Nýtt Helgafell - 01.10.1959, Síða 15

HLUTFALLIÐ MILLI LÍFS OG DAUÐA
85

til Gunnlaugs. Iíann liafði skoðað málverkin
nokkra stund, en nú snakaði hann sér allt
í einu að bekknum, þar sem við sátum, og
sagði feimnislega: — Eruð þér listamaður-
inn? — Já, svaraði Gunnlaugur jafnfeiminn
og hinn. — Ég er sveitamaður austan af
Eskifirði, sagði aðkomumaður og fór dá-
lítið hjá sér, ég hef alltaf dáðst að mynd-
unum yðar. Ég þakka vður fyrir þær, ég
sé þér eruð Islendingur. — Nújá, sagði
Gunnlaugur Scheving í vandræðum sínum,
en hinn kvaddi og hraðaði sér út. Þegar
hann var farinn, sagði ég við Gunnlaug.
— Hann sagði þú værir íslendingur.
Gunnlaugur svaraði:
— Já, hann sagði það. Mér var sagt, að
Kjarval hefði verið hér í gær. Einhver ó-
kunnugur maður gekk að honum og gat ekki
stillt sig um að ávarpa hann: Heill sé þér,
meistari, sagði liann. Kjarval svaraði: —
Þakka fyrir, sömuleiðis. Svoleiðis hefði ég
viljað geta svarað þessum unga Eskfirðingi.
Ég sagði:
— Ég held hann hafi sagt þú værir Is-
lendingur, af því þú rnálar ekki afstrakt.
Gunnlaugur svaraði:
— Já, líklega.
Ég spurði:
— Hvaða munur er á afstrakt íslendingi
og fígúratífum íslcndingi?
Gunnlaugur brosti. Svo sagði hann:
— Ég held sá tími komi, þegar ekki verð-
ur lengur greint á milli þessara íslendinga.
Ég held sá tími komi, þegar fólk getur séð
mun á innlendri og útlendri afstraktlist. Ann-
ars hef ég orðið fyrir miklum afstraktáhrif-
um. Ég er alæta.
Valtýr Pétursson kom inn í sömu andrá.