Dagblaðið Vísir - DV - 25.06.2007, Síða 6

Framkvæmdasvæðið Á þessari mynd má
sjá svæðið sem ætlað er undir framkvæmd-
irnar. Eins og sjá má verður álver líklega reist
vestan við bæinn. Þorlákshafnarbær virðist
smávaxinn samanborið við fyrirhugað álver.
Margt bendir til þess að tvö álver muni rísa í Þorlákshöfn. Alcan
mun að öllum líkindum reisa álver vestan við bæinn og annað
álver mun rísa í kjölfar byggingar á áltæknigarði. Kjartan Ólafs-
son, þingmaður og formaður stóriðjunefndar sunnlenskra sveit-
arfélaga, segir ekkert mæla á móti því að tvö álver rísi í Þorláks-
höfn. Ólafur Áki Ragnarsson, bæjarstjóri Ölfuss, tekur undir orð
Kjartans og telur að álver og áltæknigarður fari vel saman.
Flest bendir til þess að áltæknigarður
og tvö stór álver muni rísa í Þorláks-
höfn í nánustu framtíð. Eins og fram
kom í DV á föstudaginn hefur blað-
ið fyrir því heimildir um að þegar sé
búið að ákveða að Alcan muni byggja
álver í Þorlákshöfn fáist til þess til-
skilin leyfi. Auk þess eru hugmyndir
uppi um að reisa áltæknigarð í Þor-
lákshöfn og er sú hugmynd langt á
veg komin. Áltæknigarðinum var
ætlað að skapa fullt af nýjum störfum
og að þar færi fram fullvinnsla á áli.
Munurinn á áltæknigarði og ál-
veri er sá að áltæknigarðurinn full-
vinnur álhráefnið á meðan álverið
frumvinnur álið. Til þess að þetta eigi
að ganga eftir þarf allt að 270 þúsund
tonn af áli. Til samanburðar er álver-
ið í Straumsvík 170 þúsund tonn.
Í lok maímánaðar sagði Jón
Hjaltalín Magnússon, forsvarsmað-
ur Artus ehf, sem sér um undirbún-
ing á verkinu að fjármögnun á ál-
tæknigarðinum væri í höfn eftir að
fyrirtækinu var tryggt bolmagn frá
erlendum fjárfestum. Verkið ætti því
aðeins eftir að fara í umhverfismat en
auk þess ætti eftir að semja við orku-
fyrirtæki og væri í því samhengi horft
til Hellisheiðarvirkjunar. Jón sagðist
jafnvel búast við því að framkvæmd-
ir myndu hefjast innan árs. Eins og
fram hefur komið í DV hefur blað-
ið fyrir því heimildir að Alcan muni
flytja starfsemi sína til Þorlákshafn-
ar og því forvitnilegt hvort tvö stór
álfyrirtæki verði á svæðinu áður en
langt um líður.
Mælir ekkert á móti
því að fá tvö álver
„Við erum búnir að vera í við-
ræðum við Jón Hjaltalín og hann er
búinn að koma með aðila víða að
sem hafa sýnt þessu verki áhuga.
Fyrirtækið er að vísu ekki tilbúið
en ég á alveg eins von á því að þetta
fyrirtæki verði stofnað og farið verði
í framkvæmdir,“ segir Kjartan Ólafs-
son, þingmaður Sjálfstæðisflokks-
ins og formaður fyrir stóriðjunefnd
sunnlenskra sveitarfélaga.
Kjartan segir að þótt Alcan eða
Norsk Hydro komi með álver í Þor-
lákshöfn mæli ekkert á móti því að
forsvarsmenn áltæknigarðsins haldi
áfram sinni vinnu. Kjartan segir að
ef til þess komi að áltæknigarðurinn
verði að veruleika mun annað ál-
ver rísa samfara því. Þar af leiðandi
verði tvö álver í Þorlákshöfn, eitt frá
Alcan og annað sem yrði við hliðina
á áltæknigarðinum. „Þeir hafa sagt
að til að verkið verði að veruleika
þurfi að reisa litla álverkssmiðju upp
á 60 þúsund tonn til að byrja með.
Hugmyndin er að það stækki síðan
upp í 270 þúsund tonn,“ segir Kjart-
an en hann er á þeirri skoðun að nýta
þurfi þá orku sem til er á svæðinu til
uppbyggingar á svæðinu. „Á mínum
pólitíska ferli hef ég lengi sagt að til
að byggja upp atvinnuveginn þurfi
að nýta þá orku sem til er á Suður-
landinu. Við höfum verið að senda
rafmagn í Hvalfjörðinn og í Straums-
vík og það hefur enginn atvinnustarf-
semi verið hér að öðru leyti nema í
kringum uppbyggingu virkjananna.
Mínar hugmyndir snéru alltaf að
því að hægt væri að nýta þetta til at-
vinnuuppbygginar á svæðinu rétt
eins og gert var fyrir austan. Núna
eru þrír aðilar sem hafa áhuga á því
að reisa álver og fulltrúar frá Norsk
Hydro eru væntanlegir til Þorláks-
hafnar í vikunni til að ræða um ál-
versframkvæmdir á svæðinu,“ segir
Kjartan.
Mjög áhugasamir um þáttöku
Ólafur Áki Ragnarsson, bæjar-
stjóri sveitarfélagsins Ölfuss, tek-
ur í sama streng og Kjartan og segir
ekkert mæla á móti því að tvö álver
rísi á svæðinu. „Áltæknigarðurinn
er hugsaður á annan hátt en álver-
ið. Bæjarstjórnin mun þó taka af-
stöðu til þess hvort heimilað verði að
byggja tvö álver á svæðinu. Ég held
að áltæknigarður og álver eins og Al-
can er með í huga fari mjög vel sam-
an. Það eru sameiginlegir hagsmunir
um að fá góða höfn og áltæknigarður
einn og sér stendur ekki undir slíku
mannvirki,“ segir Ólafur og bendir
á að málið sé ennþá á frumstigi en
liggi fyrir á haustdögum.
„Við erum mjög áhugasamir um
að taka þátt í þessari umræðu. Ork-
an er hérna til staðar og þetta svæði
hefur fleiri kosti en flest önnur,“ seg-
ir Ólafur. Þegar horft er til umhverf-
isverndarsjónarmiða og hvort ál-
ver sé það eina sem til greina komi
segir Ólafur að nýta þurfi landið og
álframleiðsla sé einn besti valkost-
urinn í atvinnusköpun. Við erum
bæjarfélag sem lifir á fiski og það
hefur verið samdráttur í þeim iðn-
aði. Það er skylda bæjaryfirvalda að
líta á alla kosti í stöðunni,“ segir hann
ennfremur.
Var við breytingar á fasteigna-
markaðnum
Þar sem ráðist hefur verið í stór-
ar framkvæmdir á landsbyggðinni
hefur hækkun húsnæðisverðs ver-
ið óhjákæmilegur fylgifiskur. „Það
segir sig sjálft að fasteignaverð mun
hækka mikið ef farið verður í stór-
framkvæmdir segir Þröstur Árna-
son, löggiltur fasteignasali á Selfossi.
Þröstur segist nú þegar hafa fundið
fyrir breytingu og segir að fólk hafi
haft samband til að forvitnast um
stöðuna á markaðnum. „Verðið fer
algjörlega eftir þróuninni á mark-
aðnum, til dæmis hversu mikið verð-
ur byggt. Verðið gæti þó vel farið yfir
það sem gengur og gerist á Selfossi.
Venjulegt verð á einbýlishúsi sem
er 160 til 180 fermetrar í
Þorlákshöfn eru 22 til
26 milljónir. Það verð
gæti auðveldlega
hækkað um 20 til
25 prósent,“ segir
Þröstur.
MÁNUDAGUR 25. JÚNÍ 20076 Fréttir DV
TVÖ ÁLVER Í ÞORLÁKSHÖFN?
EinaR ÞÓR SiguRðSSon
blaðamaður skrifar einar@dv.is
Ég held að áltækni-
garður og álver eins og
Alcan er með í huga fari
mjög vel saman. Það
eru sameiginlegir hags-
munir um að fá góða
höfn og áltæknigarður
einn og sér stendur ekki
undir slíku mannvirki
Ólafur Áki Ragnars-
son Segir að til greina
komi að tvö álver rísi
við Þorlákshöfn.