Morgunblaðið - 06.12.2012, Blaðsíða 2

BAKSVIÐ
Helgi Vífill Júlíusson
helgivifill@mbl.is
Guðjón Már Guðjónsson, stofnandi
OZ, svipti hulunni af nýrri tækni til
að streyma sjónvarpsefni yfir netið
fyrir fullum sal í Kaldalóni í Hörp-
unni á þriðjudaginn. Hann segir í
samtali við Morgunblaðið að það
styttist í markaðssókn til Norður-
landanna. Hópur sem taki að sér að
prófa tæknina, svokölluð betaprófun,
verði stækkaður tvisvar fyrir jól og
svo verulega eftir áramót, í framhaldi
af því eigi að bjóða þjónustuna til sölu
á Norðurlöndum. En tæknin virkar
samt sem áður um allan heim. Þessar
prófanir gefa fyrirtækinu færi á að
bæta vöruna áður en hún fer í al-
menna sölu.
OZ hefur þróað nýja að-
ferðafræði við að dreifa sjónvarps-
útsendingu í háskerpu á netinu. Fólk
nýtir eftir sem áður sitt sjónvarp til
að horfa á efnið. Dreifing er sögð
hagkvæm.
Keyptu af Nokia
Þróun kerfisins hófst fyrir tæplega
þremur árum. Til að byrja með hét
fyrirtækið Medizza en í sumar var
nafnið OZ og lénið Oz.com keypt af
Nokia. Veturinn 2008 keypti farsíma-
fyrirtækið OZ m.a. af Skúla Mogen-
sen. Guðjón sagði hins vegar skilið
við fyrirtækið árið 2003, sem hann
stofnaði fyrir rúmlega 20 árum, þá 17
ára gamall. Eftir niðurskurð hjá
Nokia var OZ sameinað hinu breska
Synchronica um mitt síðasta ár, und-
ir breska nafninu, og sáu Medizzu-
menn sér leik á borði, og keyptu
nafnið OZ.
Stofnandi Opera hluthafi
Í sumar sagði Viðskiptablaðið jafn-
framt frá því að Jón Stephenson von
Tetzchner, annar stofnandi Opera,
hefði slegist í hluthafahóp fyrirtæk-
isins. Starfsmenn Opera eru yfir 700.
Magnús Ragnarsson, leikari og fyrr-
verandi framkvæmdastjóri Skjá-
sEins og hjá Latabæ, gekk auk þess
til liðs við félagið í vor.
Guðjón sagði á kynningarfund-
inum að Íslendingar hefðu verið aft-
arlega á merinni í sjónvarpstækni-
málum, og benti á Sky og TiVo sem
væru framar, máli sínu til stuðnings,
en að við værum í heimsklassa í að
framleiða efni. En þeir hjá OZ hefðu
mikinn áhuga á þessum tæknimálum.
„Við einbeittum okkur í fyrsta
fasa að vinnu að búnaði frá Apple.
Það er góð byrjun. Þeir hafa vandað
sig mikið. Við ætlum ekki að stoppa
þar en þetta er frábær byrjun,“ sagði
hann.
Guðjón stóð á miðju gólfinu og
sviflaði iPad mini og sagði að hann
væri eins og afruglari. En hann virk-
aði einnig sem fjarstýring. Fyrir aft-
an hann var stórt bíótjald sem hann
stýrði með græjunni og stillti á
íþróttakappleik sem sýndur var á
Ríkissjónvarpinu. „Þessi útsending
fer í gegnum internetið,“ sagði hann,
það eina sem þurfi sé þokkalegt
þráðlaust net. Það er sem sé hægt að
nýta tæknina til að horfa á hefð-
bundnar sjónvarpsútsendingar.
Þeir sem sátu í Hörpunni sáu
ekki byrjunina á leik íslensku stelpn-
anna á EM í handbolta, sem hófst
skömmu áður en Guðjón steig á svið.
Hann spólaði því einfaldlega á byrjun
leiksins og hófst svo sýningin. „Þetta
var ekki flókið. Ég segi ekki að plús-
stöðvar séu dánar, heldur búnar að
endurfæðast.“ En tækið geti spólað
til baka allt að klukkutíma aftur í
tímann. Margir kunni vel að meta
það að geta spólað til baka, hafi þeir
misst af byrjuninni á beinni útsend-
ingu.
Einnig er hægt að velja það
sjónvarpsefni sem stöðvarnar sýna
og láta tækið taka það upp þegar það
er sýnt. Þá er hægt að horfa á efnið
þegar manni hentar.
Guðjón benti á að þessar sjón-
varpsskrár væru stórar og þungar í
vöfum í mörgum tækjum, en í OZ-
kerfinu hikstuðu þær ekki. Var eins
og að drekka vatn.
Einnig er hægt að nýta kerfið til
að dreifa sjónvarpsefni um allan
heim og voru tvær íslenskar sjón-
varpsstöðvar, sem vilja ná til allra í
heiminum, kynntar til leiks. Önnur
sérhæfir sig í að kynna íslenska tón-
list en hin Ísland sem ferða-
mannastað.
OZ kynnir nýja tækni til að
dreifa háskerpusjónvarpsefni
Morgunblaðið/Golli
Frumkvöðull Guðjón Már Guðjónsson, stofnandi OZ, kynnti nýja vöru
sem hann hefur unnið að í tæp þrjú ár. Hann sveiflaði iPad mini sem hann
notaði til að stýra bíótjaldi og um græjuna fóru allar sjónvarpsútsendingar.
 OZ mun bráðlega fara á markað á Norðurlöndum  Guðjón stýrði kvikmyndatjaldi með iPad mini
OZ enn og aftur
endurfætt
»OZ dreifir sjónvarpsefni
um netið. Sækir brátt á Norð-
urlöndin.
»Hægt að spóla beinar
útsendingar til baka.
»Keyptu nafnið og lénið af
Nokia. Hét áður Medizza.
»Jón Stephenson von
Tetzchner, stofnandi Opera,
keypti hlut í OZ í sumar.
Samskip hafa breytt nafninu á
gámaflutningafyrirtækinu Samskip
Multimodal Container Logistics BV
í Samskip Multimodal BV. Engar
breytingar verða á starfsemi fé-
lagsins eða merki Samskipa.
„Með nafnbreytingunni er jafn-
framt verið að undirstrika sterka
stöðu Samskipa á alþjóðmarkaði
sem fjölþátta flutningsfyrirtækis.
Starfsemi Samskip Multimodal í
Evrópu hefur vaxið jafnt og þétt á
undanförnum árum, bæði með
kaupum á öðrum félögum og innri
vexti.
Flutningsnet Samskip Multimo-
dal nær um alla Evrópu, Eystra-
saltslöndin, Rússland og Mið-Asíu,“
segir í fréttatilkynningu.
Samskip
Multimodal BV
MORGUNBLAÐIÐ FIMMTUDAGUR 6. DESEMBER 2012
2 VIÐSKIPTI
Verð á járni er nú rúmlega níu
sinnum hærra en það var árið 2000
og verð á kopar rúmlega fjórum
sinnum hærra, en álverð hefur lítið
breyst á sama tíma. Þetta kemur
fram í Hagsjá hagfræðideildar
Landsbankans.
Þar kemur fram að miklar tafir
hafi verið á endanlegum ákvörð-
unum um framkvæmdir hér á landi.
Helstu ástæður seinkana hafi m.a.
verið tafir í orkuöflun og tímabund-
ið erfitt ástand í alþjóðlegum efna-
hagsmálum. Markaðsvirði álfyrir-
tækja hafi hríðlækkað.
Álverð lítið
breyst í 12 ár
Morgunblaðið/Golli
Álverð Járn hefur margfaldast í verði
en álverð hefur lítið breyst á 12 árum.
Gistinætur á hótelum fyrstu tíu
mánuði ársins voru 1.563.200 en til
samanburðar 1.339.100 á sama
tímabili árið 2011. Gistinóttum er-
lendra gesta hefur fjölgað um 18%
á meðan gistinóttum Íslendinga
hefur fjölgað um 10%.
Gistinætur á hótelum í október
voru 140.500 samanborið við
117.200 í október 2011. Gistinætur
erlendra gesta voru um 79% af
heildarfjölda gistinótta í október en
gistinóttum þeirra fjölgaði um 23%
samanborið við október 2011. Á
sama tíma voru gistinætur Íslend-
inga 10% fleiri en árið áður, segir í
frétt á vef Hagstofu Íslands.
Gistinóttum á hótelum fjölgaði í
öllum landshlutum.
18% fjölgun
útlendinga
Morgunblaðið/RAX
Hótel Rangá Gistinóttum á hótelum
fjölgaði í öllum landshlutum.
Samdrátturinn í bresku efnahagslífi 2012 verður
meiri en 0,1%, sem áður hafði verið spáð, og hag-
vöxturinn verður minni í framtíðinni en áður hafði
verið spáð. Þetta kom fram í ræðu George Os-
borne fjármálaráðherra í breska þinginu í gær,
samkvæmt BBC.
Breska ríkisstjórnin breytti í gær efnahagsspá
sinni en á næsta ári er spáð 1,2% hagvexti, 2% ár-
ið 2014 og 2,3% árið 2015. Á þriðja ársfjórðungi
mældist loks hagvöxtur á ný eftir samdrátt í níu
mánuði. Geroge Osborne
Samdráttur í Bretlandi
Bandaríski bankinn Citigroup til-
kynnti í gær að ellefu þúsund
starfsmenn bankans myndu missa
vinnuna. Flestir þeirra starfa á við-
skiptabankasviði.
Fram hefur komið að útlit er fyr-
ir miklar afskriftir hjá Citigroup á
yfirstandandi ársfjórðungi sem og
þeim næsta.
Alls munu 6.200 starfsmenn á
viðskiptabankasviði Citigroup
missa vinnuna en dregið verður úr
bankastarfsemi í löndum eins og
Pakistan, Tyrklandi, Paragvæ,
Úrugvæ og Rúmeníu. Eins verður
fólki sagt upp í Bandaríkjunum,
Brasilíu, Hong Kong, Suður-Kóreu
og Ungverjalandi.
Citi segir upp 11
þúsund manns
Fjárfestingatækifæri.
Rótgróið og vel rekið innflutningsfyrirtæki á sviði véla og tækja
fyrir sveitafélög, verktaka, golfvelli og almenning er til sölu.
Fyrirtækið er söluaðili fyrir mörg af þekktustu vörumerkjum
á sínu sviði. Auk þess rekur fyrirtækið eigið þjónustuverkstæði.
Nánari upplýsingar um verkefnið veitir:
Hörður Hauksson
GSM: 896-5486 / hordur@grm.is