Morgunblaðið - 06.12.2012, Blaðsíða 11

MORGUNBLAÐIÐ FIMMTUDAGUR 6. DESEMBER 2012
11Gæludýrahagkerfið í desember
EKKI MIKIÐ AÐ GRÆÐA Á HUNDA-
RÆKTUN ÞEGAR ALLT ER TALIÐ MEÐ
Eftirsóttar teg-
undir kosta sitt
Ættbókarfærðir hvolpar undan verðlauna-
foreldrum seljast fyrir háar upphæðir og
ekki að furða að sumir kunni að hugsa sér
gott til glóðarinnar og vilja stunda hunda-
ræktun í hagnaðarskyni. Eitt got getur
verið hundraða þúsunda virði og söluverð
allra hvolpanna jafnvel farið yfir milljón.
Fríður segir það samt mikinn misskiln-
ing að hundaræktun sé gjöful tekjulind.
„Hundaræktun kallar á mikla vinnu og út-
gjöld og er alls ekki eitthvað sem fólk ætti
að líta á sem gróðatækifæri. Ef allt er tek-
ið með í reikninginn eru hundaræktendur
sennilega á mjög lélegu tímakaupi.“
Fríður segir ánægjulega þróun að al-
menningur virðist vera betur meðvitaður
um mikilvægi þess að velja hunda frá
vönduðum ræktendum. „Netið gerir það
að verkum að aldrei hefur verið auðveld-
ara að leita upplýsinga um ræktendur og
hvort ekki er allt með felldu hjá þeim.“
PARIS HILTON-TÍSKAN LIÐIN TÍÐ
Stunda útivist
með hundinum
Á hátindi góðærisins bar töluvert á því að
fólk keypti fatnað á smáhundana sína. Að-
alpæjur bæjarins hermdu eftir Paris Hil-
ton og klæddu litla Chihuahua-snúða upp í
krúttlegar peysur og boli. Fríður segir
þetta æði virðast alveg að baki og ekki
mikil sala á tískufatnaði fyrir hunda. „En á
móti kemur allgóð sala í ýmiss konar hlífð-
arfatnaði fyrir hunda. Greinilegt er að
margir eru duglegir að stunda útivist með
hundinum sínum og gott að eiga hlífð-
arflík sem heldur óhreinindum, kulda og
vætu frá feldi hundsins. Þá eru ýmsar teg-
undir ekki endilega gerðar til að þola vel
íslenskt veðurfar, kulda og slabb, og þykir
betra að fara út úr húsi í góðri kápu.“
Ásgeir Ingvarsson
ai@mbl.is
í Mosfellsbænum má finna verslunina Hunda-
heim, litla vininn fyrir fjórfætlingana í bæj-
arfélaginu.
„Ég hóf reksturinn árið 2007 og þá bara
sem netverslun. Ástæðan fyrir því að ég fór af
stað með þetta verkefni var að ég hafði fengist
við hundaræktun frá árinu 2003, gert mikið af
því að panta inn vörur fyrir sjálfa mig og vini
mína sem deila þessu áhugamáli og hlóð það
fljótt utan á sig,“ segir Fríður Esther Péturs-
dóttir, eigandi verslunarinnar.
„Stofan á heimilinu varð fljótt að lager, og
þegar hún fylltist endanlega var orðið tíma-
bært að opna verslunarhúsnæði. Ég hætti í
vinnunni og fjölskyldan fluttist frá Selfossi
hingað í Mosfellsbæinn þar sem við rekum nú
verslunina. Fyrst þurftum við ekki nema 50
eða 60 fermetra en stækkuðum svo við okkur
og er verslunin nú 120 fm að stærð. Reksturinn
hefur fengið að vaxa hægt og rólega og tekist
að gera þetta allt að veruleika án þess að taka
lán.“
Rólegur desember
Verslun með gæludýravörur er óvenjuleg að
því leyti að salan tekur ekki tilfinnanlegan kipp
í desember. „Vitaskuld er eitthvað um það að
fólk komi hingað til okkar og kaupi nýtt bæli,
góðgæti eða leikföng í jólagjöf handa fjórfættu
heimilismeðlimunum, en það er ekki um að
ræða algjöra sprengingu í sölu eins og hjá svo
mörgum öðrum verslunum. Salan er mjög jöfn
yfir árið og frekar að hægt sé að tala um sum-
arið sem sterkasta sölutímann. Sterk sum-
arsalan skýrist væntanlega af því að við erum
staðsett á leiðinni út úr bænum og margir
koma hér við á leið í ferðalag með hundinn,“ út-
skýrir Fríður.
„Það má samt greina örlitinn kipp þegar
áramótin taka að nálgast og þá margir sem
kaupa t.d. stóra leggi fyrir hundinn til að naga.
Þannig má bæði kaupa sér frið á meðan veislu-
matur er snæddur með vinum og ættingjum og
líka dreifa athygli hundsins frá mestu látunum
í flugeldunum.“
Fríður segir gott að reka verslun með
gæludýravörur í Mosfellsbæ. Íbúar bæj-
arfélagsins séu miklir dýravinir og fjöldinn all-
ur af hundum og köttum sem hugsa þarf vel
um. Þá er ekki svo langt að fara fyrir við-
skiptavini úr höfuðborginni. Til að skapa versl-
uninni aukna sérstöðu hefur Fríður lagt
áherslu á vörur fyrir hundaræktendur. „Við er-
um t.d. með mjög gott úrval af pelum, skálum
og undirlagi sem kemur í góðar þarfir þegar
hvolpar koma í heiminn.“
Góð samverkandi áhrif
Til að efla reksturinn enn frekar opnaði Fríður
hundasnyrtistofu í sama húsi í félagi við vin-
konu sína. „Margar tegundir hunda þurfa
reglulega feldhirðu og snyrtingu og mikið hag-
ræði af því fyrir eigandann að geta leitað til
fagmanna eftir þessari þjónustu. Það er nóg að
gera á snyrtistofunni og góð samverkandi áhrif
af að hafa þessi tvö fyrirtæki á sama stað.“
Það er ekki annað að heyra á Fríði en að
reksturinn gangi vel. Gæludýrahald virðist
hafa aukist og greinilegt að landsmenn hugsa
vel um dýrin sín. „Við fundum það strax eftir
hrun, og var greinilegt hjá ræktendum, að
gæludýraeign jókst mikið þegar kreppan knúði
dyra. Í stað þess að fara kannski í dýra heims-
reisu lét fólk þann draum rætast að fá sér hund
eða kött. Því er ekki að neita að það varð
ákveðin tilfærsla t.d. úr dýrari fóðurtegundum
yfir í ódýrari en á móti kom að við fórum að
selja fleiri einingar.“
Kaupa sér frið með stóru beini
 Ekki mikið um jólagjafakaup fyrir dýrin Margir kaupa góðgæti fyrir hundinn eða köttinn að kjamsa á meðan veislumatur er snæddur
 Sala á hlífðarfatnaði fyrir hunda er góð en tískuföt fyrir smáhunda seljast lítið  Byggði reksturinn rólega upp án þess að taka lán
Morgunblaðið/Árni Sæberg
Fjórfætlingar Fríður Ester segir sumartímann mun annasamari en desember í sölu á gælu-
dýravörum.
Lyftarar og staflarar í yfir 600 útgáfum
EINSTAKT - hillulyftari sem getur líka unnið úti
▪ Rafdrifnir brettatjakkar með eða án palls. Allt að 5.350 mm lyftihæð
og 3.000 kg lyftigeta
▪ Tínslu- og þrönggangalyftarar með allt að 14.250 mm lyftihæð
▪ Rafmagns- og dísellyftarar með allt að 9.000 kg lyftigetu
▪ Hillulyftarar með allt að 12.020 mm lyftihæð