Selfoss - 15.11.2012, Blaðsíða 2

2 15. nóvember 2012
Hverjir flytja á Árborgarsvæðið?
Miklu fleiri íbúðir seljast í sérbýli en fjölbýli á Árborgarsvæðinu. Það er á skjön við íbúðasölu í öðrum sveitarfélögum.
Íbúðamarkaður á Árborgar-svæðinu sker sig mjög úr í samanburði við íbúðasölu í
Reykjanesbæ og á Akranesi. Ríf-
lega fimm sinnum fleiri eignir sem
seljast eru sérbýli en hlutföllin
eru öfug á Suðurnesjunum og á
Akanesi. Á Árborgarsvæðinu hafa
23 íbúðir í fjölbýli selst það sem
af er ári (jan.-okt.) og 123 eignir
í sérbýli. Munar þar 100 íbúðum
sem er mjög sérstakt. Skýringar á
þessum mun eru ekki einhlítar –
og alls ekki þegar samanburður er
gerður við sambærileg sveitarfélög.
Verð í fjölbýli er t.d. lægst í Árborg.
Framboð á íbúðum hefur áhrif en
líklegast er að þau sem sækjasta eftir
að kaupa húsnæði á Árborgarsvæð-
inu séu að leita frekar að sérbýli.
Það er fólk víða að – innan sveitar
og úr nágrannasveitarfélögum, af
höfuðborgarsvæðinu og víðar sem
er að falast eftir húsnæði. Og þá er
skiptimarkaður fyrir hendi.
Sjá töflu 3.
Það vekur einnig athygli að verð
á íbúðum á Árborgarsvæðinu hefur
lækkað milli ára og er meðalverð
íbúða í sérbýli um einni milljón lægri
en miðað við sama tímabil í fyrra.

ÍBÚÐASALA á Árborgarsvæðinu
janúar til loka október 2012.
Sjá töflu 1.
Það vekur vissulega athygli að
íbúðaverð skuli vera lægst á Ár-
borgarsvæðinu í samanburði við
sambærileg sveitarfélög. Þá er og
mikill verðmunur á Árborg og Ak-
ureyri. Þannig er meðalverð á sérbýli
á Árborgarsvæðinu 7 milljónum kr.
lægra en á Akureyri. Í hverju liggur
sá munur?
Sjá töflu 2.
Niðurstöðurnar vekja íhjá-
kvæmilega upp spurningar um
Árborgarsvæðið og þá sérstaklega
búsetuskilyrði. Hverjir flytja á Ár-
borgarsvæðið? Og hvað dregur fólk
að Árborgarsvæðinu? Mikilvægar
spurningar til skipulagsyfirvalda.
(Byggt á upplýsingum af vef Þjóð-
skrár Íslands, skra.is o.fl.) -ÞHH
SELFOSS-SUÐURLAND kemur næst út 29. nóvember
Tafla 1
Árborgarsvæðið, janúar - október 2012
Alls Fjölbýli Sérbýli Aðrar eignir
Velta
(milj.kr)
Fjöldi
samninga
Velta
(milj.kr)
Fjöldi
samninga
Velta
(milj.kr)
Fjöldi
samninga
Velta
(milj.kr)
Fjöldi
samninga
okt 218 15 10 1 200 10 8 4
sept 627 26 46 4 450 19 131 3
ágúst 303 16 15 1 287 14 2 1
júlí 421 22 39 2 365 18 16 2
júní 366 18 59 3 270 11 37 4
maí 389 17 29 2 263 12 97 3
apríl 215 11 47 4 128 6 40 1
mars 594 26 25 2 409 17 160 7
feb. 237 17 26 2 192 11 19 4
jan. 251 14 24 2 97 5 130 7
Samtals: 3.620 182 319 23 2.661 123 640 36
Árborgarsvæðið: Árborg, Þorlákshöfn, Ölfus, Hveragerði
Sanngjarnt skattkerfi
Á liðnu kjörtímabili var þrepaskiptu skattkerfi komið á, kerfinu sem
Sjálfstæðismenn ætla að afnema ef
þeir komast til valda, skoðum það
aðeins nánar.
Til að byrja með þarf að hafa
í huga að snillingunum tókst
að þurrausa ríkissjóð og vel það.
Björgunarsveitin þarf nú að greiða
skuldir og halda áfram að reka þjóð-
félagið. Í þeirri stöðu þarf að íhuga
vel hverjir leggja sitt af mörkum í
björgunarstarfið.
Tökum dæmi af þremur kon-
um. Jóna hefur 230.000 kr í laun á
mánuði, Sigga 660.000 kr og Magga
1.800.000 kr. Með einu skattþrepi
og persónufrádrætti eins og kerfið
var árið 2009 og ef við gerum ráð
fyrir framfærslukostnaði einstak-
lings upp á kr. 128.000 (framfær-
sluviðmið umboðsmanns skuldara)
á Jóna 58.000 í afgang eftir skatta
og nauðsynjar, Sigga 328.000 eða
sex sinnum meira en Jóna, Magga á
hins vegar 1.044.000 eftir eða átján
sinnum meira en Jóna.
Nú hrynur þjóðfélagið og það
þarf að greiða skuldir, hvað gera
menn þá? Ein leið er að hækka
skattaprósentuna flatt. En myndum
við láta unglinginn greiða jafnmikið
og fullvinnandi forstjóra á heimili ef
gera þarf við þakið sem fauk í ofsa-
veðri? Fáir, því á flestum heimilum
er byrðunum skipt eftir getu þeirra
sem eiga að bera. Það reynum við
líka að gera á þjóðfélagsheimilinu
eftir því sem kostur er. Ein leið til
þess er þrepaskipt skattkerfi. Þeir
sem minnsta svigrúmið hafa í fjár-
málum heimilisins finna þá minna
fyrir hruninu, þeir sem eiga meira
greiða hærra, þeir hafa breiðara bak.
Tökum aftur dæmið af þessum
eðalfrúm, með þrepaskiptingu og
sama persónufrádrætti og fram-
færslukostnaði og í fyrra dæminu.
Jóna, með lágu launin, greiðir rúm
43.000 kr, sömu upphæð og í flata
skattinum, Sigga greiðir 223.000
kr sem er hækkun upp á 20.000 kr
frá fyrra dæmi en Magga sem hefur
nærri tvær milljónir á mánuði eða
áttföld laun Jónu greiðir 790.000.
Eftir sem áður er afgangur Möggu
fimmtán sinnum meiri en afgangur
Jónu eftir skatta og framfærslu.
Með þessu brölti aukast tekjur
ríkissjóðs um rúm 183.000 en
tilgangurinn var sem sagt að auka
tekjurnar til að greiða sameiginlegar
skuldir. Ef sækja ætti sömu upp-
hæð með hækkun á flötum skatti
þarf hann að verða 44%. Þá á Jóna
(unglingurinn á þjóðarheimilinu)
43.000 krónur eftir skatta og fram-
færslu, í þrepakerfinu á hún 58.000
eftir í buddunni. Magga á 922.205
eftir skatta og framfærslu eða meira
en tuttugu sinnum meira en Jóna.
Þetta þykir sumum sanngjarnt,
öðrum ekki.
Um þessar tölur má sjálfsagt
orðhenglast eitthvað og snúa út
úr, til dæmis efast ég sjálf um að
einstaklingur geti framfleytt sér
á 128.000 á mánuði. Hækkun á
framfærslukostnaði eykur þó enn
meira ójafnvægið í afkomunni.
Eins er hækkun persónufrádrátt-
ar frá árinu 2009 ekki tekin með í
þessum útreikningi.
Grundvallarniðurstaðan er að
þrepaskipt skattkerfi er sanngjörn
leið til að auka tekjur ríkissjóðs á
erfiðu tímum. Verði þrepaskipt-
ingin afnumin er tvennt í stöðunni,
hækka skattprósentuna verulega eða
auka niðurskurð umtalsvert. Þetta
er ekki flóknara.
Bryndís Sigurðardóttir
frambjóðandi í forvali Samfylk-
ingar á Suðurlandi.
Ágætu Sunnlendingar
Eftir að hafa legið undir feldi í langan tíma hef ég komist að þeirri niður-
stöðu að ég gæti gert gagn á Al-
þingi og þess vegna býð ég mig
fram í 1. – 4. sæti á framboðs-
lista Samfylkingar hér í Suður-
kjördæmi. Ég er kommakrakki
úr Hveragerði, félagshyggja og
jöfnuður eru mér í blóð borin og
ég reyni alltaf að breyta af heiðar-
leika og sanngirni. Betur get ég
ekki lýst mér, þannig finnst mér
ég vera.
Ég er viðskiptafræðingur og
kerfisfræðingur, með svæðis-
bundið leiðsögumannapróf og
meirapróf. Hef vasast í ýmsu
gegnum tíðina en frá árinu 2003
hef ég rekið bókhaldsstofuna Yf-
irlit. Ég á þrjár dáindisfríðar dæt-
ur, tvo dóttursyni og einn hund.
Í tæp tíu ár hef ég búið við þau
forréttindi að fá að vinna náið
með allskonar fólki sem er að lifa
drauma sína, skapa sér og sín-
um atvinnu og jafnvel fleirum.
Byggja upp og fóstra mannvæn-
leg fyrirtæki sem hvert og eitt
er mikilvægur hlekkur í okkar
samfélagi. Atvinnumál, nýsköp-
un, stuðningur við frumkvöðla
og heilbrigt umhverfi fyrir fyr-
irtæki skipta miklu máli og þar
vil ég leggja hönd á plóg. Í heil-
brigðu umhverfi felst aðgangur
að menntuðu og góðu vinnuafli,
eðlilegur aðgangur að fjármagni
með viðráðanlegum og fyrirsjáan-
legum vaxtakostnaði og réttlátu
skattkerfi.
Samfylkingin er eini flokk-
urinn sem hefur trúverðuga at-
vinnustefnu og eini flokkurinn
sem boðar raunverulegt og heil-
brigt samkeppnisumhverfi fyrir-
tækja. Samfylkingin hefur skiln-
ing á mikilvægi menntunar og
síðast en ekki síst er Samfylkingin
eini flokkurinn sem berst fyrir
inngöngu Íslands í Evrópusam-
bandið en einungis þannig verður
aðgengi okkar og endurgjald fyrir
fjármagn eðlilegt og fyrirsjánlegt.
Í silfurskeiðinni minni var
kennsla um samfélagslega ábyrgð,
samúð og réttlæti og þess vegna
á ég erindi á Alþingi.
Bryndís Sigurðardóttir
www.bryndissig.com
Tafla 3
Sala íbúða,
janúar - október 2012
Fjölbýli
(fjöldi)
Sérbýli
(fjöldi)
Árborgarsvæði 23 123
Reykjanesbær 108 74
Akranes 53 51
Akureyri 204 125
Tafla 2
Meðalverð íbúða,
janúar - október 2012
Fjölbýli
(millj.kr.)
Sérbýli
(millj.kr.)
Árborgarsvæði 13,9 21,6
Reykjanesbær 16,3 23,9
Akranes 14,2 21,6
Akureyri 20,4 28,7
Hvað laðar fólk að? Hér leggst það
í biðröð á Selfossi til að komast á
knattspyrnuleik. Mynd: ÞHH