Morgunblaðið - 29.03.2012, Blaðsíða 12

fasteignir
Alvar Aalto hannaði hæg-
indastól 41, öðru nafni
Paimio, árið 1931. Hann
notaði sveigjanlegar
krossviðarplötur til að búa
til mjúkan stól úr viði.
„Gestir sem koma til Íslands
koma hingað fyrst og fremst til
að skoða og njóta náttúrunnar,
eins og viðhorfskannanir Ferða-
málastofu sýna. Þeim er annt
um umhverfi sitt og fyrir vikið er
mikilvægt að í rekstri farfugla-
heimilanna gildi skýr viðmið um
gæði og umhverfismál. Ekki bara
vegna þess að gestir og rekstr-
araðilar vilja
festu og góða
frammistöðu,
heldur líka
vegna þessa að
það er siðferði-
lega rétt og við
viljum vera til
fyrirmyndar. Því
höfum við sett
ákveðin mark-
mið í þessu
sambandi og reynum að veita
gestgjöfum stuðning svo að þeir
geti betrumbætt starfið hjá sér,“
segir Ásta Kristín Þorsteins-
dóttir, gæðastjóri Farfugla.
Á veraldarvísu
Þeir sem standa að rekstri far-
fuglaheimilanna á Akranesi,
Bíldudal og Grundarfirði tóku ný-
verið við HI-Quality gæðavottun
Alþjóðasamtaka Farfugla – Hos-
telling International, fyrst í heimi
í hópi lítilla farfuglaheimila. Vott-
unin er veitt fyrir gæði í aðbún-
aði og þjónustu og þau viðmið
sem í því sambandi er fylgt. Far-
fuglaheimili víða um heim hafa
unnið eftir áðurnefndu gæðakerfi
frá árinu 2004 en til þessa hefur
það nær eingöngu verið í boði
fyrir stærri gististaði. Nú tóku
gestgjafar áðurnefndra heimila
að sér að þróa og aðlaga viðmið
fyrir smærri heimili sem verður
– ef vel tekst til – fylgt á verald-
arvísu en alls eru farfuglaheimili
í heiminum yfir 4.000 talsins.
Rekstraraðilar víða um heim
bíða spenntir eftir niðurstöðum
þessarar þróunarvinnu, svo að
fleiri geti tekið upp kerfið.
„Farfuglaheimili sem vinna
með gæðakerfi eru í góðum mál-
um og hafa skýr viðmið til að
bæta rekstur sinn. Þau hafa
sömuleiðis fengið góðar um-
sagnir gesta sinna. Þessar
gæðakröfur eru annars nokkuð
einfaldar og snúa kannski fyrst
og fremst að grunnatriðum; að
geta veitt gestum sem allra
besta þjónustu og viðurgjörning.
Mikið er til dæmis lagt upp úr
því að allt innra eftirlit og fram-
kvæmdir vegna viðhalds sé fyr-
irbyggjandi, enda ástæðulaust
að skapa mikið rask á háönn
ferðaþjónustunnar,“ segir Ásta
Kristín.
Viðmið Farfuglum mikilvæg
Farfuglaheimilin á Íslandi eru
alls 36 talsins. Í Reykjavík eru
heimilin tvö, það er við Sund-
laugaveg og Vesturgötu og hafa
þau bæði fengið Svaninn, um-
hverfismerki Norðurlanda. Þriðja
heimilið verður í Bankastræti og
til stendur að opna það síðla árs.
„Farfuglaheimilin hafa breyst
mikið á síðustu áratugum. Voru
oft hér áður fyrr salir þar sem
allir sváfu í kojum en í dag er
boðið upp á vistlega gistingu í
herbergjum, eins til sex manna
og æði oft með sér baði eins og
ferðafólk í dag gerir gjarnan
kröfu um. Eldhúsaðstaða er hins
vegar alltaf sameiginleg og við
stóra Íslandskortið sem víðast er
uppi í stofum eða öðrum sam-
eiginlegum rýmum hittist fólk
gjarnan. Þar spretta oft
skemmtilegar samræður þar
sem fólk miðlar sín í millum sög-
um af ferðalögum um landið,“
segir Ásta Kristín.
Nú bera 10 farfuglaheimili
merkið Grænt farfuglaheimili.
Þau eru öll býsna ólík og hafa
hver sín séreinkenni en rauði
þráðurinn er þó umhverf-
isverndin og að þar er lögð
áhersla á sjálfbærni aukinheldur
sem gestum gefst kostur á að
njóta umhverfis og náttúru. Hafa
Grænu farfuglaheimilin fundið
skemmtilegar leiðir til að vinna
með umhverfi sínu og að-
stæðum, auk þess að uppfylla
þau viðmið sem farið er fram á
við þá sem flagga merkinu.
Af áherslum á einstaka stöð-
um má nefna að á Berunesi í
Berufirði í Gestastofunni, veit-
ingahúsi staðarins, er notast
mikið við vörur af svæðinu, á
Seyðisfirði er skiptikarfa, þar
sem gestir geta skilið eftir eða
skipt út fatnaði og útbúnaði.
Gestgjafar að Laugarvatni hafa
leitt visthópa þar í sveit sem
skipaðir eru fólki sem vill gera
heimilishald sitt vistvænna og á
Bíldudal eru til sölu snyrti- og
heilsuvörur úr nágrenninu.
„Á öllum tímum hafa gestir
farfuglaheimila verið fólk sem er
að skoða heiminn og er annt um
náttúruna. Oft er þetta fjöl-
skyldufólk eða ungt fólk frá
löndum þar sem ábyrgur lífsstíll
og umhverfisvernd er eðlilegur
hluti af daglegu lífi. Þau gera
þess vegna kröfur um að við á
farfuglaheimilunum stöndum
okkar plikt og göngum ekki á
gæði jarðar. Gæðastaðlar okkar
og náttúrukærar áherslur eru
svar við því,“ segir Ásta Kristín
Þorsteinsdóttir að síðustu.
sbs@mbl.is
Alþjóðleg gæðaviðmið þróuð á íslenskum farfuglaheimilum
Náttúrukærar áherslur
Morgunblaðið/Árni Sæberg
Kirkjufell setur sterkan svip á Grundarfjörð. Fremst á myndinni er far-
fuglaheimilið þar í bæ, en fólk þar og á tveimur heimilum um landið vest-
anvert hefur þróað nýjar gæðakröfur fyrir heimilin og starf þeirra.
Setið í sólargeislunum. Gestir farfuglaheimila eru gjarnan ungt fólk sem er meðvitað og áhugasamt um umhverfismál og náttúruvernd almennt.
Vottun og viðurkenning. Á myndinni eru frá vinstri talið: Magnús Freyr
Ólafsson sem er gestgjafi á farfuglaheimilinu Akranesi, þá Bílddæling-
urinn Silja Baldvinsdóttir og loks Johnny Cramer, Farfugl í Grundarfirði.
Ásta Kristín
Þorsteinsdóttir.