Morgunblaðið - Sunnudagur - 16.03.2014, Side 42

É
g hef alltaf haft áhuga á sögufrásögn
en það tók mig bara svolítið langan
tíma að uppgötva hver mín leið væri
til þess að túlka hana,“ segir Karen
Briem búningahönnuður. Karen útskrifaðist
með meistaragráðu í búningahönnun úr Uni-
versity of the Arts í desember og starfar nú
hjá Her Majesty’s Theatre í London sem
hún segist sérstaklega ánægð með. „Það er
mjög gaman að geta farið strax að vinda sér
út í eitthvað sem tengist náminu, beint eftir
nám, sérstaklega því ég hef aldrei unnið í
leikhúsi áður. Það er mikil og góð reynsla að
fá að kynnast svona stóru leikhúsi þar sem
eru ótrúlega margir búningar. Búningarnir
eru svo mikill partur af því sem er að gerast
í leikhúsinu,“ segir Karen Briem.
Karen ólst upp í Mexíkó þar sem hún bjó
til níu ára aldurs. Þá flutti hún til Íslands og
gekk í Melaskóla, Hagaskóla og síðar
Menntaskólann í Reykjavík.
„Eftir menntaskóla fór ég að velta því fyr-
ir mér hvað ég ætlaði að gera. Ég ætlaði
alltaf í læknisfræði, fór á náttúrufræði-
braut … En svo einhvern veginn fór ég bara
til Kína,“ segir Karen og hlær. „Mig langaði
að læra kínversku og hugsaði bara, hvar er
það betra en í Kína. Það er frekar rökrétt,“
segir Karen sem var 21 árs þegar hún tók
þá ákvörðun að flytja til Kína og læra kín-
versku. „Ég bjó í Kína í eitt ár og ákvað í
kjölfarið að flytja til Kaupmannahafnar og
læra alþjóðaviðskiptafræði með áherslu á
Fórnarkostnaður að
láta draumana rætast
kínversku. Þegar ég lauk náminu var ég fljót
að komast að því að ég var ekki fullkomlega
að finna mig í þessu umhverfi og fór þá bara
að velta því fyrir mér „hvað er það þá?“
Hið óþekkta alltaf ógnvekjandi
Við tók u-beygja þegar Karen tók ákvörðun
um að hefja diplómanám við fatahönnun í
Copenhagen mode design school þar sem
hún lærði að gera snið og sauma. „Ég var
með frábæran hönnunarkennara þar, Christi-
an Westphal, sem hvatti mig til að fara út í
eitthvað ýktara og stærra heldur en það sem
gengur og gerist í fatahönnun,“ segir Karen
og bætir við að þá hafi hún farið að sjá þetta
koma heim og saman og sótti um í búninga-
hönnun við University of the Arts í London
og fékk inngöngu.
Var það ekki erfið ákvörðun að fara úr
viðskiptafræði yfir í hönnun?
„Algerlega. Þetta var algjör u-beygja. Það
er alltaf fórnarkostnaður í því að láta
draumana sína rætast, eins mikil klisja og
það er. Hið óþekkta er alltaf svolítið ógn-
vekjandi og maður borgar alltaf visst verð
fyrir það en það er algerlega búið að vera
þess virði.“
Karen segist hafa verið viss um að búninga-
hönnunin væri það sem hana langaði að gera
og þess vegna tók hún áhættuna að hefja
námið, en segir einnig að það sé vissulega
undir henni sjálfri komið hvernig hún spili úr
náminu.
„Ég ætlaði að sigra heiminn í viðskipta-
fræði en núna ætla ég bara að sigra heiminn
í búningahönnun, það er bara annað sjónar-
mið,“ segir Karen og hlær.
Sígauni að eðlisfari
Spurð hvort ferðalög og flakk hafi áhrif á
bæði hönnunina og það sem hún er aðhafast
í lífinu segir Karen algerlega svo vera. Hún
segist vera sígauni að eðlisfari og sífellt
sækja í ævintýri. Karen segir jafnframt að
upplifanir, sjónarhorn og lífsreynsla hafi allt-
af áhrif, hvort sem fólki líki það betur eða
verr.
„Ég er hef oft reynt að vera sem dæmi
mínímalísk og skandinavísk í hönnuninni en
fundist erfitt að halda mig eingöngu við það
þar sem minn heldur óhefðbundni bak-
grunnur kemur alltaf í ljós með einum eða
öðrum hætti. Maður getur lítið falið svona.
Hver sem þú ert og hvað sem þú hefur gert,
það brýst alltaf út ef þú ert einlægur í því
sem þú gerir.“
Karen segist opin fyrir heiminum og hana
langi alltaf að prófa eitthvað nýtt. „Það hefur
hentað mér vel. Þannig læri ég, með því að
prófa og gera mistök og læra af þeim. Það
hefur verið mín leið til að koma hlutunum
frá mér,“ segir Karen en þetta hugarfar hef-
ur fylgt henni í gegnum bæði nám og störf.
Karen býr nú í London og er að vinna í
nokkrum verkefnum samhliða starfinu í leik-
húsinu. Hún segir leikhúsið góðan stað til
þess að kynnast fólki með svipaða hugsjón.
„Ég er að vinna í mínum eign sjálfstæðu
verkefnum út fyrir leikhúsið. Leikhúsið er
góður og agaður staður til þess að læra inn á
hvernig sá heimur virkar á búningahönnun.
Síðan er hin hliðin á búningahönnun sem ég
er mjög spennt fyrir sem er sjálfstæðari leið
þar sem búningahönnun er ákveðið listaverk.
Það vinn ég ein og með fólki úr skólanum,
sem ég geri restina af sólarhringnum.“
Karen verður með listasmiðju á LungA-
hátíðinni á Seyðisfirði í sumar. Þar ætlar
hún að kynna búningahönnun sem eigið
listform.
„Búnigahönnun er oft álitin hliðargrein af
kvikmyndum eða leikhúsi en mér finnst bún-
ingahönnun vera sitt eigið listaform sem get-
ur staðið eitt og sér. Það er ákveðið listaverk
útaf fyrir sig þó svo að það sé ekki endilega
partur af leikriti eða kvikmynd.“
KAREN BRIEM ER FYRST ÍSLENDINGA TIL AÐ LJÚKA MEISTARANÁMI Í BÚNINGAHÖNNUN
FRÁ UNIVERSITY OF THE ARTS Í LONDON OG STARFAR NÚ HJÁ HER MAJESTY’S
THEATRE Í LONDON. KAREN VERÐUR MEÐ LISTASMIÐJU Á LUNGA-HÁTÍÐINNI
Í SUMAR ÞAR SEM HÚN KYNNIR BÚNINGAHÖNNUN SEM EIGIÐ LISTFORM.
Sigurborg Selma Karsldóttir sigurborg@mbl.is
1
Lokaverkefni
Karenar úr
meistaranáminu.
Karen Briem segir
búningahönnun hafa
sitt eigið listform sem
staðið getur eitt og sér.
42 MORGUNBLAÐIÐ SUNNUDAGUR 16.3. 2014
Tíska
Hátíðin Reykjavík Fashion Festival eða
RFF fer fram í fjórða sinn þann 29. mars
næstkomandi. Þau átta hönnunarhús sem
munu sýna nýjustu línur sínar eru; Cintam-
ani, Ella, Farmers Market, JÖR by Guð-
mundur Jörundsson, Magnea Einarsdottir,
REY, Sigga Maija og Harpa Einarsdóttir..
Þórey Eva Einarsdóttir framkvæmdarstýra
hátíðinnar segir hátiðina sérstaklega fjöl-
breytta í ár „Við leggjum áherslu á að þetta
sé flott og spennandi dagskrá og verðum
samhliða hönnunarmarsinum í ár.“
Reykjavík Fashion Festival ásamt Hönn-
unarmiðstöð og KPMG eru að fara af stað
með samstarfsverkefni
„Við ætlum að taka út bransann og reyna
að fá tölur svo að við fáum tilfinningu fyrir
umfanginu. Við fáum að sjá hvað hátíðin er
að velta til að geta tekiði ákvarðanir út frá
því. Það náttúrulega breytir því hvernig
stefnumótunin verður með hátíðina,“ segir
Þórey Eva sem telur samstarfsverkefnið
virkilega spennadi.
„Það er um að gera að klæða sig upp og
taka þátt í RFF og Hönnunarmars, þetta er
hrikalega flott dagskrá og eitthvað við allra
hæfi. Harpan verður í brennidepli og það
veður gaman að sjá hana í fullum skrúða fyr-
ir hönnunina,“ segir Þórey bendir á miða-
sölu RFF á harpa.is
TÍSKUHÁTÍÐ Í REYKJAVÍK
Harpa í hönnunarskrúða
Reykjavík Fashion Festival verður samhliða Hönnunarmars í Hörpu þann 29. mars næstkomandi.
Morgunblaðið/Golli