Sveitarstjórnarmál - 01.05.2002, Blaðsíða 9

Víða valið um ný nöfn í kosningunum
fbúar fjölmargra sveitarfélaga víða um land kusu um nafn á nýtt, sameinað sveitarfélag samhliða
sveitarstjórnarkosningunum um liðna helgi.
íbúar allmargra sveitarfélaga fengu tæki-
færi til þess í kosningunum þann 25. maí
sl. að velja nafn á nýtt sveitarfélag eftir
sameiningu sveitarfélaga. Algengustu end-
ingar sem boðið var upp á í slíkum kosn-
ingum voru -bær og -byggð. Ekki fengu þó
íbúar allra nýrra sveitarfélaga að greiða at-
kvæði um nýtt nafn því í sumum tilvikum
er það verk fyrri eða nýrra sveitarstjórna.
Ekki kosið um nafn í fjórum
sveitarfélögum
í fjórum sveitarfélögum sem
orðið hafa til með sameiningu
sveitarfélaga að undanförnu fór
ekki fram könnun eða kosning
um heiti á sameinað sveitarfé-
lag. Sveitarstjórnir tveggja af
þessum fjórum höfðu þegar
ákveðið nafn á nýtt sveitar-
félag.
Blönduósbær verður áfram
til sem heiti á sveitarfélagi því
Sameinað sveitarfélag Blöndu-
ósbæjar og Engihlíðarhrepps
hefur samkvæmt ákvörðun
sveitarstjórna hlotið það nafn.
Hins vegar hefur þegar verið
ákveðið að nýtt sveitarfélag sem varð til
við sameiningu Austur-Eyjafjallahrepps,
Vestur Eyjafjallahrepps, Austur Landeyja-
hrepps, Vestur-Landeyjahrepps, Fljótshlíð-
arhrepps og Hvolhrepps muni hér eftir
nefnast Rangárþing eystra
Sveitarstjórn ákveður nafnið
í tveimur nýjum sveitarfélögum mun síðan
sú sveitarstjórn sem kosin var í kosningun-
um um liðna helgi ákveða nafn á sveitar-
félagið. Það á við um sveitarfélag sem
varð til við sameiningu Hólmavíkurhrepps
og Kirkjubólshrepps og sveitarfélag sem
varð til við sameiningu Gnúpverjahrepps
og Skeiðahrepps.
Skagabyggð í Húnavatnssýslu
íbúar Vindhælishrepps og Skagahrepps í
Austur-Húnavatnssýslu höfðu um þrjú
nöfn að velja á nýtt, sameinað sveitarfé-
lag. Nöfnin voru: Skagabyggð, Skaga-
hreppur og Vindhælishreppur. Skagabyggð
varð fyrir valinu.
Bláskógabyggð í Árnessýslu
Gnúpverjar og Skeiðamenn velja nafnið
ekki í almennum kosningum heldur láta
það nýkjörinni sveitarstjórn eftir eins og
fram kom hér að framan. Nágrannar
þeirra í Árnessýslunni fóru hina leiðina. í
Biskupstungnahreppi, Laugardalshreppi og
Þingvallahreppi stóð valið milli fjögurra
nafna og sögðu íbúarnir álit sitt í kosning-
unum um helgina. Nöfnin sem til greina
komu á nýtt sveitarfélag í uppsveitum Ár-
nessýslu voru Bláskógabyggð, Gullfoss-
byggð, Skálholtsbyggð og Þingvallabyggð.
Bláskógabyggð varð þar hlutskarpast.
Rangárþing ytra
í næstu sýslu var staðan svipuð, í einu
sameinuðu sveitarfélagi var könnun meðal
íbúanna en sveitarstjórn hafði þegar
ákveðið nafn á annað.
íbúar Djúpárhrepps, Holta- og Lands-
sveitar og Rangárvallahrepps gátu valið á
milli eftirtalinna nafna: Heklubyggð,
Rangárbyggð, Rangárhreppur, Rangársveit
og Rangárþing ytra. Vart þarf
að koma á óvart að nafnið
Rangárþing ytra varð fyrir
valinu.
Ekki Reykjavík
Þingeyinga!
Gárungarnir á Húsavík og í ná-
grenni göntuðust með það eftir
að fyrir lá að Húsavík og
Reykjahreppur myndu samein-
ast að tilvalið nafn á hið nýja
sveitarfélag væri Reykjavík.
Ekki gekk sú hugmynd lengra
því í kosningunum um helgina
fengu íbúarnir að kjósa um
nöfnin Húsavíkurbyggð, Húsavíkurbær,
Reykjabyggð og Skjálfandabyggð.
Nágrannar þeirra í Bárðdælahreppi,
Hálshreppi, Ljósavatnshreppi og Reyk-
dælahreppi gátu valið á milli nafnanna
Ljósvetningabyggð, Þingeyjarsveit og
Þingeyjarhreppur og völdu þeir nafnið
Þingeyjarsveit.
Það er því Ijóst að hreppum hefur
fækkað verulega með sameiningu sveitar-
félaga en byggðum fjölgað.
Þeim sveitarfélögum sem hafa endinguna -hreppur fækkar óöum meö
sameiningum sveitarfélaga og nýjum nafngiftum. Myndin er tekin á mörkum
Eyjafjaröarsveitar og Akureyrarkaupstaðar, en Eyjafjaröarsveit varö einmitt til fyrir
átta árum með sameiningu þriggja hreppa.
kill sparnaður í atvinnuhúsnæði
Með ECL stjórnstöð á hitakerfinu fæst hámarks
nýting á heita vatninu
Danfoss hf.
SKÚTUVOGI 6 • SlMI 5104100
9