Monitor - 11.10.2012, Blaðsíða 6

Hvernig byrjaði Velvet-ævintýrið? (Hildur:)
Ég stofnaði Velvet í lok árs 2010, þar sem
mér fannst vanta gott úrval af fylgihlutum
sem fylgdu straumum í tískunni en væru
samt ódýrir. Í mars á þessu ári byrjuðum
við síðan að vinna saman að Velvet. Við
höfum báðar mjög mikinn áhuga á tísku
og þetta er því ekki síður áhugamál hjá
okkur en fyrirtæki.
Hvaðan kom nafnið Velvet? Nafnið var
svolítið út í bláinn, aðalatriðið var að hafa
það stutt og grípandi.
Hvernig fylgihluti eru þið að selja? Við
höfum mest verið með áberandi skart
samkvæmt nýjustu tísku. Okkur fi nnst
fylgihlutir vera punkturinn yfi r i-ið og
mikilvægir fyrir heildarútlitið. Við viljum
reyna að höfða til sem fl estra með því að
bjóða upp á skart í ólíkum stílum.
Nú eru þið með netsíðuna www.velvet.
is, er mikið verslað í gegnum hana? Með
netverslunni erum við að þjóna stærri
hóp fólks, t.d. úti á landi. Netverslanir
eru þægileg leið til að versla og fólk er að
verða öruggara með að versla á netinu.
Við leggjum mikið upp úr góðri og snöggri
þjónustu, til að mynda þá fara pantanir af
netinu í póst innan sólarhrings miðað við
virka daga.
Hvenær opnuðuð þið svo búðina á
Kleppsmýrarvegi 8? Við opnuðum búðina
í apríl á þessu ári eftir að hafa verið
með netverslunina í um eitt og hálft ár.
Við vorum búnar að fi nna fyrir mikilli
eftirspurn eftir því að geta séð vörurnar og
mátað þær, og næsta skref var því að opna
verslun.
Hvernig hefur reksturinn þar gengið? Við-
tökurnar hafa verið mjög góðar. Verslunin
var fyrst og fremst hugsuð sem aðstaða
fyrir vöruúrvalið þar sem fólk gæti komið
og skoðað, sem og að sækja pantanir. Það
er ekki fyrir alla að versla á netinu og því
fannst okkur mikilvægt að koma til móts
við þá. Við erum aðeins með opið tvisvar í
viku en einnig er hægt að hringja og fá að
koma á öðrum tímum.
Við höfum verið varar við að viðskipta-
vinir okkar eru búnir að skoða vöruúrvalið
á netinu eða Facebook áður en þeir koma
til okkar á Kleppsmýrarveg og koma því
gagngert til að kaupa ákveðnar vörur.
Okkur fi nnst ánægjulegt að nánast allir
sem koma í verslunina ganga út með poka.
Hvaða fylgihlutir eru vinsælastir þessa
dagana? Statement-hálsmen eru búin að
vera vinsæl hjá okkur í allskonar litum og
formum. Gaddaarmbönd, þríhyrningar,
hauskúpur og krossar er einnig heit í
skartinu í dag.
Hvort er meira verslað í gegnum netið
hjá ykkur eða í versluninni? Netverslunin
er opin allan sólahringinn og aðgengileg
öllum þannig að mikill hluti sölunnar fer í
gegnum hana. Salan í versluninni er samt
mjög góð og aðsóknin hefur komið okkur á
óvart. Draumurinn væri síðan auðvitað að
opna stærri verslun einn daginn. Við erum
með stór plön varðandi framtíðina.
Eru þið sammála orðatiltækinu “minna er
meira”, eða eigum við að vera óhræddar
við að raða á okkur skartgripunum?
Eins og í öðru þá má alveg gæta hófs í
skarti. Okkur fi nnst fl ottara að láta at-
hyglina vera á einn hlut og nota látlausara
skart með. En auðvitað getur verið fl ott að
nota t.d. nokkur armbönd saman, það fer
einfaldlega eftir samsetningunni.
Hvaða fylgihlutir verða áberandi í haust?
Statement-hálsmen verða ennþá áber-
andi og armbönd eru að koma sterk inn.
Grófl eikinn í skarti er aðeins að minnka,
skartið er að fara meira í fíngerðari átt en
hefur verið undanfarið.
HILDUR
Á 30 SEK.
Fullt nafn: Hildur Birna
Birgisdóttir
Fyrstu sex í kennitölu: 280692
Staða: Ég er í viðskiptafræði
í HR
Ómissandi fylgihlutur fyrir
daginn: Flott hálsmen gerir
mikið fyrir hversdags outfi ttið
Uppáhaldslitur: Svartur og gull
Þrjú orð sem lýsa þér best:
Heiðarleg, skipulögð, ákveðin
Stíllinn heimsótti þær Hildi og Sigríði þessa vikuna en þær eru eig-
endur verslunarinnar Velvet. Þar selja þær fylgihluti og þá aðallega
skartgripi en einnig er hægt að versla í gegnum heimasíðu þeirra,
www.velvet.is. Stíllinn spurði þær vinkonur út í nýjustu strauma og
stefnur skartgripatískunnar og hvað yrði mest áberandi í haust.
Eru með stór plön
fyrir framtíðina
SIGRÍÐUR
Á 30 SEK.
Fullt nafn: Sigríður
Elfa Elídóttir
Fyrstu sex í kennitölu:
100892
Staða: Ég er í
lífeindafræði í HÍ.
Ómissandi fylgihlutur
fyrir daginn: Man
alltaf eftir því að setja
á mig armbönd
Uppáhaldslitur: Svart
passar við allt
Þrjú orð sem lýsa
þér best: Óþolinmóð,
áreiðanleg, kaupóð
ÉG VIL AÐ ALLIR VITI
AÐ ÉG ELSKA LITI
FALLEGT SKART
GYLLT OG SVART
ÞUNG SÚ ÞRAUT
AÐ SMÍÐA SKRAUT
FALLEGUR HRINGUR
PRÝTT GETUR FINGUR
SJÁ EYRNALOKKA
SEM ÝKJA ÞOKKA
HAUSKÚPAN
SYNGUR
ÉG ER GLINGUR
6 MONITOR FIMMTUDAGUR 11. OKTÓBER 2012
Lísa Hafl iðadóttir
lisa@monitor.is
stíllinn