Morgunblaðið - 05.12.2012, Blaðsíða 16
Útlit trukka hefur breyst mikið í
gegnum tíðina. Halldór Jónsson
keyrir um á býsna skraut-
legum bíl.
BAKSVIÐ
Guðni Einarsson
gudni@mbl.is
Starfshópur innanríkisráðherra um
endurmenntun atvinnubílstjóra mun
ljúka störfum innan skamms, sam-
kvæmt heimildum Morgunblaðsins.
Holger Torp, verkefnastjóri
ökunáms hjá Umferðarstofu, er einn
níu fulltrúa í starfshópnum og situr
þar ásamt öðrum fulltrúa Umferðar-
stofu, fulltrúa innanríkisráðuneytis
og fulltrúum Samtaka atvinnulífsins
og Alþýðusambands Íslands. Hann
sagði að sér þætti ekki rétt að ræða
þetta mál nú því starfshópurinn væri
að ljúka sinni vinnu. Holger sagði að
Umferðarstofa hefði skilað drögum
að námskrá um endurmenntun at-
vinnubílstjóra sem endurskoða þarf
og innanríkisráðherra að staðfesta.
Hann sagði að tilskipunin sem slík
skilgreindi nokkuð vel hvað ætti að
taka fyrir í endurmenntuninni. „Það
er upprifjun á því sem menn lærðu í
grunnnámi ásamt nýjungum og við-
bótum,“ sagði Holger.
Á vef Samtaka ferðaþjónust-
unnar (saf.is) er að finna glærur sem
Holger gerði fyrir um tveimur árum
um auknar kröfur til atvinnubílstjóra.
Af þeim má ráða nokkuð um hvað
krafan um endurmenntun felur í sér.
Þar kemur m.a. fram að tilskip-
unin hafi verið sett árið 2003. Holger
sagði það hafa verið gert til að sam-
ræma kröfur til atvinnubílstjóra í
EES hvað varðar færni þeirra og
þjálfun.
Einnig var markmiðið að auka
umferðaröryggi, jafna samkeppnis-
stöðu, auðvelda bílstjórum að aka í
hinum ýmsu löndum EES, mæta
kröfum vinnumarkaðarins og að
staðla ökuskírteini í EES. Fram að
því var mjög mikill munur á menntun
og þjálfun atvinnubílstjóra í hinum
ýmsu aðildarlöndum EES.
Krafa tilskipunarinnar um
grunnmenntun ökumanna hafði eng-
in áhrif á Íslandi því hér var þá þegar
krafist sambærilegrar menntunar.
Hvað varðar reglubundna end-
urmenntun þá eiga allir atvinnubíl-
stjórar stórra ökutækja að fara á 35
stunda námskeið á fimm ára fresti.
Lagt var upp með að kennt yrði í sjö
stunda lotum. Í glærum Holgers
kemur fram að efnistök í endur-
menntun verði skilgreind þau sömu
og í upphaflegri þjálfun.
Almennt og sérhæft nám
Holger sagði þetta ekki þýða að
endurtaka ætti grunnkennsluna held-
ur yrði fjallað um viðbætur og breyt-
ingar, enda ætti að kenna reyndum
ökumönnum en ekki byrjendum.
Hvað varðar faglegar kröfur um
endurmenntun er hugmyndin sú að
allir bílstjórar fái endurmenntun um
vistakstur, nýjungar í tæknibúnaði
stórra ökutækja, ökurita, akstur,
hvíld og nýjungar í regluverki. Einn-
ig um umferðaröryggi, umferðarslys,
viðbrögð á slysstað og skyndihjálp.
Þessi þáttur gæti orðið um 60%
endurmenntunarinnar.
Þeir sem stunda fólksflutninga
munu að auki fá upprifjun um öryggi
farþega og heilbrigði. Þeir sem
stunda vöruflutninga munu fá endur-
menntun um hleðslu og frágang á
farmi og farmskjöl.
Þá verður boðið upp á val þar
sem hægt er að fara í sérhæfða
námsþætti eins og flutning
fatlaðra eða kæliflutninga
eða aðra sérhæfða flutn-
inga. Það verður nánar
útfært af þar til bærum
námskeiðshaldara. Um-
ferðarstofa, eða annar
opinber aðili, þarf að
samþykkja nám-
skeiðin.
Kröfur til atvinnubíl-
stjóra samræmdar
Morgunblaðið/Þorkell
Endurmenntun Krafist verður endurmenntunar fyrir atvinnuökumenn
stórra vöru- og fólksflutningabíla á fimm ára fresti samkvæmt frumvarpi.
16 FRÉTTIRInnlent
MORGUNBLAÐIÐ MIÐVIKUDAGUR 5. DESEMBER 2012
GLÆSILEG GJÖF FYLGIR
FRAMTÍÐARREIKNINGI
Við stofnun eða innlögn á Framtíðarreikning
barns að upphæð 5.000 kr. eða meira fylgir
Stóra Disney heimilisréttabókin með*.
Tilvalin jólagjöf sem vex með barninu.
Komdu við í næsta útibúi Arion banka.
Framtíðarreikningur — gjöf til framtíðar
Í frumvarpi til nýrra umferð-
arlaga, sem liggur fyrir Alþingi,
er kveðið á um að ökumenn
stórra bíla sem vinna við fólks-
og vöruflutninga skuli gangast
undir endurmenntun á fimm ára
fresti. Ákvæðið byggist á til-
skipun ESB (2003/59/EB), sem
gildir innan Evrópska efnahags-
svæðisins (EES), og var hún
leidd í íslenskan rétt með reglu-
gerð 760/2006. Mæla þarf fyrir
um efni ákvæðisins í lögum.
Starfshópur um endur-
menntun atvinnubílstjóra, sem
stunda farþega- og vöruflutn-
inga, á að útfæra nánar reglur
um þá endurmenntun sem at-
vinnubílstjórar þurfa að
gangast undir á fimm ára
fresti. Hópurinn mun skila
tillögum þar að lútandi til
innanríkisráðherra.
Starfshópur
gerir tillögur
ENDURMENNTUN BÍL-
STJÓRA Í FRUMVARPI
Ragnheiður Guðmunds-
dóttir, læknir, lést á
heimili sínu 2. desember
sl., 97 ára að aldri.
Ragnheiður var fædd
20. ágúst 1915. For-
eldrar hennar voru
hjónin Guðmundur
Bjarni Kristjánsson,
skipstjóri og kennari við
Stýrimannaskólann, og
Geirlaug Stefánsdóttir.
Ragnheiður lauk
stúdentsprófi frá M.R.
1935 . Var við nám í
þýskri og enskri bók-
menntasögu við Kaupmannahafn-
arháskóla 1935-36 en sneri þá heim
og hóf síðar nám í læknisfræði og út-
skrifaðist sem cand.med. frá Háskóla
Íslands 1945. Hún stundaði sér-
fræðinám í augnlækningum við New
York Hospital og víðar í Bandaríkj-
unum og einnig á Spáni þar sem hún
lauk sérfræðingsprófi í augnlækn-
ingum frá Escuela Profesional de Of-
talmologia í Barcelona 1964. Hún
fékk sérfræðingsleyfi í augnlækn-
ingum á Íslandi 1966 og starfrækti
eigin stofu í Reykjavík. Hún var einn-
ig sérfræðingur á Sólvangi.
Ragnheiður kenndi
m.a. lífeðlisfræði tann-
lækna við læknadeild
H.Í., 1952-61 og var
fyrsta íslenska konan
sem kenndi við deild-
ina. Hún kynnti sér
nám og störf sjúkraliða
í Bandaríkjunum 1962
og átti frumkvæði að
námi sjúkraliða á Ís-
landi.
Ragnheiður var m.a.
í stjórn Augnlækna-
félags Íslands 1970-72
og formaður 1972-74,
formaður Golfklúbbs Reykjavíkur
1958-59 og sat lengi í stjórn Rauða
kross Íslands. Hún sat í miðstjórn og
flokksráði Sjálfstæðisflokksins og var
formaður Landssambands sjálfstæð-
iskvenna 1969-73. Ragnheiður var
heiðursfélagi í Læknafélagi Íslands,
Félagi kvenna í læknastétt á Íslandi,
Félagi íslenskra háskólakvenna, Fé-
lagi sjúkraliða, Golfklúbbi Reykjavík-
ur, Golfklúbbi Ness og RKÍ.
Ragnheiður giftist 1942 Magnúsi
Víglundssyni, iðnrekanda og ræðis-
manni Spánar. Þau skildu. Dóttir
þeirra er Geirlaug Herdís.
Andlát
Ragnheiður Guðmunds-
dóttir, læknir
Anna Kristjana Torfa-
dóttir, fyrrverandi
borgarbókavörður, lést
30. nóvember síðastlið-
inn á sextugasta og
fjórða aldursári.
Anna fæddist í
Reykjavík 25. janúar
1949, dóttir Torfa Ás-
geirssonar hagfræðings
og Veru Pálsdóttur hús-
freyju sem lifir dóttur
sína.
Anna varð stúdent
frá Menntaskólanum í
Reykjavík 1969. Hún
lauk BA-prófi í bókasafnsfræði og al-
mennri bókmenntasögu frá Háskóla
Íslands 1976 og mastersgráðu í
stjórnun frá University of Wales,
Aberystwyth 1995.
Anna starfaði sem bókasafnsfræð-
ingur á Amtsbókasafninu á Akureyri
frá 1976 til 1978. Í nóvember 1978 hóf
hún störf við Borgar-
bókasafn Reykjavíkur,
fyrst sem bókasafns-
fræðingur og síðan
safnstjóri aðalsafns.
Hún tók við starfi
borgarbókavarðar árið
1998 og gegndi því
starfi þar til í maí 2012
er hún lét af störfum
vegna veikinda.
Anna gegndi fjölda
trúnaðarstarfa um æv-
ina og sat meðal annars
í stjórn Félags bóka-
safnsfræðinga, rit-
stjórn Bókasafnsins og stjórn Lands-
kerfis bókasafna hf. Anna var
stundakennari við Háskóla Íslands
og gegndi auk þess nefndarstörfum á
vegum menntamálaráðuneytis á vett-
vangi bókasafnamála.
Dóttir Önnu er Vera Júlíusdóttir og
er maður hennar Gauti Sigþórsson.
Andlát
Anna Torfadóttir, fv.
borgarbókavörður
Reglur um endurmenntun atvinnubílstjóra langt komnar