Selfoss - 15.11.2012, Blaðsíða 6

6 15. nóvember 2012
Kærleikskeðja og umburðarlyndi
Vallaskóli á Selfossi er þátt-takandi í Olweusaráætl-uninni gegn einelti. 8.
nóvember er helgaður baráttunni
gegn einelti og var dagsins minnst í
skólum landsins. Vallaskóli tók þátt
með því að mynda kærleikskeðju
innanhúss. Nemendur og starfsfólk
mynduðu manngerða keðju endana
á milli í húsnæðinu á Sólvöllum (um
200 metra) og gengu nemendur í
gegnum keðjuna og bylgdust um
ganga. Þetta var skemmtilegt hópefli
í tilefni dagsins.
Að auki viljum við minnast á
vinnu nemenda með dyggðir, segir
á vef Vallaskóla, en í október var
dyggðin umburðarlyndi fyrir valinu.
Nemendur hafa unnið að sameigin-
legu myndverki tengdu dyggðinni
sem við vonumst til að afhjúpa fyrir
áramótin.
En utan þess unnu bekkir með
mismunandi verkefni og hér viljum
við benda á eitt vídeóverkefni sem
7. bekkur stóð að: Slóðin er http://
www.youtube.com/watch?v=pH6su-
hOZI0o . Óhætt er að segja að boð-
skapur myndbandsins sé í anda 8.
nóvember og átaks gegn einelti.
Um allt Suðurland minntust
nemendur og starfsmenn dagsins.
Í Flóaskóla voru t.d. unnin verk-
efni sem tengjast einelti, jákvæðum
samskiptum, jákvæðum skólabrag
og starfsanda.
Hægt er að skrifa undir þjóðar-
sáttmála gegn einelti sem er að-
gengilegur á heimasíðunni www.
gegneinelti.is. Með undirritun
skuldbindur fólk sig til að vinna
gegn einelti og markmiðið er að fá
sem allra flesta til að skrifa undir
sáttmálann. Við hvetjum sem flesta
til að skrifa undir eftirfarandi sátt-
mála:
Þjóðarsáttmáli gegn einelti
„Við undirrituð skuldbindum
okkur til þess að vinna af alefli og
einurð gegn einelti í samfélagi okk-
ar. Við munum standa vörð um rétt
fólks til þess að lifa í sátt og sam-
lyndi við umhverfi sitt. Við mun-
um sérstaklega gæta réttar barna
og ungmenna sem og einnig allra
hópa sem ekki eiga sér málsvara eða
sterka rödd.Við munum öll hvert
á okkar sviði, skuldbinda okkur til
þess að hafa áhrif til góðs á nánasta
umhverfi okkar. Við ætlum að vera
góð fyrirmynd og leggja okkar af
mörkum til þess að vinna bug á
því samfélagslega böli sem einelti
er.” ÞHH
Stuðningsmenn Björgvins G. Sigurðssonar
Björgvin í 1. sæti
Föstudaginn 16. nóvember og laugardaginn
17. nóvember fer fram kosning í flokksvali
Samfylkingarinnar í Suðurkjördæmi.
Þeir sem hafa rétt til að kjósa skrá sig inn á
xs.is og kjósa með rafrænum hætti.
Aðrir sem ekki hafa aðgang að tölvu eða eru
ekki með heimabanka geta kosið á Eyrarvegi,
sal Samfylkingarinnar, þar sem kjörfundur stendur yfir kl. 13.00-17.00 föstudag
og laugardag.

Allar upplýsingar um valið í síma 863 5518 eða 612 0216.
Opið á efri hæðinni í Tryggvaskála.

Tryggjum okkar manni á Alþingi örugga kosningu í 1. sæti.
Þak á verðtryggingu
fram að upptöku evru
Fórnarkostnaður lítillar þjóðar við að halda úti sjálfstæðum gjaldmiðli er afar hár. Beinn
kostnaður vegna viðvarandi hærri
vaxta hleypur á tugum milljarða á ári.
Milljarða kostnaður fellur á heimili
og fyrirtæki ár hvert, þegar allt leik-
ur í lyndi, en við fall gjaldmiðils í
kreppu margfaldast kostnaðurinn við
krónuna og kemur fram á mörgum
sviðum. Lánin hækka, matur og elds-
neyti einnig og almennt dregur úr
kaupmætti fólks.
Samfylkingin hefur einn flokka
svarað því hvert hún stefnir í þessu
stærsta hagsmunamáli þjóðarinnar og
lagt fram skýra stefnu í gjaldmiðils-
og peningamálum landsins til lengri
tíma litið. Aðild að ESB og upptaka
evru í framhaldi af því er okkar mark-
mið og eini sjáanlegi valkosturinn við
núverandi stöðu.
Hinsvegar þarf Samfylkingin
einsog aðrir flokkar að leggja fram
tillögur um skammtímaaðgerðir til
að verja húsnæðislán heimilanna fram
að upptöku evru. Ein slík aðgerð gæti
verið að festa mögulega hækkun
neysluverðsvísitölu veittra lána á ári
t.d. við tiltekna prósentu, hvort sem
það er 2 eða 3% svo dæmi sé tekið.
Með slíku þaki á verðtryggingu
yrði kostnaði við verðlagsbreytingar
skipt af sanngirni á milli lánveitenda
og skuldara.
Stærstu álitaefnin í aðildarvið-
ræðunum við Evrópusambandið eru
að tryggja að Ísland haldi fullum
yfirráðum yfir fiskimiðunum, helst
með sérstöku fiskveiðistjórnarsvæði.
Einnig að skapa landbúnaðinum og
landsbyggðinni traustan stuðning til
að mæta minni tollvernd og semja
um tengingu krónu við evru í kjölfar
aðildar að ESB.
Gangi þetta fram er góður samn-
ingur í höfn. Önnur samningsatriði
eru léttari viðfangs vegna aukaaðild-
ar okkar að sambandinu í gegnum
EES-samninginn.
Verðtryggð króna í höftum og sí-
felldri verðmætarýrnun er valkostur-
inn við upptöku evru. Einhliða
upptaka annarra þjóða mynta hefur
alltaf verið slegin út af borðinu. Enda
fylgja því margvíslegar og meirihátt-
ar skuldbindingar að hleypa einu
samfélagi inn á myntsvæði annars.
Afnám verðtryggingar og viðvar-
andi lágir vextir eru ekki einu kostirn-
ir við að kasta krónunni og taka upp
traustan og stöðugan gjaldmiðil. Þeir
felast ekki síður í því að byggja upp
trausta og stöðuga umgjörð efnahags-
mála. Öfluga umgjörð sem bindur
endi á tímabil öfgakenndra sveiflna
liðinna áratuga. Þær sveiflur hafa þýtt
eignaupptöku og kaupmáttarrýrnun
hjá almennu launafólki en ábata fyrir
útflutningsgreinarnar.
Umsóknin um aðild Íslands að
Evrópusambandinu er að mínu mati
mikilvægasta ákvörðun Alþingis í
utanríkismálum um áratugaskeið.
Aðildarumsóknin er einstakt tæki-
færi til að komast út úr því sam-
félagi hafta og sérhagsmuna sem
lengi hefur verið til staðar á Íslandi.
Aðildin er ekki síður rækileg tiltekt
eftir margra áratuga óstöðugleika
í gjaldmiðils- og efnahagsmálum.
Því er til mikils vinnandi að um-
ræðan um aðild sé málefnaleg og
hófstillt. Hún hefur einkennst af
hræðsluáróðri og heimsendaspá-
mennsku sem eiga ekki við nein rök
að styðjast. Við höfum í tæpa tvo
áratugi verið auka-aðilar að Evrópu-
sambandinu án nokkurra áhrifa á
störf þess né möguleika á að taka þátt
í því sem mestu skiptir fyrir litla þjóð
við nyrsta haf; gjaldmiðilssamstarfi.
Björgvin G. Sigurðsson, 1. þing-
maður Suðurkjördæmis.
Kærleikskeðja um alla ganga í valla-
skóla.
Smáfréttir
4 ára strengjaleikari
Um 100 nemendur komu fram á
tónleikum strengjadeildar Tónlistar-
skóla Árnesinga sem voru haldnir í
Selfosskirkju sl. þriðjudag. Sá yngsti
var fjögurra ára og lagði sig allan
fram eins og þeir eldri sem léku allt
upp í strengjakvartett opus 75, Læ-
virkjann eftir Haydn. Þá var Abba
á dagskrá og Det var en lördag aften
– svo að eitthvað sé nefnt. Sem sagt
fjölbreytt dagskrá. Mynd: ÞHH
nemendur í Flóaskóla héldu upp á Dag gegn einelti.