforkuvirki
7
Áhrifamáttur kítínfásykra
8
Ný bók í ritröð VFÍ
6
Kjaramál
10
6 . t b l . 1 4 . á r g . 2 0 0 8
Nýr framkvæmdastjóri
4
Nýja Þjórsárbrúin hlaut viðurkenningu í
samkeppni Norræna vegasambandsins
(NVF) og sló þar með út Eyrarsundsbrúna
og fleiri norrænar stórframkvæmdir í brúa-
og jarðgangagerð. Viðurkenningin er veitt
fyrir framsækni í hönnun og byggingu
mannvirkis.
Fjórða hvert ár heldur NVF stóra ráð-
stefnu á sviði vegagerðar. Í tengslum
við ráðstefnuna stendur Brúa- og jarð-
ganganefnd NVF fyrir samkeppni þar
sem hvert land getur tilnefnt tvö verkefni
sem unnin hafa verið síðastliðin átta ár.
Auk Þjórsárbrúarinnar voru til dæmis
Eyrarsundsbrúin í Danmörku, Tervalabrúin
í Finnlandi og Gautaborgargöngin í Svíþjóð
tilnefnd.
Viðurkenningin er veitt þeirri fram-
kvæmd sem er áleitin í verkfræðilegum
skilningi. Þjórsárbrúin varð meðal annars
fyrir valinu vegna þess að hún er hönnuð
með það að markmiði að þola stóra jarð-
skjálfta án þess að það komi niður á burð-
arþoli brúarinnar eða útliti. Einnig var við
hönnun hennar tekið mið af náttúrunni,
beitt var fjölda nýrra byggingarlausna auk
þess sem hugmyndaríkum lausnum var beitt
við smíðina.
Brúadeild Vegagerðarinnar hannaði brúna.
Bjarni Bessason prófessor við verkfræðideild
HÍ veitti ráðgjöf við jarðskjálftahönnunina,
auk verkfræðistofa sem veittu ráðgjöf um
bergfestur, hönnun á súlum og jarðskjálfta-
legum.
Einar Hafliðason forstöðumaður brúa-
deildar Vegagerðarinnar tók á móti við-
urkenningunni. Henni fylgdi áletraður
koparskjöldur sem verður festur á brúna.
Ítarleg umfjöllun um nýju Þjórsárbrúna er í
Framkvæmdafréttum Vegagerðarinnar (18.
tbl. 2008).
Norræna vegtæknisambandið:
www.nvfnorden.org
Þjórsárbrú fær viðurkenningu