Morgunblaðið - 27.12.2011, Side 16

16 FRÉTTIRErlent
MORGUNBLAÐIÐ ÞRIÐJUDAGUR 27. DESEMBER 2011
ÞORRI
NN 201
2
Þorrahlaðborð
Nóatúns
Sendum um land allt
Gerum verðtilboð fyrir stærri
þorrablót (50-500 manna)
Upplýsingar í síma 822-7005
eða veislur@noatun.is
ÞJÓÐLEG
Á ÞORRA
Kristján Jónsson
kjon@mbl.is
Fyrstu 50 liðsmennirnir úr eftirlits-
hópi Arababandalagsins komu til
Sýrlands í gærkvöld en ríkisstjórn
Bashars al-Assads forseta samdi ný-
lega við bandalagið um að bundinn
yrði endi á átökin á landinu. En ekk-
ert bendir til þess að Assad hyggist
standa við loforð sín um að hætta að
beita hervaldi gegn mótmælunum.
Sjálfur segir hann að hryðjuverka-
menn standi á bak við þau.
Fullyrt er að reynt verði að villa
um fyrir eftirlitsmönnum og koma í
veg fyrir að þeir fari á staði þar sem
beitt er ofbeldi til að bæla niður and-
ófið en sumir munu þó hafa komist til
borgarinnar Homs strax í gær. Hún
er umsetin og sprengjukúlum látið
rigna yfir hana, þar féllu minnst 23
manns í gær. Samtök stjórnarand-
stæðinga, Þjóðarráðið (SNC), sagði
Arababandalagið verða að grípa inn í
gang mála í Sýrlandi.
„Eldflaugar og þungar vélbyssur
urðu 15 manns að bana og særðu
tugi manna að auki í Baba Amro-
hverfi [í Homs],“ sagði í yfirlýsingu
SNC. „Ástandið er uggvænlegt og
skothríðin hefur ekki verið harðari í
þrjá daga.“ Um 4.000 manna lið
stjórnarhermanna var sagt sitja um
Homs og búist væri við innrás á
hverri stundu.
Andstaðan við Assad hefur verið
einna mest í Homs og þar hafa lið-
hlaupar úr hernum myndað varnar-
sveitir sem hyggjast reyna að halda
sumum hverfum þótt við ofurefli sé
að etja. Hins vegar hefur verið lítið
um mótmæli í höfuðstaðnum Dam-
askus en þar er öryggisgæslan mest
og herlið ávallt til taks.
Herinn ógnar Homs
 Fyrstu eftirlitsmennirnir á vegum Arababandalagsins fóru til borgarinnar í gær
 Fullyrt að þeir verði hindraðir í að fá rétta mynd af ástandinu í Sýrlandi
Þúsundir hafa fallið
» Mótmælin gegn Assad og
valdaklíku hans hófust í mars.
Um 5.000 manns hafa fallið.
» Deilt er um það í SNC hvort
mótmæli dugi eða hefja beri
vopnaða uppreisn. Flestir vilja
fá Sameinuðu þjóðirnar til að
leysa vandann eða biðja um er-
lenda íhlutun.
Brasilía er nú
komin fram úr
Bretlandi og orð-
in sjötta stærsta
hagkerfi heims,
þess ber að geta
að Brasílíumenn
er liðlega þrisvar
sinnum fjölmenn-
ari þjóð. Fram
kemur einnig á
vef BBC að Mið-
stöð efnahags- og viðskiptarann-
sókna, CEBR, spái því að árið 2020
verði Rússland komið í fjórða sæti
heimslistans en Indland, sem nú er í
tíunda sæti, verði í fimmta sætinu.
Þýskaland verði í sjöunda sætinu en
það vermir nú það fjórða.
kjon@mbl.is
Brasilía orðin
fimmta stærsta
hagkerfi heims
Úr brasilískri
bílaverksmiðju.
Ef notaðar væru
korntegundir
með lengri rætur
myndi það að
sögn vísinda-
manna draga svo
mikið úr losun
koldíoxíðs út í
andrúmsloftið að
hlutfallið yrði að
lokum lægra en fyrir iðnbyltinguna
sem hófst fyrir nær 200 árum.
Fram kemur í Dagens Nyheter að
Douglas Kell, prófessor í líf-
efnafræði við Manchester-háskóla,
segi að rætur bindi mikið af kolefni
en ekki hafi verið lögð áhersla á að
rækta fram hveiti og aðrar teg-
undir með langar rætur. Aðrir eig-
inleikar hafi haft forgang.
Ed Buckler, vísindamaður við
Cornell-háskóla, vinnur nú að því
að þróa maís til að lengja ræturnar
og gerir ráð fyrir takmarkið náist á
um 20 árum. kjon@mbl.is
Korn með lengri
rætur lausnin?
Lögregla í Texas rannsakar nú
dauða fjögurra kvenna og þriggja
karla sem fundust skotnir í íbúð í
Dallas á jóladagsmorgun. Fólkið
virtist hafa dáið rétt eftir að það
hafði opnað jólapakkana.
Hringt var í neyðarlínuna úr
íbúðinni en enginn svaraði þegar
spurt var til nafns. Talið er að fólk-
ið, sem var á aldrinum 18 til 60 ára,
hafi verið skylt. Margar íbúðir í
húsinu eru auðar og enginn mun
hafa heyrt neitt grunsamlegt um
morguninn. kjon@mbl.is
Sjö fundust skotn-
ir í íbúð á jóladag
Um 40 kristnir Nígeríumenn létu lífið í tilræðum gegn
kirkjum kaþólskra og verslunum þeirra á jóladag.
Hundruð manna flýja nú heimili sín í norðausturhluta
landsins og óttast margir að átökin breiðist út. Sennilegt
er talið að íslamistar í hryðjuverkasamtökunum Boko
Haram hafi verið að verki. Benedikt páfi 16. fordæmdi
árásirnar í ávarpi sínu á Péturstorginu í gær og bað fólk
að biðja með sér fyrir fórnarlömbum ódæðanna.
Sums staðar munu sjálfsmorðssprengjumenn hafa
verið að verki. Boko Haram-liðar líta á alla sem ekki
fylgja þeim að málum sem réttdræpa villutrúarmenn.
Nafnið á samtökunum merkir: „Enga vestræna mennt-
un“, þau vilja innleiða sharia-lög íslams í öllu landinu.
Flestir íbúar norðurhluta landsins eru múslímar en í
suðurhlutanum eru kristnir í meirihluta.
Öflugasta sprengjan sprakk við kirkju heilagrar Ter-
esu í Madallar, einu af úthverfum höfuðborgarinnar
Abuja, þegar fólk var á leið út úr kirkju. Þar munu 35
hafa týnt lífi. Goodluck Jonathan, forseti Nígeríu, for-
dæmdi árásirnar og talsmaður hans sagði Boko Haram
ekki setja sér markmið sem ættu sér „stoð í neinum
raunverulegum trúarsetningum“. Lögreglan er ekki
sannfærð um að Boko Haram hafi framið ódæðin, fleiri
hópar hafi hag af því að æsa til óeirða. kjon@mbl.is
Uggur vegna hryðju-
verka múslíma í Nígeríu
 Um 40 kristnir létu lífið í
sprengjutilræðum á jóladag
Reuters
Á bæn Liðsmaður kristins safnaðar í nígerísku millj-
ónaborginni Lagos biðst fyrir á jóladag.
Kristján Jónsson
kjon@mbl.is
Mesta óveður í áratugi olli stórtjóni
í Noregi og norðanverðri Svíþjóð á
jóladag og aðfaranótt annars í jól-
um og búist var við nýrri, djúpri
lægð í vestanverðum Noregi í gær-
kvöld. Stór svæði í Noregi frá
Sogni norður í Finnmörku eru illa
leikin eftir óveðrið, síðdegis í gær
voru enn um 100 þúsund heimili án
rafmagns og álíka mörg í Svíþjóð.
Engar fréttir höfðu í gær borist af
mannskaða vegna óveðurs en varað
var tímanlega við því.
Umferð lá niðri þegar mest gekk
á. Vindhraðinn fór upp í nær 56
metra á sekúndu á sunnudagskvöld
við vitann Ona á Mæri áður en
mælitækin gáfust upp. Abrahallen,
æfingahöll knattspyrnuliðsins Ros-
enborg í Þrándheimi, er í rúst, rok-
ið sprengdi húsið. Sjónarvottur seg-
ir frá því að mikill blossi hafi orðið
þegar spennubreytir við húsið fór í
sundur. Fyrst rifnaði ein hliðin á
húsinu og síðan sprakk það allt og
hrundi til grunna.
Strandferðaskipin Kong Harald
og Trollfjord, með alls um 400 far-
þega um borð, héldu kyrru fyrir í
Þrándheimi um jólin en þau voru á
leið til Bergen. Tjón varð líka aust-
an til í Noregi, í Ósló féllu tré. Veð-
urstofa Noregs þakkar það að eng-
inn fórst í óveðrinu meðal annars
því að spáð var miklum stormi
strax að morgni Þorláksmessu.
Rafmagnslaust á eyjum
Borist hafa margar fréttir af
föllnum trjám í héruðum á Mæri og
Raumsdal sem eru við ströndina,
trén loka vegum og talsvert af hús-
um hefur eyðilagst þegar tré hafa
fallið á þau, einnig hafa þau sligað
raflínur. Fimm hjólhýsi á stæði í
Loen fuku upp á þjóðveg og brotn-
uðu í spón.
Víða hefur einnig orðið raf-
magns- og símasambandslaust í
eyjum úti fyrir ströndinni, og sums
staðar hefur sjór flætt inn á land og
ofan í kjallara í húsum, meðal ann-
ars í stóran bílakjallara í Þránd-
heimi.
Mikið veðurtjón í Noregi
 Hundruð þúsunda án rafmagns og spáð framhaldi á lægðaganginum í dag
 Ekki vitað um neinn mannskaða enda varað við óveðrinu þegar á Þorláksmessu
Scanpix
Ofsaveður Sums staðar urðu miklar skemmdir í höfnum í lægðunum tveimur sem hlutu nöfnin Dagmar og Cato.
Stór seglbátur kastaðist upp á bílastæði í Rema, vestan við Molde, aðfaranótt mánudagsins.