Selfoss - 15.11.2012, Blaðsíða 9

915. nóvember 2012
Rjúpa ræður að lyngi,
- raun er létt um sinn, -
skýzt í skafrenningi
skjótt í krafsturinn,
tínir mjöllu mærri
mola, sem af borði
hrjóta kind hjá kærri,
kvakar þakkarorði.
Valur í vígahuga
varpar sér á teig,
eins og fiskifluga
fyrst úr löngum sveig
hnitar hringa marga.
Hnífill er að bíta.
Nú er bágt til bjarga,
blessuð rjúpan hvíta!
Elting ill er hafin.
Yfir skyggir él.
Rjúpan vanda vafin
veit sér búið hel.
Eins og álmur gjalli,
örskot veginn mæli,
fleygist hún úr fjalli
að fá sér eitthvert hæli.
Mædd á manna bezta
miskunn loks hún flaug,
inn um gluggann gesta
guðs í nafni smaug.
Úti garmar geltu,
gólið hrein í valnum.
Kastar hún sér í keltu
konunnar í dalnum.
Gæðakonan góða
grípur fegin við
dýri dauðamóða, -
dregur háls úr lið.
Plokkar, pils upp brýtur,
pott á hlóðir setur,
segir: "Happ þeim hlýtur!" -
og horaða rjúpu étur.
Að sitja í Kaupmannahöfn fjarri fjöl-
skyldu og hugsa til fósturjarðarinnar
á tímum Jónasar er erfitt að hugsa
sér á dögum tölvu, internets, farsíma
og Skypes.
Er þessi hugsun til í dag?
ÉG BIÐ AÐ HEILSA
Nú andar suðrið sæla vindum þýð-
um.
Á sjónum allar bárur smáar rísa
og flykkjast heim að fögru landi ísa,
að fósturjarðar minnar strönd og
hlíðum.
Ó, heilsið öllum heima rómi blíðum
um hæð og sund í drottins ást og
friði.
Kyssið þið, bárur, bát á fiskimiði.
Blásið þið, vindar, hlýtt á kinnum
fríðum.
Vorboðinn ljúfi, fuglinn trúr, sem fer
með fjaðrabliki háa vegaleysu
í sumardal að kveða kvæðin þín!
Heilsaðu einkum, ef að fyrir ber
engil með húfu og rauðan skúf, í
peysu.
Þröstur minn góður, það er stúlkan
mín.
Réttir eru nýbúnar - það styttist í
þorrablót og gleðihald árshátíða en
þá eru þessar vísur söngur kvöldsins
VÍSUR ÍSLENDINGA
Hvað er svo glatt sem góðra vina
fundur,
er gleðin skín á vonarhýrri brá?
Eins og á vori laufi skrýðist lundur,
lifnar og glæðist hugarkætin þá.
Og meðan þrúgna gullnu tárin glóa
og guðaveigar lífga sálaryl,
þá er það víst, að beztu blómin gróa
í brjóstum, sem að geta fundið til.
Látum því, vinir, vínið andann
hressa,
og vonarstundu köllum þennan dag,
og gesti vora biðjum guð að blessa
og bezt að snúa öllum þeirra hag.
Látum ei sorg né söknuð vínið
blanda,
þó senn í vinahópinn komi skörð,
en óskum heilla og heiðurs hverjum
landa,
sem heilsar aftur vorri fósturjörð.
Fjárfestingaráætlun
– hagfelld, skapandi og græn
Síðastliðið vor var fjárfesting-aráætlun ríkisstjórnarinnar kynnt. Markmiðin með henni
eru margþætt en fyrst og fremst er
henni ætlað að sporna gegn at-
vinnuleysi og stuðla að fjölbreyttri
atvinnuuppbyggingu sem um leið
hefur jákvæð áhrif á hagvöxt. Fjár-
festingaráætlunin er fjármögnuð
með nýju veiðileyfagjaldi og arði
af eignarhlutum í bönkunum.
Í fjárlagafrumvarpinu sem ég
mælti fyrir í september sl. er upp-
hæð veiðileyfagjaldsins að finna
en tilgreint að áætlaður arður af
eignarhlutum í bönkunum kæmi
með breytingartillögum við 2. um-
ræðu fjárlaga þar sem óljóst væri
hversu miklar tekjur fengjust vegna
arðgreiðslna. Nú er niðurstaðan
fengin og ljóst að fjárfest verður fyrir
4,2 milljarða króna sem koma með
veiðileyfagjaldi og fyrir 6,1 millj-
arð króna sem koma með arði frá
bönkunum.
Helstu verkefnin eru miklar
samgöngubætur á landsbyggðinni
ásamt nýrri Vestmannaeyjaferju
og rannsóknum og framkvæmd-
um við Landeyjarhöfn, fangelsi á
Hólmsheiði og myndarlegur stuðn-
ingur við húsafriðun. Hús íslenskra
fræða rís í Reykjavík og umtalsverð-
ir fjármunir verða veittir til upp-
byggingar ferðamannastaða og inn-
viða þjóðgarða og friðlýstra svæða.
Kirkjubæjarstofa verður byggð og
hefst bygging hennar á næsta ári
og sóknaráætlun landshluta efld.
Viðhaldsverkefnum á byggingum
í eigu ríkisins verður fjölgað. Öll
þessi verk skipta verulegu máli fyrir
byggðirnar sem þeirra munu njóta
og munu styrkja innviði samfélags-
ins svo um munar.
Með fjárfestingaráætluninni er há-
skóla- og atvinnulíf framtíðarinnar
jafnframt stóreflt með auknu fé til
Rannsóknasjóðs og Tækniþróunar-
sjóðs ásamt sérstökum áhersluvið-
miðum stjórnvalda í vísinda- og
atvinnumálum. Græna hagkerfið
verður styrkt og einnig skapandi
greinar, s.s. Kvikmyndasjóður og
verkefnasjóðir fyrir myndlist, bók-
menntir, hönnun og tónlist. Einnig
verða teknar upp endurgreiðslur
kostnaðar fyrirtækja vegna fjár-
festinga, rannsóknar og þróunar sem
draga úr neikvæðum umhverfisáhrif-
um af starfssemi þeirra og stuðlað er
að vistvænum innkaupum.
Vegna skuldsetningar hefur
ríkissjóður ekki getað ráðist í fjár-
festingar svo heitið geti eftir hrun.
Nú þegar færi gefst með arði af nátt-
úruauðlindum og eignarhlutum í
bönkum er ráðist í verk sem styðja
við hagvöxt og fjölbreytni í atvinnu-
lífi. Fjárfestingaráætlunin er liður í
nýrri sókn fram á veginn eftir efna-
hagsáfallið. Hún er metnaðarfull og
framsækin, skapandi og græn.
Oddný G. Harðardóttir
þingflokksformaður
Samfylkingarinnar
„Vinaminni“ í Þjórsárskóla
Staðurinn á að minna okkur á mikilvægi vináttunnar og að koma vel fram við aðra.
8. nóvember er sérstakur dagur
á Íslandi sem tileinkaður er baráttu
gegn einelti. Við í Þjórsárskóla tók-
um þátt í deginum og við segjum
STOPP við einelti.
Nemendur höfðu allir fengið
innlegg um Olweus og einelti og
bjuggu í framhaldi af því til hend-
urnar sínar og skrifuðu inn í þær
hvað þeir geta gert sjálfir til þess að
koma í veg fyrir einelti og byggja
upp jákvæð samskipti. Starfsfólk
skólans tók líka þátt. Hendurnar
voru síðan settar upp á vegg og
mynda saman orðið STOPP.
Um hádegi komu allir nemendur
og starfsfólk skólans saman úti á
skólalóðinni og í tilefni dagsins var
vígður fallegur staður og honum
gefið nafnið „Vinaminni“. Staður-
inn á að minna okkur á mikilvægi
vináttunnar og að koma vel fram
við aðra. Þangað er hægt að fara
í frímínútum og eiga góða stund
með vinum sínum og vinkonum.
Stundinni lauk með því að við
tókum höndum saman utan um
Vinaminni til þess að sýna samstöðu
okkar.
Skindbuksen í Kaupmannahöfn.
Einkum er stuðst við efni Landsbókasafns Íslands - Háskólabókasafns um
Jónas Hallgrímsson jonashallgrimsson.is og bók Páls Valssonar um Jónas:
Jónas Hallgrímsson, ævisaga. Kristjana Sigmundsdóttir tók saman.
vinaminni á að minna okkur á mikilvægi vináttunnar og að koma vel fram við aðra.