Dagblaðið Vísir - DV - 18.04.2007, Qupperneq 4

„Ég átta mig ekki alveg á þessari
stjórnsýslu og get ekki með nokkru
móti sætt mig við að vera svikinn um
það sem okkur var lofað,“ segir Stef-
án Ásgrímsson, húseigandi við Vest-
urgötu í Reykjavík.
Stefán stóð nýverið í endurbót-
um á húseign sinni við Vestur-
götuna og sótti um styrk til
Húsafriðunarnefndar ríkis-
ins vegna framkvæmdanna.
Til að hljóta styrk þarf um-
sækjandi að skila inn verk-
áætlun og teikningum vegna
verksins. Að sögn Stefáns var
fullnægjandi gögnum skil-
að inn til nefndarinnar og
í kjölfarið tilkynnti hún
bréfleiðis að styrkur
upp á þrjú hundruð
þúsund krónur yrði
veittur. Samkvæmt
reglum sjóðsins er
styrkur greiddur
út þegar að minnsta kosti þriðjungi
verksins er lokið.
Þegar langt var liðið á framkvæmd-
irnar ók forstöðumaður Húsafriðun-
arnefndar, Magnús Skúlason arkitekt,
framhjá húseigninni til að meta fram-
kvæmdirnar. Skömmu síðar hringdi
hann í húseigendur og tilkynnti þeim
að styrkurinn væri dreginn til baka.
Samræmist ekki
vinnuaðferðum
Magnús fagnar breyting-
um á húsinu við eina af elstu
götum borgarinnar. Hann
segir styrkinn dreginn til
baka þar sem verklag við
glugga hafi ekki samræmst
hugmyndum nefndarinnar. „Við
fengum útlitsteikningar af glugg-
unum og af þeim gögnum var tekin
ákvörðun um styrkinn. Þar var tekið
fram, og það er alltaf gert, að styrk-
urinn sé háður þeim vinnuaðferð-
um sem við mælum með. Ef það er
ekki gert veitum við ekki styrk,“ segir
Magnús.
„Vinnuaðferðir okkar koma í raun
ekki fram neins staðar og við mælum
með því að fólk leiti sér ráðgjafar hjá
okkur til að fullnægja þeim aðferð-
um,“ segir Magnús. „Fyrirtækið Hús-
vernd, sem stóð að breytingunum, er
enginn sérfræðingur í endurbótum
gamalla húsa og vinnuaðferðir þess
samræmast ekki okkar hugmyndum
útlitslega. Á þeim forsendum teljum
við ekki eðlilegt að greiða þennan
styrk út. Það er svo spurning hvort
við ættum að opinbera betur hvaða
verklags við krefjumst en það er mik-
ilvægt að fólk leiti sér ráðgjafar fyrir-
fram til að forðast að gera einhverja
bölvaða vitleysu.“
Erfitt að sætta sig við
Örn Helgason, framkvæmdastjóri
Húsverndar, er mjög ánægður með
verkið. Hann telur mikilvægt fyr-
ir Húsafriðunarnefnd að skýra bet-
ur út verklagshugmyndir sínar við
styrkveitingu. „Nefndin vill meina
að verklagið samræmist ekki hennar
hugmyndum. Það eru allir mjög sátt-
ir við þessa glugga nema nefndin og
út af fyrir sig er það dálítið sérstakt.
Auðvitað ætti nefndin að gefa upp
sínar hugmyndir um verklag fyrir-
fram því margt af þeim hugmyndum
er ólíkt því sem tíðkast í dag,“ segir
Örn.
Aðspurður er Stefán mjög hissa á
því að styrkur sem veittur hafi ver-
ið sé dreginn til baka. Hann ítrek-
ar að engar athugasemdir hafi ver-
ið gerðar við teikningar. „Ég geri ráð
fyrir að nefndin taki ákvörðun út frá
fyrirliggjandi gögnum. Hún fékk all-
ar teikningar og öll gögn yfir verkið.
Allar framkvæmdirnar voru sam-
kvæmt teikningum og húsasmíða-
meistarinn vann fullkomlega eftir
þeim. Svona neitun eftir á kemur
eins og skrattinn úr sauðarleggnum
og ég á mjög erfitt með að sætta mig
við þetta,“ segir Stefán.
miðvikudagur 18. apríl 20074 Fréttir DV
InnlendarFréttIr
ritstjorn@dv.is
Tóku sTyrkinn Til baka
TrauSTi hafSTEinSSon
blaðamaður skrifar: trausti@dv.is
Húsafriðunarnefnd ríkisins veitti húseigendum við Vesturgötu styrk til endurbóta.
Að loknu verki ók forstöðumaður nefndarinnar framhjá húsinu og skömmu síðar fengu
eigendurnir tilkynningu um að styrkurinn væri dreginn til baka.
fá ekki styrk Húsafriðunarnefnd hafði
veitt húseigendum við vesturgötuna í
reykjavík styrk til endurbóta. að verki loknu
var styrkurinn dreginn til baka þar sem
verklag við glugga þykir ekki samræmast
hugmyndum nefndarinnar.
Stefán Ásgrímsson
húseigandi
„get ekki með
nokkru móti
sætt mig við
að vera
svikinn um
það sem
okkur var
lofað.“
Hrefnuveiðar
hafnar á ný
Ekki er vitað hvaða áhrif hval-
ir hafa á magn nytjafiska í hafinu.
Frá þessu er greint í tilkynningu
frá sjávarútvegsráðuneytinu.
Einar K. Guðfinnsson sjávarút-
vegsráðherra hefur sagt að hafa
megi áhrif á stærð þorskstofns-
ins með hrefnuveiðum, meðal
annars í umræðum á Alþingi í
maí í fyrra.
Nú er hafinn lokaáfangi
hrefnuveiða í vísindaskyni.
Veiddar verða þær 39 hrefnur
sem eftir eru af 200 dýra kvóta
sem gefinn var út árið 2003. Ætl-
unin er að kanna hlutverk hrefnu
í vistkerfi hafsins við Ísland.
Áhersla á sann-
gjarnar reglur
Björn Bjarnason dómsmála-
ráðherra telur mikilvægt að fara
yfir reglur um innflytjendamál og
athuga hvort á þeim reynist gall-
ar. Hann segir ráðuneytið nýlega
hafa boðað til fundar með for-
stöðumönnum ýmissa stofnana
á þess vegum.
„Þar var einmitt framkvæmd
reglna af þessu tagi til umræðu,
en af hálfu ráðuneytisins er lögð
rík áhersla á að hún sé markviss
og sanngjörn og stofnanir þess
vinni saman í þeim anda. Að
sjálfsögðu er ávallt nauðsynlegt
að huga að þessum reglum og
breyta þeim, ef á þeim reynast
gallar,“ segir Björn. Hann segir
stækkun og eflingu lögregluemb-
ætta hafa auðveldað lögreglu að
framfylgja reglum um réttindi og
skyldur útlendinga.
Mikill meirihluti landsmanna
telur brýnt að herða innflytj-
endalöggjöfina hér á landi sam-
kvæmt nýlegri könnun Gallup.
byggðin færist
44 metra í austur
Menn geta deilt um hvar nafli
alheimsins er en miðju höfuð-
borgarsvæðisins er að finna í
bakgarði við Goðaland 5 í Foss-
vogi, alla vega ef hún er reiknuð
út frá íbúðabyggð í Reykjavík og
nágrannasveitarfélögum.
Borgaryfirvöld hafa reiknað
út íbúadreifingu á höfuðborg-
arsvæðinu og komist að því að
þyngdarpunktur búsetu er í garð-
inum við Goðaland 5, 44 metr-
um austar en á síðasta ári þegar
hann var í Goðalandi 11.
Jón Finnur Ögmundsson, íbúi
við Goðaland 5, segir gott að búa
svona miðsvæðis í borginni. „Tví-
mælalaust, það er fimm mínútna
leið fyrir alla fjölskylduna í vinn-
una,“ segir Jón Finnur og bætir
við: „Við finnum virkilega fyrir
því að það er stutt í allt saman.“
Fær um eitt hundrað þúsund krónum minna en gert hafði verið ráð fyrir:
Vantar tuttugu daga upp á hærri greiðslur
„Það vantar tuttugu daga upp á
að ég fái þær greiðslur í fæðingaror-
lofi sem ég hafði gert ráð fyrir,“ seg-
ir Helena María Agnarsdóttir, verð-
andi móðir sem er þorskaþjálfi á
leikskóla. Í byrjun mars tilkynnti
FOS, fjölskyldu- og styrktarsjóður
BHM, BSRB og KÍ, að breyting yrði
á greiðslum úr sjóðnum og taka þær
gildi 1. júní.
Fæðingarorlofssjóður greiðir for-
eldrum áttatíu prósent af launum en
mæður sem aðild eiga að FOS hafa
getað sótt það sem vantar upp á full
laun þangað. Helena hafði gert ráð
fyrir þessum greiðslum til viðbótar
fæðingarorlofinu sem hún ætlaði síð-
an að dreifa á tólf mánuði. Áætlaður
fæðingardagur barnsins er 19. júní svo
útlit er fyrir að svo verði ekki heldur fái
hún 170 þúsund króna eingreiðslu
samkvæmt nýja fyrirkomulaginu.
Breyta þurfti greiðslunum þar
sem viðmiðunartími til útreiknings
á fæðingarorlofi breyttist með þeim
afleiðingum að fæðingarorlofssjóður
greiddi minna til fólks og FOS þurfti
að brúa stærra bil en áður. Eins voru
breytingarnar gerðar þar sem kæru-
nefnd jafnréttismála hafði komist að
þeirri niðurstöðu að það fyrirkomu-
lag að greiða aðeins mæðrum bryti í
bága við jafnréttislög.
„Mér finnst bara gott mál að verið
sé að jafna stöðu kynjanna hvað þetta
varðar en viðvörunartíminn er bara
allt of stuttur. Það hefði mátt leyfa
þeim konum sem þegar voru ófrísk-
ar að fara eftir gamla fyrirkomulag-
inu,“ segir Helena. Hún mun fá um
eitthundrað þúsund krónum minna
en hún hafði áætlað vegna breyting-
anna það er að segja ef barnið fæðist
ekki fyrir tímann.
„Þetta þýðir það að við þurf-
um kannski að endurskoða áætlan-
ir okkar um að ég verði heima hjá
barninu fyrsta árið en við ætluðum
að láta tekjur sambýlismanns míns
til viðbótar greiðslunum duga,“ segir
Helena og bætir við að launin henn-
ar séu ekki það há að hana muni ekki
um hundrað þúsund krónur.
valgeir@dv.is
helena María
agnarsdóttir
Nýlegar breytingar
urðu til þess að Helena
fær lægri greiðslur í
fæðingarorlofinu en
hún hafði gert ráð fyrir.