Morgunblaðið - 05.12.2012, Blaðsíða 44

BAKSVIÐ
Karl Blöndal
kbl@mbl.is
Ákvörðun Ruperts Murdochsum að leggja niður TheDaily, fyrsta „dagblaðið“sem eingöngu er gefið út
fyrir spjaldtölvur, ber því vitni að leit
fjölmiðla að leið til þess að láta staf-
ræna fréttaþjónustu bera sig er langt
frá því lokið.
Murdoch tilkynnti á mánudag að
The Daily yrði lokað 15. desember
vegna skorts á lesendum. Blaðið hefði
verið „djörf tilraun“ en ekki borið sig.
The Daily var hleypt af stokkunum í
febrúar 2011 og átti þá að verða fyr-
irmynd í umhverfi þar sem lesendum
færi fækkandi og notendur leituðu í
auknum mæli upplýsinga á netinu.
Blaðið kostaði 99 sent á viku (125
krónur) eða 39,99 dollara (5.600 krón-
ur) á ári. Talið er að blaðið hafi haft
um 100 þúsund áskrifendur, en Mur-
doch sagði í upphafi að til að rekst-
urinn bæri sig þyrfti hálfa milljón
áskrifenda.
Þessari tilraun Murdochs er nú
fundið allt til foráttu. Blaðið var of
dýrt í rekstri og ritstjórnarstefnan
engin auk þess sem það þótti und-
arlega einangrað frá netinu.
30 milljónir dollara (3,7 milljarðar)
voru settar í að setja blaðið af stað. Í
upphafi kom fram að kostnaður við
reksturinn yrði um hálf milljón dollara
(62 milljónir króna) á viku eða um 26
milljónir dollara (3,2 milljarða króna)
á ári.
Miðillinn var blanda af fréttum og
grafískum upplýsingum. Gagnrýn-
endur sögðu að miðlinum hefði hins
vegar mistekist að marka sér sérstöðu
og boðið hefði verið upp á efni, sem
hæglega hefði verið hægt að nálgast á
netinu án endurgjalds. Þá hefði lítið
verið gert til að vekja athygli á því eft-
ir upphaflegu kynninguna. Fréttir
hefðu aðeins verið aðgengilegar
áskrifendum og því ekki vakið umtal,
sem dreifing notenda á félagsmiðlum
á borð við Twitter og Facebook getur
komið af stað.
Trevor Butterworth skrifaði dálk
undir heitinu „Upplýsingasamfélagið“
í The Daily. Honum var sagt upp í júlí
þegar um þriðjungur starfsmanna
blaðsins var látinn fara. „Fréttunum
okkar var ekki mikið deilt og þær
vöktu lítið umtal,“ sagði Butterworth
við fréttaveituna AP. „Mér fannst ég
vera að skrifa út í tómið.“
Grundvöllur blaðsins átti að byggj-
ast á gríðarlegum vinsældum spjald-
tölva. Það kom hins vegar aðeins út
einu sinni á dag líkt og það væri prent-
að á pappír og uppfærðist ekki. Þá var
blaðið gríðarlega stórt, allt að eitt
gígabæt eintakið, og gat tekið 10 til 15
mínútur að hlaða því niður. Blogg-
arinn Matt Haughey, sem stofnaði
bloggsamfélagsvefinn Metafilter.com,
segir að slíkt sé fáheyrt fyrir stafræn-
an fjömiðil.
„Þeir slepptu því augljósa, netinu,“
sagði Haughey við AP og bætti við að
þótt margir keyptu nú létta spjald-
tölvu frekar en fartölvu, færi fólk enn
á netið og léti sér ekki duga smáforrit
eða „öpp“ til að tengjast.
Þá var The Daily í upphafi aðeins
aðgengilegt á spjaldtölvunni iPad frá
Apple. Síðar komu útgáfur, sem
studdust við stýriforritið Android.
„Þetta var hluti af hluta af mark-
aðnum,“ sagði Rebecca Lieb, sérfræð-
ingur hjá greiningarfyrirtækinu Al-
timeter Group, við fréttaveituna AFP.
Henni kom ekki á óvart að The Daily
skyldi lagt niður. „Það bauð ekki upp á
neitt sem lesendur gátu ekki fengið í
hvaða dagblaði öðru sem er og var
ekki þekkt vörumerki,“ sagði hún.
„Hefði ég verið Murdoch hefði ég
hleypt af stokkunum einhverju, sem
þegar hefur skapað sér nafn [eins og]
Wall Street Journal.“
Spjaldtölvublað
Murdochs brást
AFP
Búið „Aðgangur þinn er runninn út,“ segir á síðu spjaldtölvublaðsins The
Daily. Þessari tilraun Ruperts Murdoch í útgáfu verður ekki haldið áfram.
44
MORGUNBLAÐIÐ MIÐVIKUDAGUR 5. DESEMBER 2012
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Stjórnarliðar áþingi kvartaundan því að
rætt sé um fjár-
lagafrumvarp rík-
isstjórnarinnar og
skyldi engan
undra. Fyrir þá
sem að því ógæfu-
lega frumvarpi
standa og ætla sér að senda
landsmönnum slíka jólakveðju
væri vissulega betra að málið
rynni umræðulítið í gegnum
þingið svo enginn tæki eftir því
sem þar er á ferðinni.
Ríkisstjórnin hefur allar göt-
ur frá því hún braust til valda í
ársbyrjun 2009 hækkað skatta á
fólk og fyrirtæki. Þar hefur
engu verið eirt og skattar verið
hækkaðir meira en eitt hundrað
sinnum samkvæmt síðustu taln-
ingu. Þrátt fyrir þetta er nú
ætlunin að bæta frekari hækk-
unum við enda hótun Stein-
gríms J. Sigfússonar enn í fullu
gildi: „You ain’t seen nothing
yet.“
Einhverjir trúðu því ekki eft-
ir allar þær skattahækkanir
sem Steingrímur hafði staðið
fyrir þegar þessi orð féllu að
hann kæmist upp með að halda
áfram að hækka skatta en þeir
hinir sömu vanmátu vilja
stjórnarliða til að seilast æ
dýpra í vasa almennings.
Að þessu sinni á meðal ann-
ars að hækka vörugjöld á bíla-
leigubíla, sem ferðaþjónustan,
ekki síst á landsbyggðinni, hef-
ur bent á að verði til mikils
skaða. Sömu sögu er að segja
um virðisaukaskatt á ferðaþjón-
ustuna, sem verður
tvöfaldaður. Þá
verður fjársýslu-
skattur hækkaður,
almennt trygginga-
gjald verður hækk-
að, kolefnisskattur
verður festur í sessi
þvert á samninga,
raforkuskattur
framlengdur og hækkaður og
svo mætti áfram telja.
Stjórnarliðum má ljóst vera
hversu skaðlegar þessar áfram-
haldandi skattahækkanir eru
fyrir atvinnu- og efnahagslíf og
þar með fyrir atvinnustig í land-
inu. Alþýðusambandið hefur til
að mynda bent á að með þessum
aðgerðum „tæmir ríkissjóður
svigrúm fyrirtækja til launa-
hækkana“ og Samtök atvinnu-
lífsins taka í sama streng.
Skiljanlegt er að stjórnar-
liðar vilji síður að þessi atriði fái
umræðu og reyni allt til að
hindra stjórnarandstöðuna í að
ræða efnislega um hið stór-
skaðlega fjárlagafrumvarp.
Stjórnarliðar vilja ekki að fólk
átti sig á að með fjárlaga-
frumvarpinu er enn verið að
leggja drög að því að þrengja
kost almennings í landinu. Vilji
stjórnarliða stóð til þess að
spuni þeirra yrði ofan á og al-
menningur tryði því þegar
órætt fjárlagafrumvarp hefði
verið samþykkt að með því hefði
mikill og óumdeilanlegur ár-
angur náðst. Hafi umræður á
þingi þessa dagana engan ann-
an tilgang en að forða því að
spuninn verði ofan á er þegar til
mikils unnið.
Alræmd hótun
Steingríms J. heldur
enn gildi sínu og
nauðsynlegt er að
almenningur átti sig
á þeirri staðreynd}
Enn eru skattahækkanir
í fjárlagafrumvarpi
Kate Hoey,þingmaður
Verkamanna-
flokksins breska,
var hér á landi á
dögunum og ritaði
af því tilefni grein í
Morgunblaðið um
liðna helgi. Athyglisvert er að
kynnast viðhorfum Hoey, sem
varar Íslendinga eindregið við
því að ganga Evrópusamband-
inu á hönd, en hún hefur beitt
sér fyrir því að Bretar gangi úr
ESB. Samkvæmt könnunum
eru 65% Breta sammála Hoey
en samt sem áður er útgangan
fjarri því að vera líkleg, enda
leiðin greiðari inn en út.
Í grein sinni ræðir Hoey
meðal annars um áhrif ESB-
aðildar á sjávarútveginn og
segir sameiginlega sjávarút-
vegsstefnu ESB fyrst og fremst
taka tillit til hagsmuna
spánskra fiskimanna. „Í júlí
síðastliðnum kom út skýrsla
sem er stórfelldur áfellisdómur
yfir sjávarútvegsstefnu ESB.
Skýrslan er eftir
Mörtu Andreasen
sem er Evrópu-
þingmaður fyrir
Suðaustur-Eng-
landi. Fram kemur
að um eitt hundrað
þúsund störf hafa
tapast í breskum sjávarútvegi
vegna ESB,“ segir Hoey og
bætir við: „Sameiginlega sjáv-
arútvegsstefnan tæki yfir ís-
lenskan sjávarútveg. Þið fengj-
uð einhverjar tímabundnar
undanþágur en hratt flýgur
stund. Í stað skynsemi kæmi
dýrt kerfi sóunar, stjórnað af
búrókrötum sem ekkert vita
um fiskveiðar. Jafnvel sjáv-
arútvegsframkvæmdastjóri
ESB viðurkenndi á síðastliðnu
ári að sameiginlega sjáv-
arútvegsstefnan gengi ekki
upp.“
Íslensk stjórnvöld skella
skollaeyrum við slíkum varn-
aðarorðum. Þeim mun ríkari
ástæða er fyrir almenning að
leggja við hlustir.
Full ástæða er fyrir
Íslendinga að hlusta
á orð þingmanns
breska Verkamanna-
flokksins um ESB}
Varnaðarorð
V
íst er ég hátindur sköpunarverks-
ins, æðsti ávöxtur þróunarsög-
unnar, en sami kjáninn engu að
síður. Ég trúi nefnilega á alls-
kyns fyrirbæri sem ég ætti ekki
að trúa á og hef trú á mörgu sem á sér ekki
stoð í raunveruleikanum þegar grannt er
skoðað. Þannig er það nú með mannskepn-
una, okkur er eðlilegt að leita að merkingu
þar sem enga merkinu er að finna, að rökum
þegar rök eiga ekki við og að tilgangi sem þó
er óþarfur; veltum fyrir okkur spurningum
eins og hver sé tilgangur tilverunnar og finn-
um óteljandi tilgangslaus svör.
Það er margsannað í tilraunum að fátt er
eins órökrétt og þær rökréttu ákvarðanir
sem við tökum dagsdagslega, hvort sem það
er á gulu ljósi á leið í vinnuna, í biðröð í búð-
inni eða í tillögusmíði á Alþingi. Gott dæmi um það síð-
astnefnda er nýleg þingsályktunartillaga þriggja þing-
kvenna og varaþingkvenna Samfylkingar og Vinstri
grænna um „að fela velferðarráðherra að skipa starfs-
hóp sem kanni hvort niðurgreiða skuli heildrænar með-
ferðir græðara til jafns við aðra heilbrigðisþjónustu og/
eða undanþiggja þær greiðslu virðisaukaskatts“.
Trú á græðara sem þykjast geta læknað fólk er ótrú-
lega almenn og ekki síður trú á handayfirlagningu /
heilara, smáskammtalækningar / hómópata, nálastungu
og Detox-læknismeðferð. Eins er furðu lífseig trú á ým-
is fyrirbæri eins og andoxunarefni (engin merkjanleg
virkni), svonefnda ofurfæðu (engin merkjanleg virkni)
eða stórskammta af vítamínum (engin
merkjanleg virkni) svo dæmi séu tekin. Það
eina sem öll þessi vísindi gera er að auðvelda
þeim sem þau stunda að hafa í sig og á, gera
þá að sannkölluðum græðurum.
Sumir græðaranna græða á því að selja
fólki vellíðan, og ekki vert að amast um of
við þeirri þjónustu eða hvaða eðlismunur er
á því að láta sér líða vel í heita pottinum eða
slaka á með volgri stólpípu? Miklu for-
vitnilegra er að reyna að gera sér grein fyrir
því af hverju fólk trúir á slíkt og / eða hefur
trú á því. Ýmsar rannsóknir renna stoðum
undir það okkur, mannskepnunni, er gjarnt
að leita eftir mynstrum í frumskóginum og
þegar við erum komin út úr honum höldum
við áfram að leita eftir mynstrum. Slíkar
rannsóknir hafa líka leitt í ljós að eftir því
sem við höfum minni stjórn á aðstæðum okkar, erum
aðþrengdari eða óöruggari, erum við gjarnari á að sjá
sýnir og hafa trú á allskyns þvælu og samsæriskenn-
ingum.
Það er þó kannski ekki síst upplýsingaflóðið sem kaf-
færir okkur, hjávísindagreinar skipta tugmilljónum og
alvöruvísindagreinar milljónum, ríflega fimmtán millj-
ónir slíkra greina komnar út las ég einhvers staðar, og
fimm þúsund vísindarit gefin út á hverjum mánuði. Það
er því varla nema von að allskyns hálfsannleikur fari á
kreik, og jafnvel lygi, og erfitt fyrir meðaljóninn að átta
sig á hverju eigi að trúa. Við því er aðeins eitt svar:
Trúðu engu, kæri lesandi, nema mér. arnim@mbl.is
Græðandi græðarar
Pistill
Árni
Matthíasson
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
Lokun The Daily er aðeins hluti
af miklum hræringum í News
Corp, fjölmiðlaveldi hins 81 árs
gamla Ruperts Murdochs, sem
nú er verið að skipta í tvennt.
Annars vegar verður lögð
áhersla á kvikmyndafram-
leiðslu og sjónvarpsrekstur,
sem verður rekinn undir nafni
Fox. Hins vegar er frétta- og
útgáfuhlutinn, sem áfram verð-
ur undir merkjum News Corp.
Ástæðan fyrir þessari skipt-
ingu er símahlerunarhneykslið,
sem í sumar varð til þess að
blaðið News of the World var
lagt niður.
News Corp
skipt upp
VELDI MURDOCHS
Rupert Murdoch skiptir veldi sínu.