Verktækni - 01.07.2008, Blaðsíða 3

LEIÐARINN
Blaðið VERKTÆKNI er gefið út af Verkfræðingafélagi Íslands, Stéttarfélagi verkfræðinga og Tæknifræðingafélagi Íslands og er dreift ókeypis til félagsmanna.
Ritstjóri og ábyrgðarmaður: Sigrún S. Hafstein.
Blaðnefnd: Sveinbjörg Sveinsdóttir (SV), formaður, Árni Þór Árnason (TFÍ) og Ólafur Pétur Pálsson (VFÍ), auk ritstjóra.
Leyfilegt er að birta efni úr Verktækni ef heimildar er getið. Skoðanir sem settar eru fram í blaðinu samrýmast ekki endilega viðhorfum útgefenda.
Prentvinnsla: Gutenberg · Mynd á forsíðu: Rafn Sigurbjörnsson · Aðstoð við útgáfu: Hænir · Sími: 55 88 100 · utgafa@utgafa.is
Engjateigi 9 · 105 Reykjavík
Sími: 535 9300 · Símbréf: 535 9311
Tölvupóstur: sigrun@vfi.is · sigrun@tfi.is
V E R K T Æ K N I
Breytingar
Í febrúar síðastliðnum var í leiðara
Verktækni fjallað um sameiningar verk-
fræðistofa. Þá hafði á rétt rúmu ári orðið
nokkur samþjöppun hjá íslensku verk-
fræðistofunum. Í ársbyrjun 2007 samein-
uðust VGK og Hönnun og nokkru síðar
bættist Rafhönnun í þann hóp. Starfsmenn
fyrirtækisins, sem nú heitir Mannvit, eru um
370. Verkfræðistofa Sigurðar Thoroddsen
og Rafteikning tilkynntu um sameiningu í
febrúar síðastliðnum og er starfsmannafjöld-
inn um 270. Fyrirtækið starfar nú undir
nafninu VST-Rafteikning en nýtt nafn mun
vera í burðarliðnum.
Í kjölfar þess að komin voru fram
tvö verkfræðifyrirtæki af slíkri stærð-
argráðu hérlendis spáðu margir enn frek-
ari samþjöppun. Sú varð raunin og í lok
maímánaðar var tilkynnt um sameiningu
Línuhönnunar, Verkfræðistofu Suðurlands,
RTS Verkfræðistofu og Verkfræðistofunnar
Afl. Starfsmenn fyrirtækisins eru um 220
talsins. Hjá þessum þremur stærstu verk-
fræðifyrirtækjum landsins starfa því um 860
manns. Má leiða líkum að því að verkfræð-
ingar og tæknifræðingar, auk þeirra sem eru
með BS-próf í verkfræði, séu um 65% starfs-
manna þessara fyrirtækja.
Utan þessara þriggja stærstu verkfræði-
fyrirtækja landsins standa enn öflugar
verkfræðistofur, nokkrar með marga tugi
starfsmanna en einnig margar smærri.
Samkvæmt lista á heimasíðu Félags ráð-
gjafarverkfræðinga (FRV) eru alls 27 ráð-
gjafarfyrirtæki innan vébanda þess. Rétt er
að geta þess að í þeim hópi eru einyrkjar
allt upp í stærstu ráðgjafarfyrirtækin. Verður
fróðlegt að fylgjast með þróuninni á næstu
mánuðum. - Hvort fleiri stofur sameinist
þessum þremur stóru fyrirtækjum eða jafn-
vel að fjórða samsteypan verði til.
Undanfarin ár hafa næg verkefni verið á
verkfræðistofunum og vinnuálag oft mikið.
Á sama tíma var hörð samkeppni við bank-
ana og önnur fjármálafyrirtæki um hæft
starfsfólk. Fullvíst má telja að þeir tímar
séu að baki að sinni, sökum breytinga í
efnahagslífinu.
Daglega fáum við fréttir af krepputíð og
því er spáð að enn muni harðna á dalnum í
efnahagsmálunum. Á sama tíma vinna þrjú
stór verkfræðifyrirtæki að því að skipuleggja
sig til framtíðar. Meðal annars þarf að huga
að innra skipulagi og húsnæðismálum.
Hvort það er betra að standa frammi fyrir
slíkum áskorunum í bullandi þenslu eða
kreppu er ekki gott að segja. Eitt mark-
mið sameiningar fyrirtækjanna var öflugri
rekstur og auknir möuguleikar á verkefnum
erlendis. – Og hið síðarnefnda er vitaskuld
afar mikilvægt þegar verkefnastaðan versnar
hér heima. Þá kemur í ljós hvort menn unnu
heimavinnuna sína í þenslunni.
Verktækni fer nú í sumarfrí. Næsta tölu-
blað kemur út í september.
Sigrún S. Hafstein, ritstjóri.
VerkTækni Golfmótið
verður haldið 15. ágúst á golfvelli Grindavíkur
Árlegt golfeinvígi verkfræðinga og tæknifræðinga, VerkTækni Opið, verður nú haldið í
tólfta sinn. Mótið fer fram á golfvelli Grindavíkur föstudaginn 15. ágúst. Mótið er ein-
ungis fyrir verkfræðinga og tæknifræðinga sem eru félagsmenn í VFÍ eða TFÍ, maka
þeirra og gesti.
Dagskrá:
10:00 Mæting á golfvöllinn.
11:00 Ræsing á öllum teigum.
17:00 Móttaka.
19:00 Kvöldverður og verðlaunaafhending
í Bláa lóninu.
Athugið að boðið verður upp á rútuferð frá Verkfræðingahúsi,
Engjateigi 9, kl. 9:00 gegn vægu gjaldi eða kr. 500 á mann.
Skráning fer fram á golf.is. Er hún fyrst og fremst ætluð til að
fá þátttökulista og er uppgefin tímaskráning ekki í gildi. Einnig
er hægt að skrá sig með því að senda póst á skrifstofu félag-
anna: skrifstofa@verktaekni.is.
Lokadagur skráningar er 8. ágúst.
Þátttökugjald er kr. 2.500.- og greiðist á mótsstað.
Nánari upplýsingar um fyrirkomulag mótsins og skráningu
eru á heimasíðum VFÍ og TFÍ.
Skrifstofan lokuð í júlí
Athugið að skrifstofa TFÍ, SV og VFÍ er
lokuð í júlímánuði og opnar aftur eftir
sumarfrí þriðjudaginn 5. ágúst.
BNAM 2008
Dagana 17.- 19. ágúst 2008 verður
haldin í Reykjavík hljóðráðstefnan
BNAM 2008 (Baltic-Nordic Acoustics
Meeting). Þar munu hljóðsérfræð-
ingar frá Norðurlöndunum og
Eystrasaltslöndunum bera saman bækur
sínar. Ráðstefnan er haldin á vegum
norrænu fagfélaganna annað hvert ár.
Eystrasaltslöndin hafa átt aðild að henni
síðastliðinn áratug. Ráðstefnan er skipu-
lögð af félagi um hljóðhönnun sem starf-
ar sem faghópur innan vébanda VFÍ og
TFÍ. Í undirbúningsnefndinni eru verk-
fræðingarnir Steindór Guðmundsson,
Bergþóra Kristinsdóttir og Sigurður
Karlsson. Þess má geta að faghópurinn var
stofnaður í september 2006 og er opinn
öllum sem hafa áhuga á hljóðhönnun og
hljóðvist. Hægt er að skrá sig á póstlista
faghópsins hjá skrifstofu VFÍ. Vefur ráð-
stefnunnar http://www.bnam2008.com.
Efni á heimasíðurnar
Þeir sem óska eftir að fá birtar tilkynningar,
fréttir og annað efni á vefjumVFÍ, SV og TFÍ
geta sent tölvupóst til ritstjóra Verktækni
(sigrun@verktaekni.is).
Athugið að hægt er að nálgast pdf-útgáfu
af Verktækni á heimasíðunum.
Skilafrestur
Ráðgert er að næsta tölublað Verktækni
komi út í september. Þeir sem vilja koma
efni í blaðið og/eða skilaboðum til ritstjóra
eru beðnir um að senda tölvupóst á sigr-
un@verktaekni.is.