Morgunblaðið - Sunnudagur - 17.03.2013, Qupperneq 2

2 MORGUNBLAÐIÐ SUNNUDAGUR 17.3. 2013
Fyrir áratug tók undirrituð að sér
forfallakennslu og lagði fyrir ní-
unda bekk það verkefni að nota
penna og blað til að draga upp
mynd, í formi ritgerðar, af eigin lífi
eftir tíu ár. Þessi unglingahópur,
sem nú er á þrítugsaldri, kemur
upp í hugann þegar umræða um
konur, hlut þeirra á þingi, í fjöl-
miðlum og víðar fer af stað.
Ástæðan er sú að við yfirlestur
verkefna vöktu ritgerðir stelpn-
anna athygli. Ekki vegna stafsetn-
ingar eða málfræði heldur vegna
myndanna sem þær drógu upp.
Strákarnir voru ekki í vanda
með að sjá sjálfa sig fyrir sér sem
atvinnumenn í fótbolta, tæknifræð-
inga, blaðamenn og hvaðeina.
Ritgerðir stelpnanna fengu for-
fallakennarann hins vegar til að
klóra sér í hausnum. Ein lýsti
reyndar framtíð þar sem hún var í
aðalhlutverki. Það var líka við hæfi,
hún ætlaði að verða leikkona. Í öðr-
um ritgerðum notuðu ritfærar,
hæfileikaríkar og námfúsar stelpur
pennann til að draga upp myndir af
eigin framtíð sem hver um sig hefði
sómt sér sem sena úr klisju-
kenndum sjónvarpsþætti byggðum
á útjöskuðum kynjaímyndum.
Ein ætlaði að giftast tannlækni
sem ræki eigin stofu þar sem hún
skyldi starfa. Önnur skrifaði um
myndarlegan löglærðan eiginmann
sem dró björg í bú og sú þriðja sá
fyrir sér að verja ævinni með lækni
– en láðist að geta eigin drauma.
Nú gætu einhverjir fussað og
velt svo upp öllum röngu spurning-
unum eins og hvaða skóli þetta var
og hvað foreldrarnir voru að pæla.
En skrifin endurspegluðu bara það
samfélag sem við þeim blasti, þær
skrifuðu út frá eigin hugarheimi
sem var jafnraunverulegur og
strákanna. Það sem olli áhyggjum
var að stelpurnar gátu ekki sett sig
í aðalhlutverk, ekki einu sinni í eig-
in lífi. Við berum öll ábyrgð á því að
berjast gegn úreltum kynjaímynd-
um og tryggja að stelpur jafnt sem
strákar geti séð sjálfar sig sem að-
al, ekki bara auka.
RABBIÐ
Í aðalhlutverki í eigin lífi
Eyrún Magnúsdóttir
Líf og fjör var í þingsal í upphafi vikunnar þegar vantrauststillaga Þórs Saari, þingmanns Hreyfingarinnar, á ríkisstjórn Jóhönnu Sigurðardóttur var tekin
fyrir. Hún var felld með 32 atkvæðum þingmanna stjórnarflokkanna og Bjartrar framtíðar. Ýmsir lögðu orð í belg við umræðurnar og hitnaði sumum
hverjum meira að segja í hamsi, svo sem Ragnheiði Ríkharðsdóttur, Sjálfstæðisflokki, og Össuri Skarphéðinssyni, utanríkisráðherra, Samfylkingu. Hvernig
er það annars, eru þau hjá sama stílistanum? Er það ef til vill Kalli Berndsen? Úti í sal lá vel á flutningsmanni tillögunnar og aðrir þingmenn notuðu tæki-
færið til að viðra tækjakost sinn. Birgitta Jónsdóttir, Árni Þór Sigurðsson og Siv Friðleifsdóttir eru engir eftirbátar unga fólksins í þessu landi þegar kemur
að snjallsímum, spjaldtölvum og myndavélum. Siv hefur eðli málsins samkvæmt viljað festa augnablikið á filmu enda hverfur hún senn af þingi.
AUGNABLIKIÐ
ÁTTU FLEIRI ÁSA, ÞÓR?
EFTIR JAPL, JAML OG FUÐUR KOMST VANTRAUSTSTILLAGA ÞÓRS SAARI, ÞINGMANNS HREYFINGARINNAR, Á
RÍKISSTJÓRNINA LOKSINS Á DAGSKRÁ ALÞINGIS OG FÉKK VIÐEIGANDI UMFJÖLLUN. HÚN VAR FELLD NAUMLEGA.
Morgunblaðið/Ómar
Hádegismóum 2,
110 Reykjavík.
Sími 5691100
Útgáfufélag
Árvakur hf.,
Reykjavík.
Útgefandi Óskar Magnússon
Ritstjórar Davíð Oddsson, Haraldur Johannessen
Aðstoðarritstjóri Karl Blöndal
Umsjón
Eyrún Magnúsdóttir,
eyrun@mbl.is
Prentun
Landsprent ehf.
Hvað? Lengjubikar karla – A-deild R3,
KR – Þór.
Hvar? Egilshöll.
Hvenær? Laugardag kl. 15.
Lengjubikarinn
Hvað? Málþing – höf-
undaréttur, takmörk-
un og möguleikar.
Hvar? Í Listasafni Ís-
lands.
Hvenær? Laugardag-
inn 16. mars kl. 11-13.
Málþing um höfundarétt
Í fókus
VIÐBURÐIR HELGARINNAR
Hvað? Útgáfutónleikar Johns Grants
vegna plötunnar Pale Green Ghosts.
Hvar? Silfurbergi Hörpu.
Hvenær? Á laugardaginn kl. 20.
Meira Myrk og leiftrandi elektróník
mætir flauelsmjúkum ballöðum.
Útgáfutónleikar Grants
Hvað? Fyrirheitna
landið – Jerúsalem
eftir Jez Butterworth.
Hvar? Þjóðleikhúsið,
stóra svið.
Hvenær? Laugardag
kl. 19.30.
Nánar: Kraftmikið nýtt verðlaunaverk
um átök siðmenningarinnar og hins
frumstæða á okkar dögum. Aðal-
hlutverk: Hilmir Snær Guðnason.
Fyrirheitna landið
Hvað? Mannakorn sigla í gegnum tíð-
ina.
Hvar? Í Salnum, Kópavogi.
Hvenær? Laugardag kl. 20.
Mannakornatónleikar
Hvað? Sýningar íslenskra fatahönnuða
á Reykjavik Fashion Festival 2013.
Hvenær? Laugardag kl. 11 til 18.
Hvar? Í Norðurljósasal Hörpu.
Íslensk fatahönnun
* Forsíðumyndina tók Ómar Óskarsson