Hermes - 01.05.1969, Blaðsíða 4

ur öll met í aðsókn, þar mætti á þriðja hundrað
manns úr öllum árgöngum, allt frá 1957 og upp-
úr. Á þessum dansleik náðist það langþráða tak-
mark, að jafnt yngri sem eldri nemendur mættu
og skemmtu sér konunglega saman. Er enginn
vafi á því, að án aðstoðar fulltrúaráðsins hefði
þetta ekki verið mögulegt. Þeir höfðu samband við
fóikið innan síns árgangs og út frá því tóku ár-
gangarnir að hópa sig saman á dansleikinn. Full-
trúaráðið er að mínum dómi ómissandi hjálpar-
tæki í starfseminni í þessu efni og einnig á öðrum
sviðum, svo sem viðhaldi spjaldskrár, innheimtu
árgjalda o. fl.
Þann 30. marz sl. fór valinn hópur félaga NSS
að Bifröst í hina árlegu kynningarferð á starfsemi
Nemendasambandsins. Héldu þeir kvöldvöku með
mesta sóma á laugardagskvöldið, en að sunnu-
deginum var keppt í skák, sem endaði með jafn-
tefli, og síðan var háð æsispennandi körfubolta-
keppni, sem endaði með eins stigs mun gestunum
í vil. Var hópnum tekið af alkunnri gestrisni að
Bifröst, og komu menn heim aftur mörgum árum
yngri.
I apríl efndi Nemendasambandið síðan til dans-
leiks í skíðaskálanum í Hveradölum. Það hljóp
heldur skrekkur í okkur, þegar við lögðum af stað
í rútunni, en með henni fóru aðeins 15—20 manns.
Óttinn reyndist þó til allrar hamingju ástæðulaus,
því þegar til kom bættist við í hópinn með einka-
bílum og alls komu á dansleikinn 40—50 manns,
og stemningin í bezta lagi.
Þann 1. maí fóru tveir fulltrúar úr stjórn Nem-
endasambandsins að Bifröst og sátu skólaslitin, en
að þeim loknum afhentu þeir útskrifuðum nem-
endum hring NSS og spjald með kveðju Nemenda-
sambandsins og árnaðaróskum með daginn. Voru
þeir útskrifuðu margir fölir og teknir í andliti
eftir prófin, en þegar kom á dansleikinn í Tjarnar-
búð, færðist roði í kinnarnar, og var dansað af
hjartans lyst xrndir músikkinni frá Krystal en með-
limir þeirrar hljómsveitar eru flestir gamlir Bif-
restingar.
Gerð var tilraun til sumarferðalags, en hún
rann út í sandinn, eins og því miður fleiri til-
raunir með sumarferðalög undanfarin ár. Virðist
tæplega grundvöllur fyrir þeim. Sumarið er stutt
og fólk dreift um allt í sumarleyfum, og svo er
eins og allar helgar séu ásetnar af hvers konar
mótum og samkomum, sem draga til sín, en frá
okkur.
Síðasta verkefni stjórnarinnar var að sjálfsögðu
þetta nemendamót, en henni til aðstoðar var skip-
uð sérstök skemmtinefnd, sem sá um undirbún-
ing kvöldvökunnar, skráningu þátttakenda o. fl.
Svo sem kunnugt er, verður Nemendasamband
samvinnuskólans 10 ára á þessu ári, eða nánar
tiltekið 14. september n. k. Mun Nemendasam-
bandið á þessu 10. afmælisári hefja sölu á fánum
Nemendasambandsins, sem þið hafið séð skreyta
borðin hér á þessu nemendamóti.
Spjaldskrárritari Nemendasambandsins, Guð-
mundur Jóelsson, sem er kominn til útlanda til
náms, getur því miður ekki verið með okkur hér,
en flytur ykkur kveðju sína og biður ykkur um
leið að muna nú eftir að tilkynna til spjaldskrár-
ritarans nýja breytingar á heimilisfangi, svo við
getum haft spjaldskrána í góðu lagi á hverjum
tíma.
Eg þakka meðstjórnendum mínum gott starf
og ánægjuleg kynni á starfsárinu, ég þakka full-
trúunum í fulltrúaráðinu fyrir þeirra góða skerf
og ómissandi þátttöku í starfseminni og auk þess
þakka ég þeim fjöldmörgu félögum, sem hafa létt
undir og gert starf okkar í stjórninni ánægjulegt.