Morgunblaðið - 05.12.2012, Side 42

42 FRÉTTIRErlent
MORGUNBLAÐIÐ MIÐVIKUDAGUR 5. DESEMBER 2012
Suðurlandsbraut 50 (Bláu húsin við Faxafen) ◊ 108 Reykjavík ◊ Sími 588 4499 ◊ mostc.is ◊ Möst.C
Opið alla virka daga 12-18 og laugardaga frá 11-16
NÝJAR VÖRUR Í HVERRI VIKU
Frábær verð og persónuleg þjónusta
Anders Fogh Rasmussen, fram-
kvæmdastjóri Atlantshafsbanda-
lagsins, sagði í gær að efnavopna-
birgðir Sýrlandsstjórnar væru mikið
áhyggjuefni og ein af ástæðum þess
að mikilvægt væri að tryggja varnir
nágrannaríkisins Tyrklands. NATO
fjallaði í gær um beiðni Tyrkja um að
Patriot-eldflaugavarnakerfi verði
komið fyrir við landamæri Tyrk-
lands og Sýrlands en á sama tíma
hafa fregnir borist af því að í Sýr-
landi sé hafin blöndun efna sem nota
má til að búa til saríngas, sem er
banvænt taugagas.
„Möguleg notkun efnavopna væri
algjörlega óviðunandi fyrir allt al-
þjóðasamfélagið og ég myndi gera
ráð fyrir umsvifalausum viðbrögðum
frá alþjóðasamfélaginu,“ sagði fram-
kvæmdastjóri NATO í gær en tals-
maður franska utanríkisráðuneytis-
ins og utanríkisráðherra Þýskalands
tóku í sama streng.
„Hver sem svo mikið sem veltir
þessu fyrir sér ætti að vita að heim-
urinn myndi refsa viðkomandi. Við
krefjumst þess að endir verði tafar-
laust bundinn á ofbeldið í Sýrlandi
og að valdinu afsalað til stofnana
sem undirbúa stjórnarskipti,“ sagði
Guido Westerwelle.
„Algjörlega óviðunandi“
 Atlantshafsbandalagið, Þjóðverjar og Frakkar vara Sýrlandsstjórn við notkun
efnavopna  Myndi kalla á umsvifalaus viðbrögð  Vilja tryggja varnir Tyrkja
AFP
Viðvörun Alþjóðasamfélagið mun
ekki líða notkun efnavopna.
Stjórnvöld í Washington óttast að
frekari sókn uppreisnarmanna geti
orðið til þess að Bashar al-Assad,
forseti Sýrlands, ákveði að beita
efnavopnum og að slíkar vopna-
birgðir geti endað í höndum á hreyf-
ingum sem eru óvinveittar Banda-
ríkjunum og bandamönnum þeirra.
Stjórnvöld í Damaskus hafa hins
vegar ítrekað að þau myndu aldrei
nota efnavopn gegn eigin borgurum
en Sameinuðu þjóðirnar og Evrópu-
sambandið hafa dregið mikið úr um-
svifum sínum í Sýrlandi vegna
versnandi öryggisástands þar.
holmfridur@mbl.is
Indónesískar vinnukonur ættu að
forðast það að ráða sig til starfa í
Malasíu, segir sendiráð Indónesíu í
Kuala Lumpur. Yfirvöld í Malasíu
frelsuðu á laugardag 105 konur, sem
unnu launalaust sem vinnukonur á
daginn en voru læstar inni á næturn-
ar, í byggingu nærri höfuðborginni.
Alls voru 95 kvennanna frá Indó-
nesíu, sex frá Filippseyjum og fjórar
frá Kambódíu.
Malasía er eitt auðugasta ríkið í
suðausturhluta Asíu og margar kon-
ur frá fátækari nágrannalöndum,
flestar frá Indónesíu, ráða sig þang-
að sem vinnukonur eða húshjálp.
Fjöldi tilfella misnotkunar hefur
þó sett strik í reikninginn og valdið
stirðleika í samskiptum ríkjanna. Ár-
ið 2009 settu stjórnvöld í Indónesíu
bann við miðlun vinnukvenna til Mal-
asíu en því var aflétt fyrir um ári, eft-
ir að samkomulagi var náð um betri
vernd og vinnuaðstæður til handa
indónesískum vinnukonum.
„Yfirvöld í Malasíu ættu að grípa
til harkalegra aðgerða. Það er betra
fyrir indónesískar vinnukonur að
vinna ekki í Malasíu,“ sagði talsmað-
ur indónesíska sendiráðsins í Mal-
asíu í gær. „Þeir óska eftir indónes-
ískum vinnukonum en geta ekki
verndað þær almennilega.“
Áður en bannið tók gildi 2009 voru
um 300.000 indónesískar konur lög-
lega skráðar vinnukonur í Malasíu
en í landinu eru starfandi yfir 300
vinnumiðlanir sem sjá um ráðningar
vinnukvenna.
Ekki er langt um liðið frá því að
auglýsing frá Malasíu, þar sem indó-
nesískar vinnukonur voru auglýstar
til sölu, fór eins og eldur í sinu um
netið í Indónesíu. Þá bönnuðu stjórn-
völd í Kambódíu í fyrra að vinnufólk
væri sent til Malasíu, vegna fjölda
tilkynninga um misnotkun.
Ráði sig ekki til
vinnu í Malasíu
 105 vinnukonum
haldið föngnum í
Kuala Lumpur
AFP
Starf Erlendar vinnukonur njóta
takmarkaðrar verndar í Malasíu.
Fimmtán lög-
reglumenn, tveir
öryggisverðir og
blaðaljósmynd-
ari særðust í
átökum sem
brutust út að-
faranótt þriðju-
dags, eftir að
borgarráðs-
fulltrúar í Bel-
fast samþykktu að hætta að
flagga breska fánanum árið um
kring.
Breski fáninn hefur hangið uppi
í ráðhúsinu í Belfast frá 1906 en
þjóðernissinnar höfðu farið fram á
að hann yrði alfarið fjarlægður og
honum aldrei flaggað. Lendingin
varð hins vegar sú að fáninn yrði
tekinn niður en að honum yrði
flaggað 17 tiltekna daga á ári.
Í kjölfar ákvörðunar borgarráðs
söfnuðust um 1.000 sambandssinn-
ar saman við ráðhúsið og köstuðu
m.a. flöskum og múrsteinum að
lögreglu. Þá reyndi einhver fjöldi
manna að brjóta sér leið inn í
bygginguna.
Átök í kjölfar
ákvörðunar um að
fjarlægja fánann
Breski fáninn.
NORÐUR-ÍRLAND
Saríngas er lyktarlaust,
bragðlaust og litarlaust
taugagas sem getur borist í
líkamann bæði með innöndun
og í gegnum húðina. Það var
upphaflega þróað sem skor-
dýraeitur í Þýskalandi í valda-
tíð nasista en var bæði fram-
leitt í Bandaríkjunum og
Sovétríkjunum.
Efnið getur m.a. valdið löm-
un vöðva umhverfis lungun,
heiftarlegum höfuðverkjum,
flogum, ógleði, þvaglátum og
niðurgangi en í stórum
skömmtum leiðir það til með-
vitundarleysis, lömunar og
dauða.
Upphaflega
skordýraeitur
EFNAVOPN
Landbúnaðarverkafólk í De Doorns-héraði í
Suður-Afríku hóf aftur verkfall í gær eftir
tveggja vikna viðræðuhlé en verkafólkið hefur
farið fram á að daglaun þess hækki úr 70 rönd-
um, jafnvirði 997 íslenskra króna, í 150 rönd, eða
2.118 íslenskar krónur.
Mikil ávaxtarækt er í De Doorns, sem liggur
um 120 km norður af Höfðaborg, en tveir létust
og miklar skemmdir urðu á innviðum í átökum
sem brutust út þegar verkafólkið hóf ólöglegt
verkfall áður en tveggja vikna samningalotan
hófst.
Landbúnaðarverkafólk í Suður-Afríku í verkfalli
AFP
Fara fram á jafnvirði 2.118 króna fyrir dagsverkið