Monitor - 11.10.2012, Blaðsíða 13

K V I K M Y N D
HJÁLMAR
KARLSSONTAKEN 2
Illa farið með
dygga Taken-
aðdáendur
Oft virðist gerð framhaldsmynda
eftir vel heppnaða fyrstu mynd
ekki þjóna neinum öðrum
tilgangi en að mjólka gullkálfi nn
góða. Þetta er að mínu mati
tilfellið með Taken 2. Hún
fylgir eftir hinni einstaklega vel
heppnuðu Taken, sem birtist
eins og þruma úr heiðskíru lofti
á sínum tíma og
sigraði „aksjón“
heiminn. Allir
sömu aðilar, að
undanskildum
leikstjóra,
standa að seinni
myndinni.
Hvort það hafi
haft úrslitaáhrif á gæði hennar
verður ósagt, en greinilegt er
að eitthvað mikið fór úrskeiðis.
Þó svo að fyrri myndin hafi
ekki beint verið raunsæ, þá hélt
hún manni í heljargreipum
frá upphafi til enda. Taken 2 er
hinsvegar útþynnt og afskræmd
útgáfa forvera síns, söguþráður-
inn er slappur, slagsmálaatriðin
illa framkvæmd og leikurinn
ótrúverðugur.
Það virðist ekki vera liðið
meira en rúmt ár frá atburðum
seinustu myndar en samt sem
áður nær gamla CIA-kempan
Bryan Mills (Liam Neeson) að fá
dóttur sína og fyrrverandi konu
með sér í frí til Tyrklands. Þar
upphefst atburðarás sem leiðir
til þess að Bryan og spúsa hans
eru „tekin“ og þarf hann að
taka á stóra sínum til að tryggja
öryggi fjölskyldu sinnar og að
sjálfsögðu sjá til þess að vondu
karlarnir, sem eru albanska
mafían, hljóti makleg málgjöld.
Gefum okkur að það sé ekkert
undarlegt við það að dóttirin
skelli sér í frí til Tyrklands eftir
að hafa verið rænd, dópuð og
seld í kynlífsþrælkun í París
fyrir ári og að hún þjáist ekki af
neinni áfallastreituröskun. Ofan
á það neyðist Bryan til að slátra
hinum helmingnum af albönsku
karlþjóðinni eins og hún leggur
sig og fer létt með það einn síns
liðs !
Ég geri mér fyllilega grein fyrir
því að Taken 2 er ekki byggð á
sannsögulegum atburðum en
fyrr má nú vera. Ef það væri
ekki fyrir Liam Neeson og hans
hnefasamlokur
þá færi þessi
mynd beint
á vidjóleig-
una.
facebook.com/noisirius
13FIMMTUDAGUR 11. OKTÓBER 2012 Monitor
Geiri pönk breytir útliti fólks til hins betra í
Rokki og rúllum: Hamskipti á MBL-sjónvarpi.
Lætin heilluðu
„Ég hef alltaf haft áhuga á tísku og byrjaði
þetta snemma hjá mér í barnæsku þegar
ég harðneitaði alltaf mömmu um að fara út
að leika mér nema ég væri vel greiddur og í
þokkalegum galla,“ segir Ásgeir Hjartarson
eða Geiri Pönk eins og hann er gjarnan
kallaður en hann er maðurinn á bak við
Rokk & rúllur-tískuþættina sem sýndir eru í
MBL-sjónvarpi. Þessi önnur þáttaröð af Rokki
& rúllum ber yfi rskriftina Hamskipti þar sem
Ásgeir breytir útliti ólíkra einstaklinga til hins
betra. Sjálfur er Ásgeir hárgreiðslumeistari og
segir hann þann áhuga hafa kviknað þegar
hann var hármódel 16 ára gamall. „Hlaupin
og lætin baksviðs heilluðu mig og stemningin
þar fannst mér rosa spennandi og mætti
segja að sýningahliðin á hárgreiðslunni heilli
mig meira en að vera fyrir aftan stólinn allan
daginn að klippa og lita hár,“ segir Ásgeir og
bætir við að þættirnir gefi honum einmitt þá
tilfi nningu því við gerð þeirra sé mikið um
læti og stress. Ásgeir leggur mikla áherslu á
að halda í persónuleg einkenni hvers og eins
þrátt fyrir oft og tíðum miklar breytingar á
útlitinu. „Sem betur fer voru allir einstakling-
arnir sem ég breytti í skýjunum eftir þættina,
allir voru ánægðir með þetta ferli og sáttir
með útkomuna,“ segir Ásgeir að lokum.
GEIRI KANN Á GREIÐUNA
OG SLÉTTUJÁRNIÐ