Sveitarstjórnarmál - 01.05.2002, Síða 18

Snæfellsbær
Þjóðgarðurinn býður ýmsa möguleika
Verndun náttúruverðmæta, vönduð upplýsingagjöf og greiður aðgangur fyrir ferðafólk er á meðal þess
sem felst í starfsemi Þjóðgarðsins Snæfellsjökuls.
Þjóðgarðurinn Snæfellsjökull var stofnaður
á síðasta ári og er allur innan marka Snæ-
fellsbæjar. Að norðan liggja mörk hans
skammt austan Gufuskála og að sunnan
um austurjaðar Háahrauns í landi Dag-
verðarár. SnæfelIsjöku11, eitt þekktasta
náttúrufyrirbæri landsins og það þekktasta
á Snæfellsnesi, er innan þjóðgarðsins.
Þjóðgarðurinn nær yfir um 170 ferkíló-
metra lands - allt frá jökli og út í sjó.
Guðbjörg Gunnarsdóttir tók við starfi
þjóðgarðsvarðar í september í fyrra. Hún
segir sérstöðu þjóðgarðsins einkum felast í
því að hann nær í sjó fram og komi sam-
spil manns og sjávar því vel fram. Hún
segir þjóðgarðinn kjörinn til fræðslu um
náttúruna og væntir þess að til dæmis
skólanemar heimsæki hann í þeim til-
gangi. Guðbjörg segir merkar jarðmynd-
anir að finna í þjóðgarðinum og kjörnar til
þess að kynna fólki hvernig landið hefur
orðið til.
Áhersla á aðgengi
Mikil áhersla verður lögð á að fólk eigi
greiðan aðgang að því sem þjóðgarðurinn
hefur að geyma og eru samgöngubætur á
Snæfellsnesi mikilvægur þáttur í því sam-
bandi. Guðbjörg segir að með bundnu
slitlagi á veginn fyrir Snæfellsnes batni
möguleikar ferðafólks verulega en áform-
að er að halda áfram vegagerð fyrir Nesið
á komandi sumri. Þjóðvegurinn dugar þó
ekki til þess að komast að gersemum
þjóðgarðsins, heldur verður að skipu-
leggja leiðir, áningarstaði og alla umferð
um hann auk þess að koma greinargóðum
upplýsingum til þeirra sem fara þar um.
Guðbjörg segir hlutverk þjóðgarðsins
einkum tvíþætt. Annars vegar að varðveita
þá margbreytilegu náttúru, sem þar er að
finna en einnig að gera fólki auðvelt að
koma, skoða og njóta náttúrunnar. Aukin
umferð um svæðið eigi ekki að valda
skaða heldur eigi maður og náttúra að
geta lifað í sátt og samlyndi. Þjóðgarður-
inn þurfi að gegna hlutverki þess staðar
þar sem gaman sé að koma og njóta bæði
útiveru og fræðslu og fara aftur heim fróð-
ari um svæðið, jarðfræði þess og sögu en
einnig það manlíf sem var.
Engin byggð er lengur innan marka
þjóðgarðsins en nokkrir bæir voru á
ströndinni á utanverðu Nesinu fyrr á
árum. Þjóðsagan er hluti þeirrar upplifun-
Guðbjörg Gunnarsdóttir þjóðgarðsvörður segir að
aukin umferð um svæðið eigi ekki að valda skaða
heldur eigi maður og náttúra að geta lifað í sátt og
samlyndi. Þjóðgarðurinn þurfi að gegna hlutverki
þess staðar þar sem gaman sé að koma og njóta
bæði útiveru og fræðslu og fara aftur heim fróðari
um svæðið, jarðfræði þess og sögu en einnig það
manlífsem var.
ar sem þessi staður býr yfir. Margar sagnir
tengjast Snæfellsnesi og Jöklinum, sagnir
sem eru hluti af menningararfleifð þjóðar-
innar. Þegar er hafinn undirbúningur að
móttöku ferðafólks í þjóðgarðinn og er
búið að ráða í tvær stöður landvarða í
sumar auk starfs Guðbjargar sem þjóð-
garðsvarðar. Fjórar manneskjur munu
skipta þessum stöðum með sér og annast
upplýsingagjöf til ferðafólks auk almennr-
ar landvörslu. Þjóðgarðsvörður hefur að-
setur í húsi íslandspósts á Hellissandi og
verður þjónustumiðstöð starfrækt þar í
sumar.
Hafnargarðarnir á Rifi eru mikil mannvirki og hvarvetna kappkostað að byggja þá eins lystilega og unnt er.
18