Selfoss - 15.11.2012, Blaðsíða 10

10 15. nóvember 2012
Hnefinn og og rósinn
Á undanförnum árum hef ég verið óvæginn í gagnrýni minni á ýmis mál er snerta
nærsamfélag mitt á Suðurnesjum.
Það hefur verið skoðun mín, að
opin umræða um mál sem snúast
um hagsmuni almennings, væri af
hinu góða. Að hver og einn geti
myndað sér skoðun, og jafnvel lagt
sitt af mörkum til lausnar. Gagnrýni
mín hefur verið sett fram af góðum
hug; varnaðarorð, þegar mér hef-
ur sýnst gengið gegn hagsmunum
heildarinnar, en jafnframt bent á
aðrar og raunhæfari lausnir. Nægir
hér að nefna málefni Hitaveitu
Suðurnesja, Eignarhaldsfélagsins
Fasteignar, og svo nú síðast málefni
hjúkrunarheimilis að Nesvöllum.
Það fylgir því mikil ábyrgð, að
bjóða sig fram til þingsetu í jafn
stóru kjördæmi og Suðurkjördæmi.
Eitt helsta einkenni kjördæmisins
er litrík flóra atvinnugreina; ólíkar
áherslur í atvinnulífi. Hins vegar er
lítil áherslubreyting þegar kemur að
mikilvægum þjónustuþáttum eins
og heilbrigðismálum, samgöngum
og löggæslu. En mikilvægust, nú
um stundir, eru atvinnumálin, sem
hljóta að verða í algjörum forgangi
hjá hverjum einasta frambjóðanda,
sem vill láta taka sig alvarlega.
Miklar skuldir íslenskra heimila
og fyrirtækja munu setja fram-
tíðarhorfum um vöxt einkaneyslu
og fjárfestingar miklar skorður, og
um leið hefta hagvöxt hér á landi
á næstu árum. Það ætti því að vera
öllum ljóst að afnám verðtryggingar,
sem er meginástæða mikillar skuld-
setningar, er brýnasta hagsmunamál
þjóðarinnar allrar. Sú áþján, sem
fylgir verðtryggingunni, verður ekki
kveðin í kútinn nema með samstöðu
þvert á flokka og hagsmunasamtök.
Það verður mitt aðalbaráttumál.
Fyrir rúmlega þrátíu árum gerði
Vilmundur heitinn Gylfason að
umræðuefni merki jafnaðarmanna,
hnefann og rósina. Hann sagði:
„Merki okkar jafnaðarmanna er
hnefi og rós. Hnefinn táknar afl,
rósin fegurð. Kannski finnst ykkur
að hnefinn skipi of mikið rúm í mál-
flutningi okkar, að rósin, fegurðin,
komist ekki að sem skyldi. Mér
finnst þetta stundum sjálfum. En
við erum þjóð í vanda, við hverfum
ekki frá efnahagslegri óstjórn, sið-
ferðilegri upplausn, við komum ekki
umbótum okkar í gegn nema að við
setjum hnefann í borðið. Hnefinn
og rósin eru hvort öðru háð. Við trú-
um því að aukist afl okkar þá verði
meira rúm fyrir rósina, meira rúm
fyrir fegurðina í íslensku þjóðfélagi.“
Það er mín skoðun, að það sé
komið að tíma rósarinnar; rósar allra
heimila í landinu. Það þarf að skapa
þeim skilyrði til að njóta fegurðar
eftir erfiðleika síðustu ára. Það er
fyrir því sem ég vil berjast, þess vegna
hef ég boðið mig fram og bið um
stuðning í 3.sæti í flokksvali Sam-
fylkingar í Suðurkjördæmi.
Með bestu kveðju
Hannes Friðriksson
Okkar vinsæli heimilismatur í hádegi alla virka daga kl. 12:00 - 13:30.
Súpa, aðalréttur, kaffi, biti, kaka eða ávöxtur.
Allt þetta á aðeins 1.490,- kr.
Breiðumörk 2b, Hveragerði
Pizzur, smáréttir, veislur, bar.
Gæði - Þjónusta - Lipurð - Stöðugleiki
Ólík svæði, sömu áherslur
Síðustu daga hef ég verið svo lánsamur að hafa fengið tækifæri til að ferðast um
hið víðfeðma Suðurkjördæmi.
Þessi ferðalög hafa að mestu ver-
ið í tengslum við framboð mitt
í flokksvali Samfylkingarinn-
ar í kjördæminu og ég hef hitt
skemmtilegt fólk allt frá Höfn og
vestur í Garðinn. Þegar maður fer
svona um kjördæmið þá sér maður
hversu ólíkar aðstæðurnar eru á
milli ólíkra svæða og að það eru
misjöfn málefnin sem brenna á
fólki eftir því hvar maður kemur.
Við sem gefum kost á okkur til
starfa fyrir íbúa Suðurkjördæmis
á vettvangi stjórnmálanna verð-
um að leggja okkur fram við að
þekkja þau mál sem brenna á fólki
á hverjum stað til að geta talað fyrir
hagsmunum svæðisins.
En þrátt fyrir að áherslur fólks
séu mismunandi á milli svæða
finnur maður fljótt að það er
mikill samhljómur í því sem fólk
er að segja. Alls staðar talar fólk
um mikilvægi atvinnumála enda
er heilbrigt atvinnulíf undirstaða
alls annars í samfélaginu; alls stað-
ar leggur fólk áherslu á mikilvægi
menntunar og aðgang að öflugum
menntastofnunum; alls staðar vill
fólk njóta góðrar heilbrigðisþjón-
ustu og alls staðar kallar fólk eftir
aðgerðum sem taka á skuldastöðu
heimilanna. Þegar öllu er á botn-
inn hvolft kemur nefnilega í ljós að
það eru sömu málin sem brenna á
fólki sama hvar maður kemur. Það
vilja allir að Íslandi sé stýrt í anda
velferðar og jöfnuðar.
Það þarf heilindi og hugrekki
til að takast á við verkefni stjórn-
málanna í dag. Viðfangsefnin eru
krefjandi og snúast um forgangs-
röðun, áherslur, framtíðarsýn, gildi
og lausnir. Þau snúast um að bæta
hag lands og þjóðar og leggja grunn
að betri framtíð. Ég hef ákveðið að
gefa kost á mér til að takast á við
þessi mikilvægu verkefni og óska
eftir stuðningi í 2.-3. sæti á lista
Samfylkingarinnar í Suðurkjör-
dæmi. Ég hlakka til að vinna með
frjóu og skemmtilegu fólki úr öllu
kjördæminu að framgangi sameig-
inlegra hagsmunamála okkar allra.
Ólafur Þór Ólafsson
Jólaljósin
kveikt í Árborg
Í dag, fimmtudaginn 15.nóvember
verða jólaljósin kveikt við hátíð-
lega athöfn fyrir framan Ráðhús
Árborgar og Bókasafnið. Jólaljósin
verða kveikt á slaginu 18:00 en það
gera tveir ungir drengir, Rósmundur
Helgi Hrannarsson og Óskar Ólafur
Guðbjörnsson en báðir halda þeir
upp á eins árs afmæli á þessum degi.
Stutt hátíðardagskrá byrjar kl.17:40.
Dagur íslenskrar
tungu haldinn hátíð-
legur í Víkurskóla
Þórarinn Eldjárn verður gestur í
Vík á Degi íslenskrar tungu og mun
lesa úr verkum sínum. Einnig munu
nemendur Víkurskóla sjá um upp-
lestur og tónlistaratriði. Allur ágóði
af kaffisölu rennur í ferðasjóð nem-
endafélagsins. Hátíðin hefst klukkan
19.30
Heyrðist alla
leið á Selfoss
Nemendur Grunnskólans í Hvera-
gerði sungu svo að undir tók í skól-
anum er Halldór Gunnar kórstjóri
Fjallabræðra hljóðritaði raddir
barnanna. Þau mynda risakór sem
hljóma mun í lokakafla lags sem
nefnist Ísland og verður síðar gert
öllum aðgengilegt á vefnum.Kór-
stjórinn hafði á orði að söngurinn
hlyti að hafa heyrst alla leið á Selfoss.
Smáfréttir