Morgunblaðið - 20.01.2012, Side 19

MORGUNBLAÐIÐ | 19
H
verja einustu helgi kem-
ur til okkar í Kolaportið
fjöldi fólks og kaupir
hákarl. Ungir sem aldn-
ir. Sumir bera því við
að hákarlinn sé einstaklega góður
þrátt fyrir að bragðið sé rammt en
svo eru líka aðrir sem telja hann
gera sér svo gott. Slái á allar
bólgur í maga og haldi niður kvefi
– og þetta getur vel átt við rök að
styðjast,“ segir Árni Elvar Eyj-
ólfsson, fisksali hjá Fiska.is.
Hákarl er veiddur víða við land
og svo verkaður. Fyrst er hann
kæstur í körum í einn til tvo mán-
uði og svo hengdur upp í hjöllum í
ámóta langan tíma. Þá er líka
hægt að bjóða fólki upp á þetta
sælgæti sem haft er í dýru gildi,
svo sem á þorranum. Margir sýna
raunar mátt sinn og megin með
því að bragða á hákarli og telja
sig góða takist þeim að sporð-
renna nokkrum bitum, sem eru
eins og agnarlitlir teningar að lög-
un.
Kílóið verður 70 g
Svo er það harðfiskur sem jafnan
er hafður á þorraborði. Ýsan er
hrææta; fiskur sem heldur sig
ekki síst við sunnan- og vest-
anvert landið enda fær Árni mest
af hertri ýsu frá fiskverkendum
sunnanlands.
„Stærstur hluti ýsunnar sem er
hert kemur frá framleiðendum hér
í Reykjavík, Hafnarfirði og suður
með sjó. Ætli framleiðendur þar
komi ekki allt að 80% af þeirri ýsu
sem er framleiddur hert. Og
þarna eru líka menn sem virkilega
kunna tökin við framleiðslu; hvort
sem ýsa er hert eða þurrkuð í
blástursofni,“ segir Árni. Bætir
við að þumalputtareglan við verk-
un sé sú að hvert kg af blautum
fiski – ýsu sem steinbít – verði 70
g af harðfiski.
Steinbítur með vorinu
Og nú er engan steinbít að hafa.
„Já, síðustu árin hefur verð á
steinbít hækkað mikið. Var lengi
vel um 200 til 300 kr. hvert kíló en
með falli krónunnar, sem leiddi
auðvitað strax út í útflutningsverð
á fiski, hækkaði verðið um helm-
ing. Fyrir vikið hafa fiskverk-
endur dregið úr kaupum á stein-
bít. Telja sig ekki hafa efni á því
að vera með mikla peninga
bundna í hráefni í þetta hálfa ár
sem vinnslan tekur. Ég á þó von á
sendingu með vorinu frá steinbíts-
mönnum, sem eru í Hnífsdal, Ön-
undarfirði og Tálknafirði svo
nokkrir staðir fyrir vestan séu
nefndir,“ segir fisksalinn Árni
Elvar að síðustu.
sbs@mbl.is
Nú er þorrinn haldinn án steinbíts
Morgunblaðið/Sigurður Bogi
Sjávarfang Fisksalinn Árni Elvar Eyjólfsson Fiskmeti Fisksalinn Árni Elvar Eyjólfsson og dóttir hans, Helga Þóra, láta sér há-
karlinn vel líka þott bragðið sé rammt og bara fyrir hraustmenni. Sem þau líka eru, enda er hákarlinn góður fyrir heilsuna.
Hákarlinn er ekki bara
góður heldur slær hann
á bólgur og er ómiss-
andi á þorrablótum.
Harðfiskurinn er jafn-
vinsæll á þorraborðinu.
Þumalputtareglan við verk-
un sé sú að hvert kg af
blautum fiski – ýsu sem
steinbít – verði 70 g af
harðfiski.
Flatkökur og rúgbrauð frá Gæðabakstri/Ömmubakstri
á þorrabakkann!
Gæðabakstur / Ömmubakstur ehf • Lynghálsi 7 • 110 Reykjavík