Morgunblaðið - 08.08.2013, Blaðsíða 36

36 MENNING
MORGUNBLAÐIÐ FIMMTUDAGUR 8. ÁGÚST 2013
Kvikmyndaleikstjórarnir og bræð-
urnir Joel og Ethan Coen koma að
framleiðslu sjónvarpsþátta sem
byggðir verða á kvikmynd þeirra
Fargo frá árinu 1996. Aðalleikari
þáttanna verður Billy Bob Thorn-
ton. Þættirnir verða tíu talsins og
sýndir á bandarísku sjónvarpsstöð-
inni FX. Nýjum persónum verður
bætt við þær sem koma fyrir í kvik-
myndinni, að því er fram kemur í
frétt á vef dagblaðsins Independ-
ent, og söguþráðurinn verður ekki
sá sami og í myndinni. Thornton
mun fara með hlutverk Lorne
Malvo, rótlauss og stjórnsams
náunga sem kynnist tryggingasölu-
manni í smábæ einum og leggur líf
hans í rúst. Þættirnir verða býsna
ólíkir kvikmyndinni en stemningin
þó svipuð, að því er fram kemur í
fréttinni. Fyrirhugað er að gera
fleiri en eina þáttaröð. Leikkonan
Frances McDormand fór með aðal-
hlutverkið í Fargo, hlaut Ósk-
arsverðlaun fyrir leik sinn og Coen-
bræður hlutu verðlaun fyrir hand-
rit myndarinnar.
Óþokki Thornton er fær í að leika
óþokka, m.a. vonda jólasveina.
Coen-bræður
framleiða þætti
byggða á Fargo
Myndlistarmað-
urinn Andy War-
hol hefði orðið 85
ára 6. ágúst sl. og
af því tilefni
ákvað Warhol-
safnið í Pitts-
burgh að sýna
gröf hans í beinni
útsendingu á net-
inu. Þessa merki-
legu útsendingu
má finna á vefslóðinni www.eart-
hcam.com/usa/pennsylvania/
pittsburgh/warhol/.
Gröf Warhols í
beinni á netinu
Andy Warhol lést
árið 1987
Helgi Snær Sigurðsson
helgisnaer@mbl.is
Einar Lövdahl er ekki aðeins skel-
eggur blaðamaður heldur einnig
lunkinn laga- og textasmiður. Í dag
fagnar hann stórviðburði, útgáfu
fyrstu breiðskífu sinnar sem ber
hugvekjandi titil, Tímar án ráða.
Einar heldur teiti af því tilefni í
Stúdentakjallaranum í kvöld og
hefst hún kl. 20. En hvers konar
tónlist semur Einar Lövdahl?
„Ég á erfitt með að skilgreina
eigin tónlist. Einhvern tímann var
mér sagt að maður ætti að forðast
það eins og andstæðing sinn í elt-
ingaleik. Ég vísa hins vegar í orð
annarra þegar ég lýsi tónlistinni
sem einhvers konar léttu indípoppi
með skýrum íslenskum textum.
Tónlistin er ekkert væl en það er
heldur enginn að fara að þjást af
hálsríg eftir tónleika hjá mér sök-
um höfuðvaggs/headbangs. Lögin á
plötunni eru misný af nálinni. Eitt
þeirra samdi ég um það leyti þegar
ég gekk aðallega í bítlabolum, fljót-
lega eftir að ég lærði að gera þver-
grip á gítar í kringum 15 ára aldur.
Annað samdi ég þegar ég var and-
vaka og enn annað samdi ég
snemma að kvöldi til, síðastliðið
gamlárskvöld. Það er kannski göm-
ul saga og ný að bestu lögin verða
til þegar minnst er fyrir því haft,“
segir Einar.
Líf ungs manns
– Hvað ertu að syngja um?
„Hingað til hafa textarnir sprott-
ið upp úr einhverjum hversdags-
legum pælingum í mínu eigin lífi,
lífi ungs manns. Yrkisefnin eru svo
sem margvísleg en ég hugsa að það
sé eitthvert karaktereinkenni eða
sami rauði þráðurinn í þeim öllum.
Ég tek til dæmis fyrir eina leið-
inlegustu tilfinningu sem ég þekki,
sem er að tapa, einn textanna er
bara sjálfskoðun í sinni einföldustu
mynd. Ég geri tilraun til að fjalla
um ástvinamissi, þó ekki sé um að
ræða minn eigin missi og svo er
ástin og ástarsorg líka umfjöllunar-
efni nokkurra textanna, eins og
gengur og gerist. Það var samt eig-
inlega bara óvart, það eru líklega
frumbítlaáhrifin að verkum, eða dá-
læti mitt á R&B-tónlist,“ segir Ein-
ar.
– Í hvað vísar titill plötunnar,
Tímar án ráða?
„Titill plötunnar kemur svo sem
bara frá samnefndu lagi sem er ein-
faldlega titill á frásögn ungs manns
sem er úrræðalaus.“
Snillingar færðu lögum líf
– Hverjir komu að gerð plöt-
unnar með þér?
„Þar sem ég er svotil óskóla-
genginn þegar kemur að tónlist, að
undanskildu eins árs forskólanámi í
Do Re Mi og eins árs píanónámi í
kringum 10 ára aldur, þá hef ég
þurft að reiða mig á aðrar leiðir til
að taka framförum í tónlist. Ég
uppgötvaði snemma að besta leiðin
til þess væri að vera með einvalalið
í kringum sig. Platan er að mestu
leyti tekin upp í heimahúsum og í
Stúdíó Mosfellsbæ hjá Halldóri
Eldjárn, vini mínum sem er í
hljómsveitinni Sykur. Það eru ein-
mitt snillingarnir Halldór og Egill
Jónsson, æskuvinur minn, sem hafa
fært þessum lögum líf. Þeir sáu um
upptökustjórn, útsetningar og
spiluðu á langflest hljóðfærin á
plötunni. Án þeirra væri þessi plata
bara nokkrir hljóðfælar inni á
iPhone-inum mínum. Halldór sá
einnig um hljóðblöndun. Aðrir
hljóðfæraleikarar voru Auðunn
Lúthersson og Kjartan Jón Bjarna-
son, æskuvinir mínir, Hilmar
Gunnarsson, vinur minn og sam-
starfsfélagi, og Katrín Arndís-
ardóttir, vinkona mín, sem söng
bakraddir. Öll eiga þau það sameig-
inlegt að tilheyra Hjörðinni, sí-
breytilegri tónklíku sem kemur
fram með mér á tónleikum.“
Einar er með Facebook-síðu og
má á henni hlusta á lög af plötunni.
Vefslóðin á síðuna er
facebook.com/lovdahlmusic.
Morgunblaðið/Eggert
Tónlistarmaðurinn Einar hugsi með gítar í hönd; leiða má að því líkur að nýtt lag sé hugsanlega í fæðingu.
Með einvalalið í kringum sig
 Tímar án ráða nefnist fyrsta breiðskífa Einars Lövdahl  „Bestu lögin verða
til þegar minnst er fyrir því haft,“ segir Einar um lagasmíðar sínar
Hugmyndaríkt Umslag plötunnar
hannaði Heiðdís Inga Hilmarsdóttir.
Suðurlandsbraut 50 (Bláu húsin við Faxafen) ◊ 108 Reykjavík ◊ Sími 588 4499 ◊ mostc.is ◊ Möst.C
Opið alla virka daga 12-18 og laugardaga frá 11-16
Tískuvöruverslun fyrir konur á öllum aldri
FULL BÚÐ AF
NÝJUM VÖRUM
HLÖKKUM TIL AÐ SJÁ ÞIG!
98%
SÉRSTÖK SÝNING Í
SAMSTARFI VIÐ BIOVEFURINN.IS