Morgunblaðið - 08.04.2014, Qupperneq 3

MORGUNBLAÐIÐ ÞRIÐJUDAGUR 8. APRÍL 2014
BÍLAR 3
S
umardagurinn fyrsti er handan við hornið og rysjóttum
vetri loks að ljúka hér á landinu bláa. Eflaust hafa
margir bíleigendur óskað sér þess að hafa til umráða
jeppa á trölladekkjum til að valta yfir Vetur konung
þegar færð var hvað verst, og í síðasta mánuði seldist bíll (les.
rosajeppi) á uppboðsvefnum Ebay sem hefði líklega haft betur
en hvaða óveðursdagur sem upp kom undanfarna átta mánuði
hér á landi.
Sérútbúinn til suðurpólsferða
Bíllinn er sérútbúin Toyota Tacoma, árgerð 2010, og er í
flestu frábrugðinn hefðbundnum eintökum af sömu gerð. Vélin
var upprunalega hefðbundin fjögurra lítra V6-bensínvél en að
aflokinni tjúningu frá hendi TRD (Toyota Racing Development)
skilar vélin 341 hestafli. Undirvagn og fjöðrun eru sérsmíðuð
hjá Marconi og þykja afrek út af fyrir sig. Bíllinn er búinn sjö
bensíntönkum sem geyma samtals um 1250 l af eldsneyti.
Það gerir honum kleift að aka ríflega 9.650 kílómetra. Ein-
angrun er skiljanlega mjög vel frágengin enda veður og hita-
stig á suðurpólnum með því allra svakalegasta sem ökutæki
getur á annað borð lent í.
Prófaður á Íslandi
Það var ofurhuginn Jason De Carteret sem lagði á suður-
skautið í jeppanum og fór þar mikinn. Sló hann meðal annars
hraðamet í akstri yfir íshelluna frá Patriot Hills til suðurpólsins
og til baka á 39 klukkustundum og 54 mínútum. Það gerir
meðalhraða upp á næstum 45 kílómetra á klukkustund!
Þess má að lokum geta að gps-tækið í bílnum geymir ennþá
upplýsingar um ferðina á Suðurskautslandið og það sem
meira er, þar má sömuleiðis finna upplýsingar um prófunar-
ferð sem farin var á Íslandi áður en lagt var á íshelluna fyrir
sunnan.
Sem fyrr sagði er bíllinn nýlega seldur en aldrei er að vita
nema nýr eigandi sé tilbúinn í viðskipti ef einhver býður betur
en þær 8,2 milljónir íslenskra króna sem bíllinn seldist á þegar
hann skipti um eigendur á Ebay.
jonagnar@mbl.is
Sumir bílar ráða betur við ófærð en aðrir
Rosajeppi Sérútbúin Toyota Tacoma, árgerð 2010, var í síðasta mánuði seld á uppboðsvefnum Ebay .
Fær í flestan snjó