Fréttatíminn - 20.01.2012, Blaðsíða 28

S
Skömm þeirra þingmanna sem
greiddu atkvæði með því að Geir H.
Haarde fyrrverandi forsætisráðherra
yrði dreginn fyrir Landsdóm, en aðrir
ekki, mun fylgja þeim ævilangt. Ög-
mundur Jónasson, innanríkisráðherra
lýsti því réttilega í grein í Morgun-
blaðinu að meðhöndlun þingheims á
tillögum þingmannanefndar-
innar um málshöfðun gegn
ráðherrum hefði tekið á sig
„afskræmda flokkspólitíska
mynd“ í atkvæðagreiðslunni
örlagaríku á Alþingi í sept-
ember 2010.
Utan þings misbauð enda
mörgum, sama hvar í flokk
þeir voru settir, að Geir
skyldi einn ákærður. Sú af-
greiðsla er þó ekki ástæða
til að afturkalla ákæruna á hendur
Geir eins og Bjarni Benediktsson, for-
maður Sjálfstæðisflokksins hefur lagt
fram tillögu til þingsályktunar um.
Pólitíkin varð til þess að öðrum en
Geir var hlíft við ákæru. Pólitíkin á
ekki að verða til þess að málið verði
tekið úr þeim farvegi sem Alþingi
setti það í fyrir tæplega einu og hálfu
ári.
Full ástæða er til að rifja upp að
meirihluti þingmannanefndarinnar,
sem skipuð var til að fjalla um skýrslu
Rannsóknarnefndar Alþingis, gerði
að tillögu sinni að fjórir ráðherra yrðu
kærðir fyrir vanrækslu í starfi. Var
það í samræmi við þá niðurstöðu rann-
sóknarnefndarinnar að ráðherrar í
ríkisstjórn Sjálfstæðisflokks og Sam-
fylkingar hefðu sýnt af sér slíkt hátta-
lag þegar fjármálakerfi landsins var
að liðast í sundur. Ráðherrarnir sem
sluppu voru Ingibjörg Sólrún Gísla-
dóttir, Árni M. Mathiesen og Björgvin
G. Sigurðsson, en þau voru öll voru í
lykilstöðum í aðdraganda hrunsins.
Við skulum heldur ekki gleyma því
að ekki hefur verið skorið úr um ýmis
álitamál um hver gerði hvað og hver
sagði hvað hið mikla hamfaraár 2008.
Geir situr til dæmis enn undir því
að hafa látið viðvaranir úr Seðlabanka
Íslands sem vind um eyru þjóta. Davíð
Oddsson, fyrrverandi formaður stjórn-
ar Seðlabankans, hefur þráfaldlega
haldið því fram að hann hefði varað
margsinnis við því að viðskiptabank-
arnir væru á leið í þrot og með þeim
íslenskt efnahagslíf, löngu áður en sú
spá rættist. Þau varnaðarorð hafa ekki
fundist skjalfest en Geir hefur staðfest
að hann minnist þeirra úr persónu-
legum samtölum við Davíð, en þó ekki
á sama tíma og seðlabankastjórinn vill
meina að hann hafi vakið athygli á að-
steðjandi háska.
Þetta er aðeins eitt af þeim málum
sem opinberar vitnaleiðslur frammi
fyrir Landsdómi geta varpað ljósi á
og reynst mikilvægur lærdómur um
samskipti æðstu ráðamanna á viðsjár-
verðum tímum.
Úr því sem komið er hljóta það að
vera hagsmunir Geirs að fá efnislega
niðurstöðu fyrir Landsdómi. Margir
af helstu lögspekingum landsins telja
yfirgnæfandi líkur á því að þar muni
hann verða fundinn sýkn saka. Væri
ólíkt meiri reisn yfir því að ljúka mál-
inu með slíkum fullnaðarsigri fremur
en þurfa að sitja uppi með efann um
að honum hefði verið hlíft vegna póli-
tískrar taflmennsku á Alþingi; klass-
ískrar fleygavinnu minnihlutans inn í
ríkisstjórnarsamstarf.
Landsdómur
Hagsmunir Geirs að klára málið
Jón Kaldal
kaldal@frettatiminn.is
Sætúni 8, 105 Reykjavík. Sími: 531 3300. ritstjórn@frettatiminn.is Ritstjóri: Jón Kaldal kaldal@frettatiminn.is Framkvæmdastjóri: Teitur
Jónasson teitur@frettatiminn.is Fréttastjóri: Óskar Hrafn Þorvaldsson oskar@frettatiminn.is Ritstjórnarfulltrúi: Jónas Haraldsson jonas@frettatiminn.is. Auglýsinga-
stjóri: Valdimar Birgisson valdimar@frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
Á rangur í baráttunni fyrir jafnrétti kynja er gjarnan markaður því að hin svokölluðu karlavígi hafa
fallið eitt af öðru. Kosningarétturinn,
fyrsti kvenráðherrann, fyrsta konan í
embætti forseta Íslands, forseta Alþingis,
forseta Hæstaréttar og forsætisráðherra
– þessir og margir fleiri eru áfangar í jafn-
réttisbaráttunni sem við minnumst með
stolti. Nú getum við glaðst yfir tveimur til
viðbótar sem báðir munu fara á spjöld Ís-
landssögunnar. Í fyrsta skipti eru konur í
meirihluta í ríkisstjórn Íslands og í fyrsta
skipti hefur kona tekið við hinu þung-
væga fjármálaráðuneyti. Eftir því sem
ég kemst næst er ríkisstjórn Íslands eina
ríkisstjórnin á Vesturlöndum með konur í
meirihluta.
Á öðrum sviðum er árangurinn ekki eins sýnilegur
og markast ekki af neinum einum atburði, heldur
stöðugri og markvissri viðleitni til að sækja fram
sem víðast. Þriðja árið í röð hefur Alþjóða efnahags-
ráðið skipað Íslandi í efsta sæti yfir kynjajafnrétti á
heimsvísu. Mæling ráðsins er athygli verð fyrir þær
sakir að þar eru 16 mælikvarðar lagðir til
grundvallar niðurstöðunni og eru þeir á
sviði menntunar, heilsufars, stjórnmála-
þátttöku og atvinnulífs. Í skýrslu ráðsins
kemur fram að Ísland hefur ekki aðeins
haldið fyrsta sætinu, heldur einnig bætt
árangur sinn milli ára. Af þessum mæli-
kvörðum er frammistaða Íslands lökust
á sviði atvinnulífs og vinnumarkaðar –
en þar er þá einnig mest að vinna. Nú er
nýtekin til starfa framkvæmdanefnd um
launajafnrétti kynja sem er ætlað að móta
raunhæfar aðgerðir til langs tíma til að
draga úr launamun kynja. Þá er von mín
sú að á næsta ári þegar ákvæði laga um
kynjakvóta í stjórnum einkahlutafélaga og
lífeyrissjóða tekur gildi muni frammistaða
okkar varðandi hlut kvenna í stjórnunarstöðum loks
verða viðunandi.
En alla áfanga og árangur þarf að verja – um leið
og við sækjum fram. Þess vegna þarf að efla jafn-
réttisfræðslu meðal ungs fólks og flytja áfram reynslu
og þekkingu þeirra mörgu kynslóða kvenna sem hafa
helgað jafnréttisbaráttunni krafta sína.
Ísland í efsta sæti
Enn tímamót í jafnréttismálum
Jóhanna Sigurðardóttir,
forsætisráðherra
Pólitíkin varð til þess að öðrum en Geir var hlíft við
ákæru. Pólitíkin á ekki að verða til þess að málið verði
tekið úr þeim farvegi sem Alþingi setti það í fyrir tæplega
einu og hálfu ári.
Verslun
Spilavinir ehf
Kostur lágvöruverslun ehf
IKEA
Framköllunarþjónustan
MacLand
Klapparstíg 30
Langholtsvegi 126
Dalvegi 10
Kauptúni 4
Brúartorgi 4 5 ummæli
5 ummæli
33 ummæli
21 ummæli
25 ummæli
1
2
3
4
5
Efstu 5 - Vika 3
Topplistinn
28 viðhorf Helgin 20.-22. janúar 2012