Monitor - 05.09.2013, Blaðsíða 14
reyndar mikið verið spurður hvort við ætlum ekki
að taka annað gamalt lag og gera það upp eins og
við gerðum með Vor í Vaglaskógi.
Stendur það til?
Það eru auðvitað einhver lög sem maður hefur
mikið dálæti á úr íslenskri tónlistarsögu en það er
alls ekkert sjálfsagt að maður tengi við þau eins
og ég gerði við Vor í Vaglaskógi. Textinn þar er
líka rosalega fallegur, það er gaman að heyra góð
íslensk lög með fallegum texta.
Pælir þú mikið í textum?
Ég lít auðvitað fyrst og fremst á mig sem tónlist-
armann þegar ég er að semja, þannig að tónlistin
kemur venjulega fyrst og textinn á eftir. Textinn
kemur líka stundum bara til þín og stundum ekki,
það er svolítið „random“, eins og líklega gerist hjá
rithöfundum. Svo er þetta að vissu leyti öðruvísi
þegar maður er að semja á ensku, sem er náttúru-
lega ekki móðurmálið. Íslendingar eru samt mjög
framarlega í ensku miðað við önnur lönd, maður er
búinn að alast upp við að horfa á þætti á ensku og
svona þannig að þetta liggur ágætlega fyrir manni.
Eruð þið að stefna á einhverja útrás með efnið
ykkar?
Við höfum mikinn áhuga á því, við erum búnir að
fá fína spilun í Bretlandi á Rock‘ n Roller og fórum í
viðtal þar. Það væri ótrúlega gaman að geta farið út
til Bretlands eða eitthvert annað í Evrópu kannski
eftir jól þegar platan er komin út og við erum búnir
að fylgja henni svolítið eftir. Þetta verður bara að
fá að koma í ljós, en við teljum að mikið af okkar
tónlist höfði að vissu leyti til útlendinga jafnt sem
fólks hérna heima, enda mikið sungið á ensku.
Lítið þið á tónlistina sem framtíðarstarf?
Ég held að við höfum allir það mikinn áhuga
og ástríðu fyrir því sem við erum að gera að
enginn okkar myndi fúlsa við því að starfa sem
tónlistarmaður. Maður veit samt aldrei hvað gerist
og við þökkum bara fyrir það meðan vel gengur.
Persónulega hef ég allavega klárlega áhuga á að
vera í þessu áfram.
Hvar sérð þú þig eftir 10 ár?
Ég get í raun og veru bara vonað að ég verði
kominn ennþá lengra en í dag, verði búinn að
gera eitthvað af tónlist sem ég verð ánægður með
og get verið stoltur af. Ég hugsa þetta ekkert í of
mörgum skrefum fram í tímann. Eins og er hef
ég allavega nóg að gera og það er margt sem mig
langar að gera í tónlistinni og næ vonandi að fylgja
eftir.
14 MONITOR FIMMTUDAGUR 5. SEPTEMBER 2013
Svo stóð „aðal
Rússinn” reglulega
upp til þess að halda
ræður og þá áttum við að
hætta eins og skot
SMÁA LETRIÐ
UPPÁHALDS
Uppáhaldsmatur: Nautalund.
Uppáhaldshljómsveitarmeðlimur:
Ég get ekki gert upp á milli barnanna
minna.
Uppáhaldslag þessa stundina:
T-rex eru í uppáhaldi þessa dagana.
Annaðhvort Get it on eða 20th
century boy.
Uppáhaldskvikmynd: Margar góðar. Shawshank
Redemption er ofarlega, eða þá einhver með Jack
Nicholson.
ANNAÐHVORT EÐA?
KFC eða Hvíti riddarinn? Hvíti
riddarinn.
Bítlarnir eða Rolling Stones? THE
BEATLES!
Davíð eða Daníel? Rúbin.
Heimur án tónlistar eða heimur án
nautalundar? Hvað væri heimur án
tónlistar?
TÓNLIST
Lagið sem ég syng í sturtunni: My
Way með Frank Sinatra eða Time to
say goodbye með Andrea Bocelli.
Lagið sem kemur mér í gott skap:
James Brown - I feel good.
Nostalgíulagið? Eitthvað úr Disney-
myndunum.
Lagið fyrir svefninn? Chopin
- Nocturne in E Flat Major.
Guilty pleasure-lagið? Glaðasti hundur í heimi.
MEÐ JÖKLI Í HLJÓMSVEITINNI KALEO
ERU RUBIN, DANÍEL OG DAVÍÐ.