Monitor - 11.10.2012, Blaðsíða 9
9 FIMMTUDAGUR 11. OKTÓBER 2012 MONITOR
viðtalið
tími ársins hjá okkur, okkur fi nnst það öllum. Það er svo
gaman að vera að stefna að einhverju svona stóru. Ég var
sem sagt búin að ná að njóta hvers augnabliks fram að
því að ég meiddi mig þannig að þegar það gerðist gat ég
einhvern veginn bara verið glöð yfi r því að ég hafi nálgast
verkefnið svona og að ég hafi þá til dæmis ekki meiðst
fyrr í ferlinu.
Það var síðan heldur ekkert eins og himinn og jörð
hefðu farist. Stelpurnar eru svo ógeðslega góðar að það
kom bara önnur inn í minn stað og liðið vann mótið.
Hvaða eiginleikum þarf gott lið í hópfi mleikum að búa
yfi r?
Það þarf að búa yfi r liðsheild, trausti, samheldni og
svo þurfa að sjálfsögðu allar í liðinu að vera tilbúnar
að gefa allt sitt í verkefnið. Það þarf alveg metnað til að
hafa sextán stelpna lið saman átján klukkutíma á viku
án þess að upp komi drama eða einhver leiðindi. Við
erum allar mjög meðvitaðar um það og allir leggja sitt af
mörkum til að engin leiðindi komi upp. Svo þarf hver og
ein stelpa að lifa sem fi mleikamaður, sofa vel og borða
vel og bara hagræða deginum öllum sem fi mleikamaður.
Svo skemmir það auðvitað ekki fyrir hvað þær eru allar
skemmtilegar, miklir karakterar og snillingar.
Hvað hafi ð þið haft fram yfi r hina stúlknahópana á
þessum mótum til þessa? Hvernig hefur ykkur tekist
að skara fram úr á bæði Norðurlanda- og Evrópumeist-
aramóti?
Við erum náttúrlega með rosalega góða fi mleikaað-
stöðu og þjálfara sem búa yfi r mikilli reynslu og hafa
þjálfað okkur gífurlega lengi. Við stelpurnar erum allar
með mjög svipaðan bakgrunn og það virðist skila sér, til
dæmis í samheldni. Síðan er bara eitthvað við þetta lið,
jafnvel þótt þú værir ekki góð í einhverju öðru liði, þá
yrðir þú sjálfkrafa góð við það að verða hluti af þessu liði.
Það er einhver óskilgreinanlegur þáttur í þessu sem rífur
okkur allar áfram.
Svo má ekki gleyma að við höfum það fram yfi r hin
löndin að þegar um er að ræða landsliðakeppni, þá erum
við allar búsettar svo nálægt hver annarri, við getum æft
sem landslið alla vikuna. Hin liðin geta kannski bara hist
einu sinni í mánuði, alls sjö eða átta sinnum fyrir mót af
því að fi mleikastelpurnar búa í mikilli fjarlægð hver frá
annarri á sama tíma og við hittumst sex sinnum í viku.
Nú eruð þið á leiðinni út á Evrópumeistaramótið,
sem þið unnuð einmitt fyrir tveimur árum. Verjið þið
titilinn?
Já, ég vona það. Við erum allavega búnar að vera að gera
allt sem við getum til að vinna mótið aftur en svo ráðum
við náttúrlega ekki úrslitunum nema upp að vissu marki.
Okkar markmið er engu að síður að vinna mótið og verja
titilinn.
Nú er mikill agi yfi r fi mleikaí-
þróttinni. Hvernig er stemning-
in á svona stóru móti?
Þegar við komum út er aðal-
markmiðið okkar að hafa gaman
af þessu öllu. Þá erum við búnar
að vera að æfa stíft í marga
mánuði fyrir mótið svo þegar út
er komið er ekki hægt að gera
meira í því. Við höfum prófað
að vera stífar og ofureinbeittar
allan tímann og hugsað bara
um fi mleikaþáttinn og það
hjálpaði okkur ekki neitt.
Það stressaði mann bara
meira upp og í þessari íþrótt
máttu helst ekkert vera mjög
stressaður, þá eru meiri líkur á
að þér mistakist, þú dettir eða
eitthvað slíkt. Aðalmarkmiðið
okkar er alltaf að vera ótrúlega
jákvæðar og njóta þess að
vera saman í ferðinni. Fyrsti
dagurinn eftir að við komum
á mótsstaðinn er til dæmis frídagur og þá förum við
bara í bæjarferðir og kíkjum í H&M, slöppum af og fl eira
skemmtilegt.
Á mótunum sjálfum lítum við ekkert á hin liðin, hvorki
þegar þær hita upp né keppa. Einbeitum bara að okkur
sjálfum og erum þéttar saman allan tímann. Svo gera
bara allir sitt besta.
Og það hefur gengið ágætlega hingað til.
Það hefur bara gengið mjög vel hingað til (brosir).
Þegar þér líður illa eða ert bara almennt ekki í stuði, ert
þú þá vön að halla þér aftur og hugsa: „Íris, mundu að
þú ert Evrópumeistari,“ og tekur þá gleði þína á ný?
Ég hef reyndar aldrei gert það (hlær). Auðvitað er þetta
ótrúlega skemmtileg tilhugsun og í þessu eru minningar
sem eiga eftir að fylgja manni alla tíð en þetta er ekki
eitthvað sem ég stunda, nei (hlær). Það er kannski meira
þannig að maður einblíni á næsta mót
en velti sér ekki upp úr fyrri mótum.
Er rétt að þú skipuleggir hverja einustu
mínútu þína með heilagri dagbók?
Ég þarf alltaf að skrifa allt niður,
annars gleymi ég því bara. Dagskráin
mín er líka dálítið misjöfn milli daga.
Margir mæta kannski bara í vinnu
milli klukkan níu og fi mm og eru með
niðurnegldari rútínur en ég. Ég er
kannski í skólanum frá átta til tíu einn
dag, þarf svo líka að fara í sjúkraþjálfun
þann daginn, síðan kenni ég til dæmis í
verknámi þá vikuna, en hef tíma þarna
á milli sem ég verð að nýta í eitthvað og
svo framvegis. Þetta er dálítið óreglulegt
hjá mér. Þetta er samt bara skóladagbók
en mér fi nnst fínt að nota hana bara
undir allt. Ég hef verið með svona
dagbók síðan ég var lítil, pabbi minn ól
mig svona upp.
Tekur þú þátt í Meistaramánuði þessa
dagana eða eru kannski allir mánuðir
ársins „Mist-aramánuðir“ hjá þér?
Varstu lengi að semja þessa? (hlær). Í svona aðdraganda
móts er maður náttúrlega í djammbanni, þarf að huga
vel að mataræðinu og fara snemma að sofa. Er það ekki
sirka það sem þessi Meistaramánuður gengur út á?
Annars var ég nú ekki upptekin af þessum hlutum þegar
ég var meidd, til dæmis. Þá pældi maður ekki mikið í
mataræðinu og datt í hálfgerða leti.
ÍRIS MIST
Á 30 SEKÚNDUM
Fyrstu sex: 020187.
Það sem er skemmtilegast við fi mleik-
ana: Að keppa og félagsskapurinn.
Það sem er mesta vesenið: Meiðsli.
Það fyndnasta sem
ég hef séð á netinu:
Kínverjarnir sem
eru búnir að byggja
kamra á einhverjum
skíðasvæðum, festa
klósettin í bandi við snjósleða og draga
svo grey fólkið út á klósettinu niður
brekkuna. Ljótt en fyndið.
Fyndnasta sjónvarps-
þáttapersónan: Ég
hugsa að ég verði að
segja Chandler.
Æskuátrúnaðargoð:
Allar stelpurnar sem
unnu til verðlauna í fi mleikum á ÓL.
Okkar markmið er
engu að síður að
vinna mótið og verja titilinn.