Kjarninn - 13.03.2014, Síða 55

02/07 áLit
Hagstofa Íslands skilgreinir brottfall þannig að skrái
nemendur í framhaldsskólum sig ekki í skóla ári síðar og
hafi ekki útskrifast í millitíðinni teljist þeir til brottfalls-
nemenda og þannig fæst sú niðurstaða að allt að 43%
einstaklinga í 1975-árganginum á Íslandi hafi ekki lokið
framhaldsskólanámi við 24 ára aldur. Það setur okkur meðal
hinna minnst menntuðu innan OECD-landanna og við
erum helmingi lakari en þau Norðurlandaríki sem eru næst
okkur í mælingunum. Þetta hlutfall skánar nokkuð ef eldri
aldursflokkar eru skoðaðir, greinilegt er að Íslendingar eru
seinni til náms en aðrar þjóðir. Í OECD-könnun árið 2012
kemur fram að 67% af aldurshópnum 25-64
ára hafi lokið framhaldskólaprófi. Meðal
OECD-landanna er talið að 80% hlutfall sé
ásættan legt. Ef hlutfallið er skoðað hjá 25-34
ára aldurshópnum er það 72%, sem er 10%
lægra en meðaltalið er hjá OECD. Öll hin
Norðurlandaríkin liggja vel yfir 80% hlut-
fallinu, jafnvel yfir 90%. Við erum hins vegar
á svipuðu róli og Suður-Evrópuþjóðirnar.
Stóran hluta starfsævi minnar starfaði ég
við uppbyggingu menntakerfis atvinnulífs-
ins og var í nánu samstarfi við kollega mína
annars staðar á Norðurlöndunum. Út frá
þeirri reynslu sé ég örfá haldreipi sem við
gætum klifrað upp og lagfært stöðu okkar,
í það minnsta til þess að sefa aðeins hið
særða þjóðarstolt. Í þessu sambandi er áhugavert að skoða
samsetningu starfsfólks í rafiðnaði, starfsgeira sem hefur
rekið umfangsmesta starfsmenntakerfi í íslensku atvinnulífi
allt frá árinu 1975, en að jafnaði hefur liðlega fjórðungur
starfandi rafiðnaðarmanna sótt árlega eitt eða fleiri fagtengd
eftirmenntunarnámskeið. Í rafiðnaðinum hafa flest vel
launuð störf orðið til (ég tel viljandi ekki fjármálakerfið með)
og ekki síður þau mest spennandi í hugum unga fólksins. Það
endurspeglast í því að rafiðnaðurinn hefur haft um helming
allra iðnnema í landinu síðasta áratug.
„Í hinum
Norðurlanda-
ríkjunum er réttur-
inn til þess að ljúka
framhaldsskóla-
námi á kostnað
skattborgaranna
talinn varanleg
eign einstaklings-
ins, andstætt því
sem hér er.“