Kjarninn - 13.03.2014, Page 47

03/07 viðtaL
frestun fyllti mælinn
Björk segir tónleikana og annað sem fylgir viðburðinum
18. mars hafa átt sér nokkurn aðdraganda. „Við Darren
[Aronofsky] höfum verið í sambandi út af þessu síðan síðasta
sumar. Ég impraði á því við hann hvort hann vildi vera með
einhvers konar yfirlýsingu um náttúruvernd. Svo töluðum
við Grímur [Atlason, tónleikahaldari sem sér um skipulagn-
ingu] saman í janúar. Dropinn sem fyllti mælinn fyrir mér
var þegar umhverfisráðherrann ákvað að „fresta“ náttúru-
verndarlögunum.“
Náttúruverndarlögin höfðu verið mörg ár í gerjun og
náttúruverndarsinnum fannst þeir hafa unnið mikinn sigur
þegar þau voru samþykkt sem lög undir lok síðasta kjör-
tímabils. Loksins myndi vera til lagarammi sem sæi til þess
að náttúran myndi njóta vafans á kostnað efnishyggjunnar.
Sigurður Ingi Jóhannsson umhverfisráðherra ákvað hins
vegar síðastliðið haust að leggja fram frumvarp um að fella
burt lögin. Í frumvarpi hans sagði meðal annars að lögin
hefðu mætt „mikilli andstöðu frá ólíkum hópum samfélags-
ins“. Í febrúar náðist síðan sátt milli stjórnar og stjórnar-
andstöðu um að fresta gildistöku laganna fram til 1. júní 2015
í stað þess að fella þau á brott.
aðgerðasinni
Björk er ekki virk í pólitík og
kýs ekki stjórnmálaflokka. En
„frestun“ umhverfisráðherra á
gildistöku náttúruverndarlaga
var að hennar sögn dropinn
sem fyllti mælinn. Þá gat hún
ekki lengur á sér setið.
m
yN
d
: To
N
JE TH
ILESEN