Selfoss - 15.11.2012, Blaðsíða 14

14 15. nóvember 2012
Síðustu sýningar á
Rummungi ræningja
í Þorlákshöfn
Leikfélag Ölfuss sýnir næst á laugar-
dag 17. nóvember klukkan 14 og
sunnudag 18. Nóv á sama tíma,
laugardag 24. nóvember kl. 14:00 og
sunnudag 25. nóvember kl. 14:00
- Allra síðasta sýning!
Nú fer hver að verða síðastur að
sjá þessa flottu og skemmtilegu
sýningu!
Miðapantanir í síma 692-2761
og 664-6454
Sýnt í Versölum (miðasala opnar
kl. 13:00 á sýningardögum).
Miðaverð kr. 2000. Enginn posi.
Jól í skókassa
Jól í skókassa er alþjóðlegt verkefni
sem felst í því að fá börn jafnt sem
fullorðna til þess að gleðja önnur
börn sem lifa við fátækt, sjúkdóma
og erfiðleika með því að gefa þeim
jólagjafir. Allir nemendur í Þjórs-
ársskóla tóku þátt í verkefninu fyrir
þessi jól og bjuggu allir nemend-
ur skólans til „skókassa“ sem þeir
skreyttu og fylltu af gjöfum.
Til þess að lifa!
Þeir togast án afláts um völdin: þeir stæla og stríða.
Og stafkrókum beita þeir mest sem kunna ekki að skrifa.
Í sveiflunni milli tveggja andstæðra tíða
við titrandi óma styðst ég – til þess að lifa.
Upphafsljóð skáldsins Ólafs Jó-
hanns Sigurðssonar í bók hans Virki
og vötn heitir Í sveiflunni og hér
að ofan er niðurlag ljóðsins. Það á
erindi við samfélag okkar 2012 rétt
eins og 1978. Á þeim aldarþriðjungi
hefur stór hópur fjáraflamanna, þar
með þingmenn, gefið sig fram til
að stýra Íslandi til bættra kjara og
meira frelsis en gættu sín ekki –
hvað þá okkar þegna þessa lands –
svo ýmsir féllu í gildru græðginnar,
margir að ósekju, en Ólafur heldur
áfram að yrkja um óma:
Eirðarlaus tónn
sem öngvum tengist
sveimar um hug þér
sviftir þig ró –
sveimar og leitar
á löngum dægrum
vakir um nætur
og vekur upp þrá.
Aldrei vill hann þýðast
aðra tóna
eirðarlaus sveimar
þó önd sé þreytt.
Gistihús, ferðalög, sjoppur og virki
eru hugleikin skáldinu sem dregur
af næmleika upp eina myndina af
annarri handa lesandanum:
Og í nálægri höll
er náttmyrkur bruggað
sem berast skal í dögun
um byggðir þessa lands.
Þú heyrir dyn
hinna hraðgengu véla
þegar fals og lygar
falla á hvítt.
Um nytsemd lækjarins yrkir Ólafur:
Öngvum er þessi lækur líkur
hann lofar mömmu að þvo í hyl
hagræðir straumnum henni í vil
og hróðugur kveður langan brag
blár sem heiðloftið hér um bil
– þar hanga til þerris aðrar flíkur.
Því guðsmóðir einnig svo góðan dag
greip til að koma öllu í lag.
Svo sest Ólafur Jóhann hjá gleðinni,
yrkir um sumarmánuðinn fyrsta,
talar um gróðrarskúri hörpu sem
gangi hjá við geislastaf og heilsar
svo á Jónas í leiðinni:
Út í skúra-hjúfrið hlýtt
hlauptu á augabragði:
Allt er nú sem orðið nýtt
eins og skáldið sagði.
Ólafur Jóhann fæddist 1918, átti
æskuár sin nærri bökkum Sogsins
og 16 ára gaf hann út fyrstu bók
sína, Við Álftavatn. Sem sagnaskáld
haslaði hann sér völl í íslenskum
bókmenntum en bókmenntaverð-
laun Norðurlandaráðs hlaut hann
fyrstur Íslendinga árið 1976 fyrir
ljóðabækurnar Að laufferjum og Að
brunnum.
Úr Harð Haus (15)
Ingi Heiðmar Jónsson
Eignaumsjón er óháður fagaðili þegar kemur að rekstri húsfélaga og rekstrarfélaga – og því frábær lausn fyrir eigendur atvinnuhúsnæðis. Í okkar umsjá
ertu í góðum höndum - við sjáum um fjármálin, fundina, undirbúning framkvæmda og viðhalds og annarra þátta sem þarf að leysa.
Er húsfélagið í lausu lofti ?
»
Vantar óháðan aðila til að annast málefni húsfélagsins eða rekstrarfélagsins ?
Eignaumsjón hf . – Suður landsbraut 30 – Sími 585 4800 – afgreids la@eignaumsjon. is – www.eignaumsjon. is
Málefni aldraðra
Eins og við vitum er aldurs-samsetning þjóðarinnar að breytast og sífellt fleiri Ís-
lendingar ná háum aldri. Að sjálf-
sögðu ber að fagna því, en við þurf-
um að vera undir það búin að veita
þessum hópi þá þjónustu sem hann
hefur þörf fyrir.
Til þess að geta mætt þeirri þjón-
ustuþörf sem þegar er til staðar
þarf að hraða uppbyggingu hjúkr-
unarheimila á Suðurlandi eins og
kostur er. Þjónustuþörfin mun ekki
gera neitt annað en að aukast til mik-
illa muna á næstu árum þannig að
uppbyggingin verður að vera stöð-
ug ef við eigum að mæta framtíðar
þjónustuþörf í málaflokknum. Nú
þegar er möguleiki að fjölga hjúkr-
unarrýmum á einstaka heimilum
með því að breyta dvalarrýmum
í hjúkrunarrými. Þó ekki sé um
mörg rými að ræða þá munar um
alla aukningu í þjónustunni.
En það er ekki nóg að byggja ný
hús. Þjónustan og það innra starf
sem fram fer á heimilunum þarf að
vera metnaðarfull. Hugmyndafræðin
í þjónustunni skiptir miklu máli.
Við þurfum að þróa þjónustuna
við aldrað fólk þannig að hún verði
sveigjanlegri og meira einstakling-
smiðuð heldur en raunin er í dag.
Við eigum ávallt að setja okkur
það markmið að auka lífsgæði og
sjálfstæði aldraðra óháð því hver
þörf hvers og eins er fyrir þjónustu.
Sjálfsákvörðunarrétturinn á ávallt að
vera í öndvegi í þjónustunni. Aldr-
aðir eins og allir aðrir eiga sjálfir að
ákveða hluti sem hafa að gera með
þeirra persónulega líf eins og t.d.
hvernig þjónustunni við þá eigi að
vera háttað og hvar þeir óska eftir
að búa.
Arna Ír Gunnarsdóttir félagsráðgjafi
og bæjarfullrúi í Svf. Árborg. Býð
mig fram í 3. sæti í flokksvali Sam-
fylkingarinnar í Suðurkjördæmi..
Smáfréttir