Monitor - 15.12.2011, Blaðsíða 14

14 Monitor FIMMTUDAGUR 15. DESEMBER 2011
Hvað ert þú að gera í vetur?
Ég er á síðasta ári í Verzlunarskóla Íslands og svo er ég að
æfa samkvæmisdans á fullu og hef verið að því síðan ég
var sex ára. Ég æfi með Dansíþróttafélagi Hafnarfjarðar.
Hver eru þín helstu áhugamál?
Það myndu vera samkvæmisdans, golf og svo leikur
maður sér í fótbolta með strákunum. Ætli maður verði
ekki líka að segja að hanga með vinunum og svona þetta
klassíska.
Hvað langar þig að starfa við í framtíðinni?
Maður þarf bráðum að fara að pæla
í því. Ég ætla allavega pottþétt í
háskóla en nákvæmlega í hvaða fag veit ég ekki. Ég er í
viðskiptafræði núna í Versló en væri örugglega til í að fara
í eitthvað tæknitengt, eins og tölvunarfræði eða eitthvað.
Hvað langar þig í jólagjöf?
Ást, umhyggju og „like“ á línuna.
Hver er eftirminnilegasta jólagjöfi n sem þú hefur fengið?
Ég fékk mjög góðan síma fyrir tveimur árum sem ég er
ennþá að nota. Svo á ég eina uppáhaldspeysu sem ég fékk
fyrir þremur árum eða eitthvað.
Af hverju ætti fólk að „like-a“ þína forsíðu?
Af því að ég myndi „like-a“ þig!
Sigurður Már Atlason
HRAÐASPURNINGAR
Fyrstu sex: 201192.
Uppáhaldsmatur: Pítsa.
Uppáhaldsstaður í heiminum: Singapore.
Uppáhaldsjólasveinn: Stúfur.
Uppáhaldsforsíða Monitor til þessa: Sveppi og
Pétur Jóhann.
Hvað ert þú að gera í vetur?
Ég er nemandi í Fjölbrautaskólanum í Garðabæ og á
félagsfræðibraut, er að útskrifast þaðan í vor. Ég er ásamt
því formaður nemendafélagsins þar og það er sennilega líf
mitt í hnotskurn.
Hver eru þín helstu áhugamál?
Ég myndi segja að það væru íþróttir, kvikmyndir, tónlist og
það að vera með vinum mínum, bara þetta hefðbundna.
Hvað langar þig að starfa við í framtíðinni?
Ég vil starfa í fjölmiðlum, annaðhvort
prentmiðlum, sjónvarpi eða útvarpi.
Í því samhengi hef ég velt fyrir mér
að fara í lögfræði, stjórnmálafræði
eða fjölmiðlafræði í háskólanum. Ég vel sennilega á milli
þessara kosta í vor.
Hvað langar þig í jólagjöf?
Ég er lítið búinn að velta þessu fyrir mér en ég væri til í að
fá gott ferðakaffi mál og svo bara einhverja góða bók.
Hver er eftirminnilegasta jólagjöfi n sem þú hefur fengið?
Ég fékk Vidda úr Toy Story þegar ég var fi mm ára og það
er til myndband af mér að fá móðursýkiskast af fögnuði
þegar ég opnaði pakkann.
Af hverju ætti fólk að „like-a“ þína forsíðu?
Ég ætla ekki að segja „ég er ógeðslega hress gaur“, heldur
bara vera einlægur. Ég þrái nýjan snjallsíma!
Stefán Snær Stefánsson
HRAÐASPURNINGAR
Fyrstu sex: 200692.
Uppáhaldsmatur: Þar sem ég er úr Garðabænum, þá myndi
ég segja hvítlauksristaður humar og nautakjöt.
Uppáhaldsstaður í heiminum: Frystikistan við Teppið í
Garðabænum, sem sagt Stjörnuvöllur, eða Ólafsvík.
Uppáhaldsjólasveinn: Það er Stúfur, ég var alltaf mjög lítill
þegar ég var yngri.
Uppáhaldsforsíða Monitor til þessa: Of Monsters and Men.
Hvað ert þú að gera í vetur?
Ég er að vinna í sjoppu í Þorlákshöfn. Ég tók mér frí frá
skóla og var reyndar að vinna í ísbúð fyrir stuttu en það
kom nýr eigandi sem lét alla fara.
Hver eru þín helstu áhugamál?
Mér fi nnst mjög gaman að tónlist. Ég hlusta til dæmis
mikið á Mumford & Sons, svo eitthvað sé nefnt. Annars fer
bara eftir skapi hver áhugamálin mín eru hverju sinni.
Hvað langar þig að starfa við í framtíðinni?
Nei, ég veit það ekki. Ég gæti þess vegna endað sem
náttúrufræðingur þótt mig langi það
ekkert núna. Mig langaði alltaf að
verða hárgreiðslukonu og búðarkona
var alltaf mjög hátt á lista líka en
ætli það hafi ekki bara verið af því að það var gaman að
leika sér með búðardót.
Hvað langar þig í jólagjöf?
Ég er einmitt búin að vera að velta þessu mikið fyrir mér.
Hingað til er ég bara búin að vera hugsa um hvað ég eigi
að gefa öðrum. Ef það væri eitthvað þá væri það örugglega
iPod.
Hver er eftirminnilegasta jólagjöfi n sem þú hefur fengið?
Ég fékk svarta Babyborn-dúkku þegar ég var svona átta
ára. Ég var rosa ánægð með að fá svarta, ég var eina
stelpan í bekknum sem átti þannig.
Af hverju ætti fólk að „like-a“ þína forsíðu?
Af því að ég er með spékoppa.
Þórdís Ýr Rúnarsdóttir
HRAÐASPURNINGAR
Fyrstu sex: 111092.
Uppáhaldsmatur: Eggjanúðlur með kjúklingi og
grænmeti.
Uppáhaldsstaður í heiminum: Þorlákshöfn.
Uppáhaldsjólasveinn: Stúfur, af því að ég er lítil.
Uppáhaldsforsíða Monitor til þessa: Ragnhildur
Steinunn.