Morgunblaðið - 24.02.2014, Blaðsíða 24

24 DÆGRADVÖL
MORGUNBLAÐIÐ MÁNUDAGUR 24. FEBRÚAR 2014
Stjörnuspá
21. mars - 19. apríl 
Hrútur Einhver vandamál skjóta upp koll-
inum í vinnunni og geta leitt til einhverrar
valdabaráttu. Farðu samt varlega því einhver
reynir viljandi að villa þér sýn.
20. apríl - 20. maí 
Naut Þótt allt virðist ganga þér í haginn
skaltu hafa það bak við eyrað hversu fljótt
veður skipast í lofti. Þú tekur engu sem
sjálfsögðum hlut og þannig dafnar ástin.
21. maí - 20. júní 
Tvíburar Nú er upplagt að ferðast eða gera
ferðaáætlanir. Þú verð gildismat þitt með
kjafti og klóm en ferð varlega í að deila þín-
um innstu hugrenningum með öðrum.
21. júní - 22. júlí 
Krabbi Láttu ekki hugfallast þótt þér sýnist
mörg ljón á veginum. Hugsaðu því vandlega
það sem þú vilt segja; aðeins þannig kemstu
hjá því að missa eitthvað ógætilegt út úr
þér.
23. júlí - 22. ágúst 
Ljón Ástin og tilfinningalífið verður með
betra móti í dag og næstu vikur. Nú er kom-
ið að þér að leggja í púkk mannlegrar þekk-
ingar. Góð blanda af há- og lágmenningu
gerir lífið skemmtilegt.
23. ágúst - 22. sept. 
Meyja Hættu að mikla fyrir þér eigin vanda.
Brynjaðu þig fyrir umhverfinu og skoðaðu
vandlega hvað er þér fyrir bestu í stöðunni.
Reyndu að komast að niðurstöðu.
23. sept. - 22. okt. 
Vog Þig þyrstir í betra skipulag, láttu það
eftir þér. Nýjar upplýsingar á næstum hvaða
sviði sem er vekja áhuga þinn. Fólk vill vera í
návist þinni núna og á næstunni.
23. okt. - 21. nóv.
Sporðdreki Nú er rétt að snúa sér að alvöru
lífsins og ljúka mikilvægum verkefnum. Ann-
ars áttu bara eftir að sjá eftir því. Gefðu
með opnum hug og hjarta því þá er tekið
eins á móti.
22. nóv. - 21. des.

Bogmaður Afköst þín vekja undrun og að-
dáun samstarfsmanna þinna. Mundu að það
kostar ekkert að hlusta á það sem aðrir hafa
að segja.
22. des. - 19. janúar 
Steingeit Mundu að það er ekki sjálfgefið
að aðrir vilji endilega heyra það sem þú hef-
ur til málanna að leggja. Leystu málin og þá
geturðu um frjálst höfuð strokið.
20. jan. - 18. febr. 
Vatnsberi Horfur í atvinnumálum eru frá-
bærar. Vertu róleg/ur því þú munt njóta ár-
angurs erfiðis þíns í fyllingu tímans.
19. feb. - 20. mars

Fiskar Í dag er einn af þessum dögum.
Njóttu þess og notaðu tækifærið um leið til
þess að búa þig sem best undir ný verkefni.
Guðmundur Arnfinnsson skrifarmér: „Limrur eru mér hug-
leiknar, en hafði á þeim hálfgerða
skömm í byrjun og gerði í fljótræði
þessa limru:
Ferskeytlu fagra ég prísa.
Sem falleg og heillandi skvísa
hreint afbragð hún er,
en aftur finnst mér,
að limran sé vansköpuð vísa.
En ég sé nú, að limran er ágæt til
síns brúks og viðhorf mitt er breytt
til batnaðar:
Ég limruna lofa og prísa.
Sem lokkandi fögur skvísa
á íslenskum búning
hún oft fær sér snúning,
en öldungar öndverðir rísa.“
Ekki fer hjá því, að rímorðin
kalla fram í hugann þessa klassísku
limru eftir Kristján Karlsson:
„Skammist þér yðar, ó, skvísa,“
mælti skakki turninn í Písa.
„Ég er einungis bákn
og alls ekkert tákn
um eitthvað sem vildi ekki rísa.“
Pétur Blöndal orti, – og ekki að
tilefnislausu:
Ég kann illa kuldahretinu,
kúldrast því lengur í fletinu.
Enga ég les bók
en ligg bara á fésbók
og njósna um aðra á Netinu.
Það hefur mikið verið í fréttum
undanfarið, að öndum fari fækk-
andi við Tjörnina og sum eintök séu
jafnvel alveg að hverfa. Þetta barst
í tal þegar ég hitti karlinn á Lauga-
veginum við Fríkirkjuna og kvaðst
hann vera í fuglaskoðun að telja
endurnar, – og hafði ýmislegt um
það að segja
Snimmendis morguns, – í mélið
á meðan oss gekk yfir élið
ég rauðhöfða sá
voru Ráðhúsi hjá.
Hann reisti bratt upp á sér stélið
Talið barst að vargfuglunum og
karlinn bætti við:
Múkki í sig slafraði slorinu.
Slægur finnst krumma í gorinu.
Svo leit hann yfirum til Ráðhúss-
ins, velti vöngum og sagði í spurn-
artón:
– Hvort það fækki um einn
eða alls ekki neinn
andarstegg núna með vorinu?
Halldór Blöndal
halldorblondal@simnet.is
Vísnahorn
Af skvísum, femínistum
og andarsteggjum
Í klípu eftir Mike Baldwin eftir Jim Unger
„ÉG ER NÚ EKKI VANUR
AÐ MÁLA PASSAMYNDIR.“
Hermann
Ferdinand
Hrólfur hræðilegi
Grettir
... að hafa einhvern til
að faðma hvenær sem
þú vilt.
ÚFF,
DÆMIGERT
FYRIR MÍNA
HEPPNI.
HELGA, ÞAÐ ER ÁTAKANLEGT
AÐ SJÁ ÞIG ERFIÐA SVONA Í
MORGUNSÁRIÐ.
SVO ÉG ÆTLA BARA AÐ
FÁ MÉR MORGUNMAT Á
KRÁNNI.
Ó, EN
INDÆLT.
KATTAHÁR
Í SÚPUNNI
MINNI!
ER TIL EITT-
HVAÐ VERRA?
HÁRNETIÐ
MITT?
Reykvíkingar kveðja í vor einhvernóvenjulegasta borgarstjóra sem
sögur fara af, þegar Jón Gnarr lætur
af embætti.
Kosningabarátta Besta flokksins
var óvenjuleg á sínum tíma, ekki síst
þau loforð sem flokkurinn gaf kjós-
endum; ísbjörn í Húsdýragarðinn,
allskonar fyrir aumingja og þar fram
eftir götunum.
Í kynningu sem Jón Gnarr, þá
borgarstjóraefni, setti á netið í upp-
hafi kosningabaráttunnar tók hann
meðal annars fram að hann væri með
aukin ökuréttindi og mætti því keyra
vörubíl. Víkverji minnist þess ekki að
hafa heyrt um aðra borgarstjóra
Reykjavíkur sem geta státað af því.
Það er reyndar mögulegt að þeir hafi
bara ekki séð ástæðu til að nefna það.
x x x
Já, Víkverja finnst margt óvenju-legt við Jón Gnarr, sem borgar-
stjóra. Hvort hann er góður eða
slæmur borgarstjóri er sjálfsagt
matsatriði en hann virðist alla vega
ekki vera umdeildari en aðrir sem
gegnt hafa því starfi.
Það sem Víkverja finnst hins vegar
merkilegast við Jón Gnarr er per-
sóna hans, og hversu mikið hann hef-
ur látið uppi um einkalíf sitt í emb-
ætti. Í fyrrakvöld skrifaði hann til að
mynda færslu á facebook þar sem
hann sagði frá því að hann hefði
tvisvar reynt að fyrirfara sér á ung-
lingsárum sínum vegna fordóma í
sinn garð.
Ekki man Víkverji í svipinn eftir
öðrum stjórnmálamanni sem hefur
boðið álíka upplýsingar um sjálfan
sig. Og það án þess að vera á hött-
unum eftir endurkjöri eða standa í
„rústabjörgun“ eftir útspil andstæð-
ings.
Fyrir það, og margt fleira, hefur
Jón Gnarr unnið sér inn virðingu
Víkverja. Ekki endilega sem borgar-
stjóri, heldur sem manneskja. Í aug-
um Víkverja er það mun mikilvæg-
ara, og hann grunar jafnvel að
fráfarandi borgarstjóri sé sama sinn-
is.
Ef Jón Gnarr skilur eftir sig ein-
hverja arfleifð er það líklega sá lær-
dómur að það er hægt að vera bæði –
stjórnmálamaður og manneskja.
víkverji@mbl.is
Víkverji
Því að það var Guð sem í Kristi sætti
heiminn við sig er hann tilreiknaði
mönnum ekki afbrot þeirra og fól mér
að boða orð sáttargjörðarinnar.
(Síðara Korintubréf 5:19)
Svarið við spurningu dagsins
Mánudaga - föstudaga 10.30 - 18.30
Laugardaga frá 11.00-16.00 (Kópavogur)
Fylgifiskar - Suðurlandsbraut 10, 108 Rvk - Nýbýlavegi 4, 200 Kóp - Sími 533 1300 - fylgifiskar.is
- svarið við spurningu dagsins
SESAM BLEIKJA
Eldunaraðferð:
Á pönnu: 1,5 mínúta á hvorri hlið.
Í ofni: 12 mínútur við 200°C í forhituðum ofni.
Góð með sætu chilli sósunni okkar