Morgunblaðið - 30.03.2012, Qupperneq 6

6 | MORGUNBLAÐIÐ
Þ
að var skemmtilegt á Hönnunar-
mars að sjá hversu margir eru
farnir að spá í matarhönnun,
upplifanir í kringum mat og
ýmsa stemningu,“ segir Áslaug
Snorradóttir sem rekur veisluþjónustuna
Pikknikk ásamt Önnu Elínborgu
Gunnarsdóttur. „Við vinkonurnar höfum
haldið margar fjörugar veislur í gegnum
árin, allt frá tveggja manna til tvö þúsund,
sem undantekningarlaust hafa verið sér-
sniðnar. Það er alltaf einhver útgangs-
punktur; kveikjan getur verið tónlist, litur
eða land – hughrif út ferðalagi.“
Drapplituð veisla
Áslaug hugsar sig aðeins um og segir
veisluna með drapplita matnum hafa reynt
á. „Maturinn var allur drapplitur, en hann
varð lystugur. Svarthvíta boðið var líka
skemmtilegt; sextán innkomur af svörtum
og hvítum mat, vel valin tónlist við hvern
rétt. Með ostrunum var leikið Je t’aime
moi non plus með Gainsbourg/Birkin og
fleira hressandi. Það voru líka nokkur
rússnesk Zakuska-partí, flauel, silfur,
ávextir og tilheyrandi.“
Hún segir gaman að geta verið frjáls og
skapað gleði án áreynslu. „Flæðandi kæti
kemur alltaf best út í boðum. Því er ég síð-
ur fyrir tískustrauma, þó auðvitað hafi tíð-
arandinn áhrif, en þegar pestó var með öll-
um mat á tímabili fékk ég óþol. Ég var rétt
í þessu að jafna mig á því og gerði til dæm-
is tíu ólík pestó í veislu um síðustu helgi.
Bleik-frönsk ferming
Eitt skemmtilegt verkefni var að útfæra
veislu með Melkorku fermingarbarni,“
heldur hún áfram. „Þemað var bleikt og
franskt. Samkvæmið byrjaði standandi og
gestum var boðið upp á litrík, sterk
ávaxtaskot. Flug og lending; sítróna, engi-
fer og rauðrófa, og ástríðuskot en það er
mun mildara með jarðarberjum, blóðgreip
og vatnsmelónu. Ásamt skotunum var boð-
ið upp á freyðivín og cider og fingrafæðu.
Síðan tók við sitjandi aðalréttur fyrir 80
manns á langborðum. Grillaður humar og
vínsoðinn kræklingur, borið fram á stórum
fötum og lagt á borðin, svo gat hver og
einn pillað að vild í rólegheitum. Desertinn
var á upphækkuðu borði; brie-ostur,
appelsínubörkur þurrkaður í lengjum,
hrúgur af fíkjum, allskyns hnetum, þurrk-
uðum ananas, papaya og kiwi.“
Kornflekshreiður og súkkulaðiegg
Og ekki er allt upptalið enn.
„Makkarónukökurnar, sítrónu og hind-
berja, voru frá Ásgeiri í Sandholtsbakaríi,“
segir Áslaug. „Franska súkkulaðikakan
okkar skartaði súkkulaðihúðuðum
vínberjaklasa og svo útbjuggum við korn-
flekshreiður með marglituðum súkku-
laðieggjum af ýmsum gerðum.
Dragées, súkkulaðihúðaðar möndlur,
voru á veisluborðinu að gömlum, kaþólsk-
um sið sem tengist fermingum. Hátíðar-
tertan var marengsfjall með rjóma og
hindberjum og punkturinn yfir i-ið voru
ítalskar profiteroles. Varla þurfti nú að
skreyta herlegheitin, en við settum samt
bleikar rósir.“
Hún segir að það hafi ekki vantað fjörið í
veisluna og nefnir í sömu andrá sælgætis-
spjót, sem slógu í gegn hjá yngstu kynslóð-
inni. „Við pökkuðum hunangsmelónu í
bleikan páskaeggjapappír og stungum
spjótunum í. Skemmtilegast var auðvitað
að allar vinkonur fermingarbarnsins og
heimilisfólkið tóku þátt í undirbúningnum
og uppsetningu, ásamt því að grilla og
bera á borð undir franskri tónlist. Sæt-
metinu var skolað niður með litríkum
jurtaseyðum, svo sem blóðbergsbláberja-
tei, öðru nafni heilögum anda.“
beggo@mbl.is
Litaþema Frönsk ferming með bleiku ívafi.
Girnilegt Frönsk súkkulaðikaka.
Hughrif úr ferðalagi
Áslaug Snorradóttir hjá veislu-
þjónustunni Pikknikk leggur
áherslu á upplifun og stemn-
ingu í kringum mat.
Páskaegg Kornflekshreiður.
Fyrir krakkana Sælgætisspjót.
Ísold Systir fermingarbarnsins.
Áslaug Snorradóttir.
Kjúlli á bakinu.
Áslaug Snorradóttir gefur upp-
skrift að gulum hádegisverði
sem örvar sköpunarkraftinn.
Forréttur
Graskerssnitta
Grasker skorið í kubba, penslað
með olíu og bakað í ofni.
Gulrótarpestó
3 gulrætur, tættar í mauk
1 hnefi möndlur, gott að rista og
svo fínsaxa
1 hnefi rifinn parmesanostur
(um 1 dl)
2 hvítlauksgeirar
salt
sesam- eða ólífuolía
kryddjurtir ef vill
Graskerspestó
2 dl graskersfræ
1 hnefi parmesanostur
2 hvítlauksgeirar
1 hnefi fersk basilíka
½ dl ólífuolía
Raðað saman graskeri, pecor-
ino-ostbita og tveggja lita
pestó og toppað með blóðap-
pelsínu, sem ljúffengt er að
kreista yfir.
Aðalréttur
Kjúlli á bakinu
með yngingarblöndu frá
indverskum prinsessum
Heill kjúklingur, fylltur með
sítrónum og blóðappels-
ínubátum og grillaður.
Allur skalinn af gulu rótar-
grænmeti úr ísskápnum; gras-
ker, kartöflur, rófur, gulrætur og
sætar kartöflur.
Hituð sesamolía með hressileg-
um skammti af röspuðu engi-
feri, túrmerik, broddkúmeni,
steyttum kóríander og kardi-
mommum, pressuðum hvítlauk
og chili. Grænmetinu öllu velt í
blöndunni og stungið inn í ofn.
Saffrangrjón
Hrísgrjónin gulu fást í ostabúð-
inni Búrinu við Nóatún, þau eru
saffran-blönduð og tilbúin í pott,
leiðbeiningar á pakka.
Gul baunakássa
undir áhrifum frá riz e bizi og dahl
Baunakássan er í ætt við ís-
lenska baunasúpu nema þessi er
með orange-linsubaunum og
broddkúmeni; einn þekktasti
réttur Indverja, eða eins og þeir
segja: „rice and dahl“.
8 dl vatn
250 gr rauðar linsubaunir
1 tsk túrmerik
olía og salt á hnífsoddi
1 tsk broddkúmen
gulur laukur, skorinn í helminga
og þunnt saxaður
Vatn, baunir, salt og túrmerik
soðið í potti í 15 mínútur, hrært í
við og við. Kúmenið steikt í olíu-
nni, lauknum bætt út í, látið
krauma í nokkrar mínútur og
loks hrært út í súpuna.
Sól í sinni
Graskerssnitta.