Sveitarstjórnarmál - 01.05.2002, Qupperneq 16

Snæfellsbær
Fiskur, ferðaþjónusta og
umtalsverð íbúafjölgun
Öflug uppbygging í sjávarútvegi og ört vaxandi ferðaþjónusta einkenna Snæfellsbæ um þessar mundir.
Þá er einnig unnið ötullega að lagfæringu og fegrun umhverfisins þar sem Staðardagskrá 21 er höfð að
leiðarljósi.
Snæfellsbær varð til við sameiningu nokk-
urra sveitarfélaga á utanverðu Snæfellsnesi
árið 1994. Helstu þéttbýlissvæðin eru
Ólafsvík, Rif, Hellissandur, Arnarstapi og
Hellnar auk þess sem nokkur fjöldi sveita-
bæja er í bæjarfélaginu. Þegar litið er á
tölur Hagstofunnar um fólksfjölda kemur í
Ijós að íbúum Snæfellsbæjar hefur fjölgað
umtalsvert að undanförnu eða úr 1.740
þann 1. desember 2000 í 1.799 sama dag
ári síðar. íbúum Ólafsvíkur fjölgaði um 63
eða 6,4% og íbúum Hellissands fjölgaði
um 35 eða 2%. Samkvæmt því búa nú
1.052 í Ólafsvík, 419 á Hellissandi og
147 á Rifi.
Kristinn Jónasson, bæjarstjóri í Snæ-
fellsbæ, segir þessa fjölgun í samræmi við
það uppbyggingarstarf sem unnið hefur
verið að undanförnu. Bæði sé um að ræða
öfluga uppbyggingu í sjávarútvegi, sem
byggist að mestu leyti á þeirri gullkistu er
finna má í Breiðafirði, en einnig ört vax-
andi ferðaþjónustu. Kristinn segir að eftir
tímabil nokkurra erfiðleika í sjávarútvegin-
um hafi útvegsmenn í Snæfellsbæ verið að
auka aflahlutdeild sína og eigi það veru-
legan þátt í öflugra atvinnulífi.
Gullkistan í Breiðafirði
Útvegurinn byggist að verulegu leyti á sjó-
sókn á minni bátum og trillum sem henta
vel til þess að sækja hin gjöfulu fiskimið í
Breiðafirði. í mörgum tilfellum er aðeins
stutt sigling á miðin og hafði Kristinn Jón-
asson það eftir skipstjóra frá Grenivík, sem
leggur upp vestra um sinn, að hann hafi
aldrei kynnst jafn auðveldum útvegi.
Hann væri um 10 til 12 tíma á sjó og
annan sambærilegan tíma í landi en nær
enginn tími færi í siglingar til og frá mið-
unum. Þessi staðreynd varð tíðindamanni
Sveitarstjórnarmála Ijós þegar hann stóð á
bryggjunni á Rifi á dögunum og horfði á
bát toga skammt undan landi og annan
bát sigla inn í hafnarmynnið með fisk,
sem aðeins hafði legið nokkra stundar-
fjórðunga um borð. Um 33.448 tonn af
bolfiskafla bárust á land í Snæfellsbæ á
Smábátar í Ólafsvíkurhöfn en fjöldi þeirra er gerður út til fiskjar frá byggðum Snæfellsbæjar.
Kristinn Jónasson, bæjarstjóri Snæfellsbæjar, á
skrifstofu sinni á Hellissandi.
liðnu ári, um 18.687 tonn í Ólafsvík,
12.084 tonn á Rifi og um 2.677 tonn á
Arnarstapa. Öflugur fiskmarkaður er starf-
ræktur í Ólafsvík, Rifi og á Arnarstapa þar
sem fiskur er boðinn upp með aðstoð
tölvuvæddra fjarskipta.
Kristinn Jónasson bæjarstjóri segir að
með bættum samgöngum á milli Snæfells-
bæjar og höfuðborgarsvæðisins hafi flutn-
ingur á ferskum fiski til Keflavíkurflugvall-
ar aukist verulega. „Nýveiddur fiskur er að
koma að landi síðdegis og hann unninn
strax daginn eftir. Honum er síðan ekið
suður til Keflavíkur á kvöldin og er kom-
inn á markaði í Evrópu daginn eftir. Eg
held að ferskari geti varan ekki orðið þeg-
ar hún kemst á borð neytenda ytra," segir
Kristinn og vottar fyrir stolti í rödd hans.
Samgöngurnar gjörbreyttu
sveitarfélaginu
Fyrir utan aukna aflahlutdeild og fjölgun
fiskibáta eru það einkum samgöngurnar
sem bætt hafa og eflt Snæfellsbæ sem bú-
svæði. Kristinn Jónasson bæjarstjóri segir
vart hægt að bera samgöngumöguleikana
nú saman við það hvernig þeir voru fyrir
nokkrum árum. Með veginum undir
Ólafsvíkurenni hafi byggðirnar í Ólafsvík,
á Rifi og á Hellissandi tengst saman.
„Gamli vegurinn um Ennið var mjög erfið-
ur, viðsjárverður og hættulegur vegna nær
stöðugs grjóthruns. Vegna þess vildu
margir helst ekki þurfa að fara um hann.
Til var fólk sem fremur kaus að aka suður
yfir Fróðárheiði og út fyrir Nesið til þess
að fara á milli Ólafsvíkur og Hellissands,
sem þó er aðeins um sjö kílómetra leið í
beina stefnu.
Eftir að sjávarleiðin var gerð fer fólk
fram og til baka eins og um hverja aðra
innanbæjarleið sé að ræða. Fólk fer til
vinnu á milli þessara staða, ungmennin
aka rúntinn á kvöldin og ef ég nefni sjálf-
16