Morgunblaðið - 24.02.2014, Blaðsíða 20

20 MINNINGAR
MORGUNBLAÐIÐ MÁNUDAGUR 24. FEBRÚAR 2014
Smáauglýsingar
Þjónusta
Heimilistæki – Viðgerðaþjónusta
fyrir öll merki. Við sækjum, við gerum
við og við skilum.
Seljum einnig notuð tæki.
Uppl. í síma 587 5976 eða 845 5976.
Bílar
Dodge Durango Limited 5,7 L
Hemi. 5/2005. Ekinn 143 þús. km.
7 manna. Hlaðinn lúxusbúnaði.
Einnig dráttarkrókur. Þjónustubók.
Gott eintak. Tilboðsverð: 1.580.000.
www.sparibill.is
Fiskislóð 16 – sími 577 3344.
Opið kl. 12–18 virka daga.
Ökukennsla
Vönduð, vel búin kennslubifreið
Subaru XV 4WD - árg. 2012.
Akstursmat og endurtökupróf.
Gylfi Guðjónsson,
sími 6960042,
bilaskoli.is
Þriðjudaginn 25. febrúar
kl. 12 er sjálfstæðis-
mönnum boðið á fund
um ESB-mál í Valhöll að
Háaleitisbraut 1.
Frummælandi Bjarni
Benediktsson formaður
Sjálfstæðisflokksins.
Fundarstjóri Einar K. Guðfinnsson.
Bein útsending frá erindi formannsins á vefsíðu
Sjálfstæðisflokksins www.xd.is
Fundur
sjálfstæðismanna
um ESB-mál
Raðauglýsingar
✝ Birna Helga-dóttir var fædd
þann 20. apríl 1932
í Leirhöfn á Mel-
rakkasléttu og ólst
þar upp. Hún and-
aðist á Hjúkrunar-
heimilinu Drop-
laugarstöðum þann
12. febrúar 2014.
Foreldrar henn-
ar voru Andrea
Pálína Jónsdóttir,
f. 17.1. 1902, d. 18.7. 1990, og
Helgi Kristjánsson, f. 28.12.
1894, d. 17.9. 1982. Birna var
næstyngst 7 systkina. Þau voru í
aldursröð: 1) Jóhann, f. 1924, d.
2007, kvæntur Dýrleifu Andrés-
dóttur, f. 1922, 2) Birna, f. 1927,
d. 1928, 3) Jón, f. 1929, d. 2007,
kvæntur Valgerði Þorsteins-
dóttur, f. 1927, d. 2009, 4) Hild-
ur, f. 1930, gift Sigurði Þór-
arinssyni, f. 1931, 5) Helga f.
1930, d. 2010, gift Pétri Einars-
syni, f. 1930 og Anna f. 1943, d.
2012, gift Barða
Þórhallssyni, f.
1943, d. 1980.
Birna varð gagn-
fræðingur frá
Gagnfræðaskóla
Húsavíkur 1950.
Hún stundaði nám
við Húsmæðraskól-
ann Ósk á Ísafirði
1952-53.
Þegar Birna var
23 ára veiktist hún
af berklum og var á Vífils-
stöðum 1955-56. Birna vann í
Úra- og skartgripaverslun Jó-
hannesar Norðfjörð eftir að hún
útskrifaðist af Vífilsstöðum þar
til 1972 er hún hóf störf við
Borgarbókasafn Reykjavíkur
sem bókavörður. Birna starfaði
þar lengst af í Bústaðaútibúi og í
Bókabílunum og lauk starfsferli
sínum í Kringlusafni árið 2002.
Útför Birnu fer fram frá Ás-
kirkju í dag, 24. febrúar 2014,
kl. 13.00.
Það er margt sem maður bara
veit og man ekki til þess að hafa
verið sagt. Til dæmis finnst mér
ég alltaf hafa vitað að Birna
frænka mín átti sama afmælisdag
og Birna systir hennar sem dó ung
og því fékk hún þetta nafn, Birna
fékk berkla og var á Vífilsstöðum
og Birna heyrði bara með öðru
eyranu. Allt þetta fannst mér
mjög merkilegt og hjúpaði Birnu
ákveðinni dulúð.
Birna bjó ein og það fannst mér
dálítið flott, þar sem normið var
vísitölufjölskyldan og gott betur.
En það var þó eitt sem ég hafði
áhyggjur af sem barn og það var
hvernig hún færi að því að brjóta
saman sængurverin sín því það
var eftir minni bestu vitund
tveggja manna verk. En auðvitað
vafðist það ekki fyrir Birnu frekar
en annað. Hún var listamaður og
snillingur í að prjóna og hekla og
vílaði ekki fyrir sér að rekja upp
heilu flíkurnar ef henni fannst að
eitthvað þyrfti að laga eða stærðin
ekki passleg. Hún prjónaði sokka
og peysur á systkinabörn og börn-
in þeirra líka. Birna ferðaðist líka
til útlanda og upp um fjöll og firn-
indi með Ferðafélaginu.
Birna var ekki að velta sér upp
úr hlutum sem voru ómögulegir
og leiðinlegir. Hún leit til dæmis
ekki á það sem vandamál að heyra
bara með öðru eyranu. Það háði
henni ekki og hún sá það frekar
sem kost en galla því hún gat snú-
ið sér á heilbrigða eyrað þegar
hún gisti innan um aðra t.d. í tjaldi
eða fjallaskála og gat þá sofið þótt
einhver hryti eða væri með há-
vaða.
Birna lifði eftir þeirri miklu
speki að það vitlausasta sem nokk-
ur maður gerði væri að móðgast
eða fara í fýlu við einhvern, því það
væri eins víst að sá sem maður
móðgaðist við hefði ekki hugmynd
um það og þannig bitnaði þetta
bara á manni sjálfum. Þetta við-
horf hef ég reynt að tileinka mér.
Birna bjó lengst af í Langa-
gerði 48. Þar voru alltaf allir vel-
komnir og margir sem bjuggu hjá
henni til lengri eða skemmri tíma.
Lyklana að íbúðinni geymdi hún í
útigeymslu sem alltaf var opin
þannig að vinir og vandamenn
gátu alltaf komist inn, sem oft kom
sér vel. Henni fannst líka alveg
sjálfsagt að lána okkur systkina-
börnum bílinn sinn ef mikið lá við,
litla rauða „Austin Mini-inn“ og
nutum við góðs af því.
Fyrir nokkrum árum fékk
Birna áfall sem smám saman
leiddi til þess að hún gat ekki séð
um sig sjálf og síðustu árin bjó
hún á Droplaugarstöðum. Þótt
hún væri hætt að geta tjáð sig var
samt alltaf bjart yfir henni og hún
var glöð og ánægð að sjá okkur
þegar við komum í heimsókn, en
hafði samt lag á að koma því til
skila ef langt hafði liðið milli heim-
sókna, eins og þegar ég kom eftir
sumarleyfið síðastliðið sumar, þá
bara horfði hún á mig og hló.
Frænkur eru dýrmætur fjársjóð-
ur og Birna móðursystir mín var
hluti af mínum sjóði. Ég vil þakka
henni allt sem hún gerði fyrir mig
og kenndi mér um lífið og til-
veruna. Blessuð sé minning henn-
ar.
Helga Barðadóttir.
Æviskeið okkar mannanna lík-
ist ferli jarðargróðurs. Við eigum
okkar blómatíð og að lokum hníg-
um við til moldar, sum ung, sum
öldruð. Við Birna, frænka mín og
vinkona sem nú er kvödd, kynnt-
umst þegar við vorum báðar á
mörkum bernsku og æsku og allt
lífið framundan. Feður okkar
þekktust frá gamalli tíð og voru
miklir vinir, enda náfrændur með
lík áhugamál og lífsviðhorf. Helgi
bóndi í Leirhöfn á Melrakkasléttu,
bókaunnandi, bókbindari, leður-
hönnuður og sveitarhöfðingi rak
ásamt konu sinni Andreu rausn-
arbú þar sem menning og gest-
risni var annáluð, enginn fór
svangur eða þreyttur frá Leirhöfn
og ætíð var þar glatt á hjalla. Í
þessum faðmi ólst Birna upp
ásamt þremur systrum og tveim-
ur bræðrum. Ég dvaldi oft hjá
þessu sæmdarfólki ásamt foreldr-
um mínum, Agli og Sigfríði sem
voru búsett á Húsavík, en þar var
gagnfræðaskóli sem ungmenni
sóttu víða að. Eitt haustið höfðu
foreldrar okkar sammælst um að
Birna og Helga Sæmundsdóttir,
bróðurdóttir Helga, myndu hefja
nám við þennan skóla og fá fæði
og húsnæði hjá okkur. Þröngt
máttu sáttir sitja, því íbúð foreldra
minna var aðeins tvö herbergi og
eldhús, en þetta gekk allt vel því
við vorum sátt. Það var ævintýri
líkast fyrir mig þrettán ára og eina
barnið sem eftir var heima að
hreppa þetta hnoss. Tvær fjörug-
ar og dugmiklar frænkur á einu
bretti, sem áttu eftir að vera með
mér nótt og dag í þrjá vetur heima
og í skólanum. Birna var falleg
stúlka, einstaklega smekkleg og
klæddist vel, vinsæl hjá ungum
sem öldnum, hláturmild með af-
brigðum, mesta lipurtá á dansgólfi
og komust færri herrar að en
vildu. Meðan starfskraftar hennar
entust vann hún innan um bækur,
enda grunnurinn lagður snemma.
Samverustundum okkar fækkaði,
en vináttan hélst til enda. Ég kom
að sjúkrabeði hennar nokkrum
klukkustundum fyrir andlát henn-
ar, þar sem hún lá meðvitundar-
laus. Mér kom aftur í hug gróður
jarðar, þarna var enn eitt blómið
fallið til moldar. Blóm sem hafði
auðgað umhverfi sitt með fegurð
og ilmi og skilað sínu vel þar til yf-
ir lauk. Ég kveð Birnu Helgadótt-
ur, frænku mína, með hlýju og
þökk í hjarta.
Herdís Egilsdóttir.
Birna Helgadóttir
 Fleiri minningargreinar
um Birnu Helgadóttur bíða
birtingar og munu birtast í
blaðinu næstu daga.
✝ Gunnar DaníelLárusson fædd-
ist í Reykjavík 6.
maí 1930. Hann lést
á krabbameinsdeild
Landspítalans 12.
febrúar 2014.
Foreldrar hans
voru Marta Daníels-
dóttir, f. 28. febrúar
1906, d. 6. febrúar
1996, og Lárus Ást-
björnsson, fulltrúi í
Reykjavík, f. 29. september 1904,
d. 26. ágúst 1995. Bræður Gunn-
ars voru Björn Kristján, f. 13.
nóvember 1931, d. 11. júní 2010,
og Ragnar Baldur, f. 26. febrúar
1933, d. 14. ágúst 1949.
Gunnar kvæntist í janúar 1957
Lise Jörgensen, kennara í Kaup-
mannahöfn. Þau skildu. Gunnar
kvæntist 5. janúar 1962 Önnu
f. 19. júlí 1969, búsettur í Virg-
iníu BNA. Kona Þorkels er Sig-
rún Erla Blöndal hjúkrunarfræð-
ingur, f. 19. september 1970.
Dætur þeirra eru Jóhanna Ester,
f. 2. mars 1999, Gunnhildur
Anna, f. 28. mars 2002, og Erla
Karen, f. 10. nóvember 2003.
Gunnar ólst upp í foreldra-
húsum í Vesturbæ Reykjavíkur.
Að lokinni hefðbundinni skóla-
göngu tók Menntaskólinn í
Reykjavík við og lauk hann það-
an stúdentspróf 1951. Fyrri-
hlutapróf í verkfræði frá HÍ
1954, M.Sc.-próf í vélaverkfræði
frá DTH Kaupmannahöfn 1957.
Verkfræðingur hjá flugfélaginu
SAS í Kaupmannahöfn frá 1957-
1959, verkfræðingur hjá Loft-
leiðum, Stafangri, Noregi, 1959-
1964, verkfræðingur á Teikni-
stofu SÍS 1964-1965 og ráðgjafi
hjá Fönix sf. 1965-73. Rak eigin
verkfræðiþjónustu frá 1970 á
meðan heilsa entist.
Útför Gunnars fer fram frá
Bústaðakirkju í dag, 24. febrúar
2014, og hefst athöfnin klukkan
13.
Þrúði Þorkels-
dóttur þjóðfræð-
ingi. Börn þeirra
eru: 1) Ragnar Lár-
us verkfræðingur, f.
6. júlí 1962, búsettur
í Virginíu BNA.
Unnusta Ragnars er
Katherine William-
son Day tölvufræð-
ingur, f. 1. mars
1970. 2) Ragnhildur
Anna, flugfreyja og
lögfræðingur, Reykjavík, f. 31.
desember 1964. Dætur hennar
eru Anna Þrúður Guðbjörns-
dóttir flugfreyja, f. 3. september
1988. Unnusti Önnu er Hjörtur
Logi Valgarðsson, knatt-
spyrnumaður í Noregi, f. 27.
september 1988. Og Soffía Sara
Steingrímsdóttir, f. 29. júní 2000.
3) Þorkell Máni tölvufræðingur,
Elsku besti afi minn, ég trúi
því varla að þú sért farinn frá
okkur. Við hlógum að því fyrir
ári, þegar þú komst úr aðgerð
eftir að heilaæxlið var fjarlægt,
þegar þú heimtaðir að ég tæki
mynd af þér með þennan arab-
íska túrban um höfuðið. Við töl-
uðum einnig um að þú værir
eins og kötturinn með níu líf.
Alltaf stóðst þú upp eftir veik-
indin sem þú ert búinn að berj-
ast við frá árinu 2007. En end-
irinn verður ekki umflúinn.
Ég er afar þakklát fyrir allar
minningarnar sem ég á um þig,
þar sem ég ólst upp með annan
fótinn hjá ykkur ömmu í Hellu-
landinu á mínum yngri árum.
Þær voru ófáar utanlandsferð-
irnar sem við fórum í saman til
sólarlanda og alltaf gleymdir þú
að bera á þig sólarvörn og
varðst eldrauður en breyttist
svo í kolamola. En neitaðir þó
alltaf að hafa gleymt sólarvörn-
inni.
Mér er einnig mjög minn-
isstætt þegar þú fórst einu
sinni með mig í bíó þegar ég
var lítil og við vorum þau einu
inni í bíósalnum. Krakkarnir í
Fossvogsskóla vissu allir upp á
hár hver væri afi minn, enda
labbaðir þú alltaf með hundana
Rosy og Klemmu í hádeginu
framhjá skólanum. Ég heyrði í
ófá skiptin þegar kallað var:
„Þarna er afi hennar Önnu með
hundana.“
Þú varst okkur mömmu afar
kær enda gerðir þú allt fyrir
okkur. Þú hjálpaðir mér að
fjármagna minn fyrsta bíl og
ef eitthvað bjátaði á varstu
alltaf til taks til að hjálpa til.
Elsku afi minn, þín verður sárt
saknað. Hlíðargerðið verður
ekki samt án þín, það verður
skrítið að fá þig ekki í dag-
legar heimsóknir færandi
hendi með bakkelsi eða ís. Þér
þótti nú sérbakaða vínarbrauð-
ið sérlega gott. Kamilla og
Kóra (hundarnir) hugsa líka
hlýtt til þín. Þær eiga líka eftir
að sakna þín.
Elska þig.
Þín dótturdóttir,
Anna Þrúður yngri.
Það kom mér ekki á óvart
þegar ég frétti um andlát
Gunnars mágs míns. Samt
hnykkti mér við. Hann hafði
barist við illvígan sjúkdóm í
mörg ár og raunar aldrei látið
deigan síga fyrr en nú eftir
áramótin. Þá varð ekki lengur
undan vikist þeim örlögum er
honum voru búin.
Ég kynntist Gunnari fyrst
vel fyrir hálfri öld þegar hann
og systir mín, Anna Þrúður,
fluttu heim til Íslands frá Nor-
egi. Með okkur Gunnari tókst
ágæt vinátta þótt við værum
ólíkir um margt, hann háttvíst
prúðmenni en ég hálfgerður
galgopi. Þótt aldursmunur
okkar væri talsverður áttum við
strax margt saman að sælda.
Mér tókst að ginna hann með
mér í veiðitúra og eru þeir
margir minnisstæðir eins og
ferð okkar í Fáskrúð í Dölum
þar sem við bráðókunnugir
fengum okkar maríulaxa og
góða heildarveiði. Þar gafst
okkur líka gott næði til að
spjalla um allt milli himins og
jarðar. Eins minnist ég vel
ferða í Veiðivötn og austur á
Jökuldalsheiði þar sem við
mokveiddum í Þríhyrningsvatni
og víðar í ótrúlegri sumarblíðu.
Víðar fórum við til veiða, m.a. á
silungasvæðið í Laxá í S-Þing-
eyjarsýslu og í Brúará og einu
sinni gengum við saman til
rjúpna með góðum árangri en
það dugði ekki til að hann fengi
áhuga á skotveiði.
Við vinnu sína var Gunnar
orðlagður fyrir nákvæmni og
öguð vinnubrögð. Því kynntist
ég persónulega þegar hann
teiknaði fyrir mig lagnir og
burðarvirki og ekki sliguðu
reikningarnir frá honum mig.
Gunnar hlustaði gjarnan á sí-
gilda tónlist við vinnu sína og í
næði heima hjá sér. Ekki spillti
að hafa einn Churchillvindil við
höndina og á fóninum Árstíð-
irnar eftir Vivaldi. Gunnar
mágur minn var annálað prúð-
menni og reglufastur. Ég held
að hann hafi farið í sund á
hverjum degi og tennis spilaði
hann árum saman sér til
ánægju. Göngutúrar með hund-
unum voru vinsælir og vel
þegnir en þeir voru í eigu
Ragnhildar dóttur hans. Milli
þeirra feðginanna ríkti aðdáun-
arverð væntumþykja og gagn-
kvæm virðing. Eftir að synir
Gunnars tveir fluttu vestur yfir
Atlantsála til Virginíu heimsótti
Gunnar þá og fjölskyldur þeirra
margoft og naut þar sumarblíðu
og samvista við ástvini sína.
Gunnar hélt sínu striki nánast
fram á síðustu stundu. Sundið,
tennisinn, músíkin, göngu-
túrarnir og vinnan, allt voru
þetta fastir liðir meðan stætt
var. Síðustu vikurnar voru erf-
iðar þótt ekki legðist hann inn á
sjúkrahús nema í örfáa daga.
Þá sem endranær var gott að
eiga góða að, eiginkonu og
einkadóttur.
Við Hansína sendum fjöl-
skyldu Gunnars innilegar sam-
úðarkveðjur.
Ingvi Þorkelsson.
Gunnar Daníel
Lárusson
 Fleiri minningargreinar
um Gunnar Daníel Lárus-
son bíða birtingar og munu
birtast í blaðinu næstu daga.
Elskuleg eiginkona, móðir, tengdamóðir,
amma og langamma,
ÞÓRA ERLENDSDÓTTIR,
til heimilis á Ketilsbraut 13, Húsavík,
lést 19. febrúar á Heilbrigðisstofnun
Þingeyinga. Útförin fer fram frá
Húsavíkurkirkju 1. mars kl. 11.00. Blóm og
kransar afþakkaðir en þeim sem vilja
minnast hennar er bent á Skógarbrekku.
Hreiðar Jósteinsson,
Erla Vilborg Hreiðarsdóttir, Jósteinn Þór Hreiðarsson,
Magnús Guðjón Hreiðarsson, Sigmundur Hreiðarsson,
og fjölskyldur þeirra.
Innilegar þakkir til allra sem sýndu samúð,
hlýhug og vináttu við andlát og útför móður
okkar, tengdamóður, ömmu og langömmu,
HULDU BJARNADÓTTUR,
Laugateigi 31.
Valdís Finnbogadóttir,
Ólafur Finnbogason, Rannveig Agnarsdóttir,
Sigríður Rósa Finnbogadóttir, Völundur Þorgilsson,
Stefán Finnbogason, Guðbjörg Gísladóttir,
Trausti Finnbogason, Kristín Sigurðardóttir,
Ingólfur Waage,
barnabörn og barnabarnabörn.