Dagblaðið Vísir - DV - 09.03.2007, Side 43

DV Helgarblað föstudagur 9. mars 2007 43
Kostir og gallar reyKjavíKur
Birgitta Haukdal söngkona
„Það er margt gott hægt að segja um reykjavík og hefur hún uppá
margt að bjóða. Ég bý í miðbænum eins og er og er sérstaklega
ánægð með lífið og steminguna í miðbænum. göngutúr í kringum
tjörnina er orðinn ómissandi hluti af mínu lífi í dag. Ef við spáum í
gallana, þá er ég mikið náttúrubarn og ég vildi óska þess að í
reykjavík væri meiri gróður. Ég elska borgir með falleg útivistarsvæði
til þess að borgarbúar geta notið þess að vera úti án þess að
eintómar blokkir og atvinnubyggingar blasi við.“
Egill Ólafsson tÓnlistarmaður
“Það besta við reykjavík er að hún er lítil stórborg.
Í lítilli stórborg kemst maður yfir margt á stuttum
tíma. Ókosturinn við reykjavík er til dæmis
hirðuleysi hundaeigenda sem leyfa hundundum
sínum að skíta hvar sem er og hirða ekki aftan úr
þeim. Hreinsunarmál gatna í borginni finnst mér
yfirleitt vera fyrir neðan allar hellur.”
tolli mortHEns myndlistarmaður
“Það besta við reykjavík er breiddin og fjölbreyti-
leikinn sem reykjavík býr yfir. Það versta við
borgina er sú afneitun sem er í gangi gagnvart því
að reykjavík sé ekki bílaborg. Þetta er bílabær
með lítilli skandinavískri kvos. Það er allt í lagi í
sjálfu sér, en afneitunin er verri, því þá er ekkert
gert til að koma til móts við þessa staðreynd.”
karl örvarsson grafískur Hönnuður
“Kostir reykjavíkur er tvímælalaust að hún er svo
stór, en gallarnir að hún svo lítil. sem akureyringur
þótti mér sá bær vera fulllítill oft á tíðum og þess
vegna flutti ég meðal annars suður. Hins vegar
fann ég aldrei fyrir því að að höfuðstaður
Norðurlands væri of stór eða andrýmið ekki
nægilegt. gallar smæðarinnar fyrir norðan fólust í
nettum smáborgarahætti og að fólki þótti
Pollurinn vera sjálft haf veraldarinnar, Í reykjavík
ber á þessu hinu sama á stundum, en efalaust
myndu þessir lestir borgarbúa hverfa væri þetta
stórborg. Því er ekki annað til ráða en blóta
frjósemisguðinn, þá fjölgar reykjavíkingum og
vandamálin hverfa eins og dögg fyrir sólu.”
ingÓlfur margEirsson ritHöfundur.
“Verst finnst mér bílatraffíkin sem er allt of mikil.
Besti hluti borgarinnar er svo auðvitað vesturbær-
inn, sem er eins og lítið þorp.”
Pétur ÞorstEinsson
PrEstur ÓHáða safnaðarins
“Í reykjavík býðst öll sú þjónusta sem fólk í nútíma
samfélagi krefst. Hér er stutt í sund á morgnana og
til alls þess sem andinn og líkaminn krefst. Hér er
falleg náttúra og frábærar útivistarperlur bæði
innan og utan við borgarmörkin. stundum hefur
verið sagt að guð hafi skapað sveitir landsins þar
sem þú getur notið gæða náttúrunnar, fiska
lagarins, fugla himinsins og akursins liljugrasa –
og er þá ekki frábært að búa í borg þar sem ekki er
langt á þessa Ódáinsvelli. En vissulega er bæði
sukk og svínarí í þessari borg – en þó er það ekki
slíkt ósköp og skelfing að hið góða verði
afgangsstærð. ”