Morgunblaðið - 02.08.2012, Blaðsíða 27

28 MINNINGAR
MORGUNBLAÐIÐ FIMMTUDAGUR 2. ÁGÚST 2012
✝ Svanhvít SunnaErlendsdóttir
fæddist í Reykjavík
6. júní 1976. Hún
lést á heimili sínu í
Kaupmannahöfn 19.
júlí 2012.
Hún var dóttir
Sigurdísar Sveins-
dóttur, f. 16.9. 1943,
og Erlendar Finn-
boga Magnússonar,
f. 24.7. 1941. Systk-
ini hennar eru Sveinn S., f. 5.5.
1968, María, f. 25.9. 1974,
Ágústa Eva, f. 28.7. 1982, og
Finnbogi Þór, f. 6.10. 1983, og
hálfsystir samfeðra Eva Marie
Tittussen, f. 6.4. 1971.
Sonur Sunnu er Daníel Bjart-
ur Guðmundsson, f. 9.8. 1996.
Faðir hans er Guð-
mundur Birgir
Guðmundsson, f.
5.6. 1971.
Sunna útskrif-
aðist úr Grunn-
skóla Hveragerðis,
Viðskipta- og
Tölvuskólanum
ásamt snyrti-
akademíu í Kaup-
mannahöfn. Sunna
ólst upp í Hvera-
gerði, bjó lengi í Reykjavík en
fluttist til Kaupmannahafnar ár-
ið 2004 og bjó þar til dánardags.
Hún vann við ýmis störf, lengst
af við skrifstofustörf.
Sunna verður jarðsungin frá
Háteigskirkju í dag, 2. ágúst
2012, kl. 13.
Dýpsta sæla og sorgin þunga,
svífa hljóðlaust yfir storð.
Þeirra mál ei talar tunga,
tárin eru beggja orð.
(Ólöf Sigurðardóttir frá Hlöðum)
Það er með miklum trega sem
ég skrifa þessi minningarorð um
systurdóttur mína, Sunnu. Henn-
ar ævi varð ekki löng, hún fæddist
á hvítasunnunni, þann 6. júní árið
1976. Bernskuárunum eyddi hún í
Hveragerði, þar ólst hún upp við
gott atlæti og ást í stórum systk-
inahópi. Sem barn var Sunna
frekar alvörugefin en hæfileikarík
á mörgum sviðum. Ég var kennari
Sunnu einn vetur, Sunna var góð-
ur nemandi og man ég sérstak-
lega eftir teikningum Sunnu, sem
voru bæði formsterkar og
skemmtilegar. Sunna var fé-
lagslynd og hafði mikið yndi af að
annast og gæta yngri barna og
leika sér við góða félaga. Þegar
hún komst á unglingsárin fór hins
vegar að draga ský fyrir sólu hjá
Sunnu okkar. Sunna var leitandi
og mjög gagnrýnin á sjálfa sig og
gekk illa að finna sinn sess í tilver-
unni. Svo fór að Sunna flutti ung
að heiman, hún hóf að leita fyrir
sér og bar víða niður. Hún lærði
m.a. tölvu- og viðskiptafræði og
snyrtifræði.
Í millitíðinni eignaðist Sunna,
ung að árum, augasteininn sinn,
hann Daníel Bjart. Það var bjart-
ur og fallegur dagur er hann var
borinn til skírnar í Stórólfshvols-
kirkju í Breiðabólsstaðarpresta-
kalli, þar sem fjölskylda Sunnu
var þá búsett á Hvolsvelli. Stoltið
skein úr augum ungu foreldranna
og ættingjarnir alsælir með nafnið
á unga drengnum, en fjölskyldan
hafði búið sig undir að drengurinn
fengi nú eitthvert nýmóðins nafn
eins og þá var í tísku. Sunna flutti
til höfuðborgarinnar, vann ýmis
störf og var dugleg við að búa sér
og syni sínum framtíð, eignaðist
bæði íbúð og bíl. Á þessum árum
voru Sunna og Daníel tíðir gestir
hjá móðurömmu Sunnu, Ágústu
Gamalíelsdóttur. Þeirra samband
var ætíð hnökralaust og gott.
Amma Ágústa gætti oft Daníels,
þó öldruð væri, fannst gott að geta
gert gagn, eins og hún sagði.
Amma var dugleg við að hrósa
Sunnu fyrir dugnað og myndar-
skap og þær báru gagnkvæma
virðingu fyrir hvor annarri.
Amma Ágústa féll frá í desember
sl., það var því stutt á milli þeirra.
Sunna komst þá ekki til að vera
við útförina en sendi kveðju og
blómvönd. Sunna flutti til Kaup-
mannhafnar til að ljúka námi í
snyrtifræði þegar Daníel var 6 ára
gamall og hafa þau mæðgin búið
þar síðan. Síðustu árin voru henni
erfið og leið oft langur tími milli
heimsókna til ættingja og vina á
Íslandi. Fráfall Sunnu var fjöl-
skyldu og vinum hennar mikið
áfall sem erfitt er að sætta sig við.
Sunna var mörgum kostum búin
en sitthvað er gæfa og gjörvileiki.
Ég sendi syni Sunnu, Daníel
Bjarti, sem hefur sýnt mikinn
styrk á þessum erfiðu tímum,
samúðarkveðjur, og ósk um
bjarta framtíð. Einnig sendi ég
systur minni og allri fjölskyldu
Sunnu samúðarkveðjur og vona
að góðar minningar verði er frá
líður sorginni yfirsterkari.
Ég kveð Sunnu með vísu eftir
forföður okkar Hallgrím Péturs-
son, sofðu rótt kæra frænka.
Legg ég nú bæði líf og önd,
ljúfi Jesús, í þína hönd,
síðast þegar ég sofna fer
sitji Guðs englar yfir mér.
(Hallgrímur Pétursson)
Kristín V. Á. Sveinsdóttir
og fjölskylda.
Ég leit eina lilju í holti,
hún lifði hjá steinum á mel.
Svo blíð og svo björt og svo auðmjúk
– en blettinn sinn prýddi hún vel.
Ég veit það er úti um engin
mörg önnur sem glitrar og skín.
Ég þræti ekki um litinn né ljómann
en liljan í holtinu er mín!
Þessi lilja er mín lifandi trú,
þessi lilja er mín lifandi trú.
Hún er ljós mitt og von mín og yndi.
Þessi lilja er mín lifandi trú!
Og þó að í vindinum visni,
á völlum og engjum hvert blóm.
Og haustvindar blási um heiðar,
með hörðum og deyðandi róm.
Og veturinn komi með kulda
og klaka og hríðar og snjó.
Hún lifir í hug mér sú lilja
og líf hennar veitir mér fró.
(Þorsteinn Gíslason)
Frænka okkar og vinkona,
Svanhvít Sunna Erlendsdóttir, er
látin langt um aldur fram. Fallega
Sunna, með bjarta brosið sitt og
dillandi hláturinn. Þær renna
fram hver á fætur annarri minn-
ingarnar um samveruna með
Sunnu, allar góðar, enda var hún
einstaklega hlý og gefandi mann-
eskja sem gott var að vera nálægt.
Sunna bjó um árabil í Kaup-
mannahöfn, og hvort heldur sem
var þar eða hér á Íslandi sem
Sunna var heimsótt urðu fagnað-
arfundir og hún lagði sig fram um
að hafa dvölina sem besta, brunaði
um allar trissur til að sýna helstu
staði og jafnvel til Svíþjóðar ef því
var að skipta og var Daníel sonur
hennar alltaf með, drengurinn
hennar sem hún elskaði mest af
öllu í lífi sínu og var henni allt, og
hún honum.
Elsku Sunna, takk fyrir allt.
Minninguna um þig geymum við í
hjörtum okkar.
Innilegustu samúðarkveðjur til
Daníels, foreldra, systkina og
annarra aðstandenda.
Sigurbjörg Magnúsdóttir,
Kolbrún, Alma Lilja, Arn-
aría, Alva Kristín, Krist-
jánJakob, Magnús Reyr
og fjölskyldur.
„Er ég hugsa um engla, ég hugsa um
þig……“
Þetta fallega lag og texti hefur
greypt sig í hug minn og hjarta frá
þeirri stundu sem mér var til-
kynnt að Sunna, bróðurdóttir mín
hafi látist á heimili sínu í Kaup-
mannahöfn. Á sorgarstundu sem
þessari leita á mann margar
áleitnar spurningar; af hverju,
hvað ef, af hverju sagði ég ekki
það sem mig langaði að segja og
gerði það sem ég ætlaði að gera?
Enginn veit hvað morgundagur-
inn ber í skauti sér, við lútum
höfði, horfum fram á veginn og
drögum fram allar góðu minning-
arnar. Sunna var einstaklega hlát-
urmild, hafði skemmtilegan húm-
or, gat endalaust hlegið að sjálfri
sér og öðrum. Hún var alltaf að
upplifa eitthvað sem ég stóð gap-
andi yfir, hvort sem það var að
lenda í miðju bankaráni á Nörre-
bro, að brotist var inn í íbúðina
hennar eða að upplifa skotbar-
daga í bakgarðinum. Öllu þessu
sagði hún frá með bros á vör og
hló sínum dillandi hlátri af við-
brögðunum. Á ferðalögum um
Evrópu undanfarin 12 ár hef ég
oftar en ekki gist hjá Sunnu og
Daníel í Kaupmannahöfn, átt með
þeim góðar stundir, stundaði hálf-
gerðan útflutning á íslenskum
mat og sælgæti þessi ár. Það var
spennandi að spyrja hvað ætti að
færa þeim og svörin voru alltaf
jafn skemmtileg, oft var það Che-
erios og Coco puffs fyrir Daníel,
stundum SS pylsur og sinnep,
einu sinni langaði hana svo svaka-
lega í svið og íslenskar rófur og
mikið var hlegið þegar það var
dregið upp úr töskunni. Svo var
það harðfiskur og íslenskt smjör
og ekki mátti gleyma uppáhalds
sælgætinu hans Daníels, Freyju
draumnum. En nóg með sýnis-
hornið af matseðlinum. Sunna
vildi fá fréttir af fjölskyldunni á
Íslandi og ekki þótti henni verra
að fá íslensk dagblöð og tímarit.
Oft var setið og spjallað um gömlu
góðu dagana langt fram á nótt.
Hún var einstaklega gestrisin og
hafði gaman af að transportera
um Köben og skoða merkilega
staði. Hvort sem það var Fields
eða Fisketorvet, Jónshús, Ný-
höfnin, Langalína, Strikið eða
Amalíuborg, allt var farið með
bros á vör. Ég er ekki viss um að
Daníel mínum hafi þótt það jafn
skemmtilegt og okkur, en hann lét
sig hafa það. Við Daníel getum
þessvegna boðið upp á skoðunar-
ferðir um Kaupmannahöfn ef ein-
hver hefur áhuga. Daníel var ljós-
ið í lífi Sunnu. Það kom glampi í
augu hennar þegar hún talaði um
hann, sagði frá hvernig hann óx og
dafnaði, frá íþróttaiðkun hans og
öðrum áhugamálum. Hún bar
fyrst og fremst hans hag fyrir
brjósti þegar þurfti að taka erf-
iðar ákvarðanir. Það var gaman að
heimsækja Daníel í skólann hans
og fylgjast með því sem þar var að
gerast, þar er hans annað heimili
og heimilisfólkið frábært. Hér á
Íslandi á Daníel stórar og góðar
fjölskyldur sem munu gera allt til
að létta honum þungan móður-
missinn. Mig langar að þakka
Sunnu frænku minni fyrir góðar
samverustundir, hlýju og vænt-
umþykju.
Elsku Daníel, Sigurdís, Er-
lendur, Sveinn, María, Ágústa,
Finnbogi og fjölskyldur, okkar
dýpstu samúðarkveðjur, Drottinn
veiti ykkur styrk.
Blessuð sé minning Sunnu okk-
ar.
Helga og fjölskylda.
Elsku Sunna mín. Það er svo
erfitt að hugsa til þess að þú skulir
vera farin. Ég er búin að hugsa
mikið til allra góðu stundanna sem
við höfum átt saman, bæði í æsku
og svo sérstaklega þegar við fjöl-
skyldan komum í heimsókn til
ykkar Daníels til Danmerkur.
Maður var alltaf svo velkominn til
ykkar og þannig vildir þú hafa
það, þú tókst ekki annað í mál en
að við myndum gista hjá ykkur. Já
Sunna ég á eftir að sakna þessara
stunda með þér. Hvíl þú í friði.
Í bljúgri bæn og þökk til þín,
sem þekkir mig og verkin mín.
Ég leita þín, Guð, leiddu mig,
og lýstu mér um ævistig.
Ég reika oft á rangri leið,
sú rétta virðist aldrei greið.
Ég geri margt sem miður fer,
og man svo sjaldan eftir þér.
Sú ein er bæn í brjósti mér,
ég betur kunni þjóna þér.
Því veit mér feta veginn þinn
og verðir þú æ Drottinn minn.
(Pétur Þórarinsson)
Þín vinkona,
Þórhildur.
Í dag kveð ég elsku vinkona
mína hana Sunnu. Ég trúi bara
ekki að þú sért farin elsku Sunna
mín. Við Sunna áttum margar
dýrmætar stundir saman. Það var
alltaf svo gaman hjá okkur. Þú
varst alltaf svo mikill stuðbolti og
við nutum lífsins í botn saman.
Svo eignaðist þú Daníel sem var
ljósið í lífi þínu og þú varst svo
glöð þegar hann fæddist þessi fal-
legi strákur. Elsku Sunna mín, ég
er svo glöð að hafa kynnst þér og
átt allar þessar dýmætu stundir
með þér. Ég vona að þér líði vel
þar sem þú ert núna og veit að þú
munt fylgjast með okkur og
passa.
Elsku Sunna mín ég gæti skrif-
að miklu meira um þig, en ég ætla
að geyma okkar allar dýrmætu
stundir sem við áttum í hjarta
mínu.
Elsku Daníel, María, Erlendur,
Sigurdís, Ágústa, Finnbogi og
Sveinn, ég bið góðan guð að
styrkja ykkur í þessari sáru sorg.
Elsku Sunna mín, þúsund kossar
og þúsund faðmlög elsku vinkona.
Frá hjarta mínu berst lítil rós
því þig ég þarf að kveðja
í sorg og gleði viltu senda mér ljós
sem mig mun vernda, hjálpa og
gleðja.
(Elfa María)
Hvíldu í friði elsku Sunna.
Þín vinkona,
Dagrún.
Svanhvít Sunna
Erlendsdóttir
✝
Innilegar þakkir fyrir samúð og hlýhug við
andlát og útför elskulegs eiginmanns míns,
föður okkar, tengdaföður, afa og langafa,
JAKOBS HELGASONAR
frá Patreksfirði,
Hraunvangi 3,
Hafnarfirði.
Innilegustu þakkir til starfsfólks deildar 11 E,
líknardeildar í Kópavogi og Karitas.
Brynhildur Garðarsdóttir
Helgi Einarsson, Guðrún Þórðardóttir,
Brynjar Jakobsson, Hafdís Sigurðardóttir,
Soffía Jakobsdóttir, Rögnvaldur Jóhannesson,
Laura Hildur Jakobsdóttir, Jónas Ragnarsson.
✝
Faðir okkar, tengdafaðir og afi, bróðir, mágur
og systursonur,
EYVINDUR EBBI DANÍELSSON,
Eberhard Dannheim,
varð bráðkvaddur á heimili sínu í Noregi.
Útförin hefur farið fram í kyrrþey.
Aud Irja Grande,
Júlía Katrín Björke, Helgi Arnar Alfreðsson,
Halldór Björke Helgason,
Margrét Dannheim,
Úrsúla Fahning,
Bjarni Birgir Dannheim, Regina Smorra,
Ingibjörg Vik-Dannheim, Torstein Vik,
Björg Bjarnadóttir, Álfþór B. Jóhannsson.
✝
Ástkær eiginmaður minn, faðir okkar,
tengdafaðir, afi og langafi,
ÞORSTEINN BERENT SIGURÐSSON,
fv. flugumferðarstjóri,
Hlaðhömrum 2,
Mosfellsbæ,
andaðist á Landspítalanum við Hringbraut
föstudaginn 27. júlí.
Útförin fer fram frá Langholtskirkju fimmtudaginn 9. ágúst
kl. 15.00.
Blóm og kransar vinsamlega afþakkaðir, en þeim sem vilja
minnast hans er bent á Flugbjörgunarsveitina eða Karítas.
Ingunn Sigurðardóttir,
Sigrún Þorsteinsdóttir, Ólafur Sigurðsson,
Jón Ólafur Þorsteinsson,
Þorsteinn Ingi Kristjánsson,
Kristín Eva Kristjánsdóttir,
Arnar Berent Sigrúnarson,
Katla Dimmey Þorsteinsdóttir,
Daníel Berent Rink.
✝
Elskuleg móðir okkar, tengdamóðir, amma
og langamma,
ANNA MAGNÚSDÓTTIR
frá Múlakoti
í Lundarreykjadal,
síðast til heimilis að Blesastöðum,
lést á Heilbrigðisstofnun Suðurlands á
Selfossi þriðjudaginn 31. júlí.
Útför hennar verður gerð frá Hrunakirkju laugardaginn 4. ágúst
kl. 11.00.
Anna Björk Matthíasdóttir, Guðmundur Magnússon,
Steinar Matthíasson, Margrét Jóhannsdóttir,
Magnús Matthíasson, Þórdís Elísdóttir,
Sigríður Matthíasdóttir, Þorleifur Magnús Magnússon,
ömmubörn og langömmubörn.
✝
Ástkær eiginmaður minn, faðir, tengdafaðir,
afi, langafi og bróðir,
HJÖRTUR HJARTARSON,
fyrrverandi sóknarprestur,
Hlíðarvegi 11,
Kópavogi,
lést á Landspítalanum við Hringbraut
fimmtudaginn 26. júlí.
Útförin fer fram frá Kópavogskirkju þriðjudaginn 7. ágúst
kl. 13.00.
Unnur Axelsdóttir,
Stefanía Hjartardóttir,
Sveinn Hjörtur Hjartarson, Sigurveig H. Sigurðardóttir,
Þórunn Ingibjörg Hjartardóttir, Sveinn B. Larsson,
Axel Garðar Hjartarson, Rannveig Sigurðardóttir,
barnabörn, barnabarnabörn og systkini.
✝
Ástkær móðir okkar, tengdamóðir, amma,
langamma og systir,
GUÐVEIG BJARNÝ RAGNARSDÓTTIR
frá Naustahvammi,
síðar til heimilis
í Ásgarði 3,
Neskaupstað,
lést á Fjórðungssjúkrahúsinu í Neskaupstað
fimmtudaginn 26. júlí.
Útförin fer fram frá Norðfjarðarkirkju fimmtudaginn 2. ágúst
kl. 14.00.
Jarðsett verður í Skorrastaðakirkjugarði.
Þeim sem vilja minnast hennar er bent á Hollvinasamtök
Fjórðungssjúkrahússins í Neskaupstað.
Ragna Sveinsdóttir,
Guðmundur Sveinsson, Ásta Sæbjörg Jóhannsdóttir,
Magni Björn Sveinsson, Dagný Petra Gunnarsdóttir
og aðrir vandamenn.