Morgunblaðið - 24.04.2014, Page 1

FIMMTUDAGUR 24. APRÍL 2014
VIÐSKIPTABLAÐ
Vanda þarf til verka
við uppbyggingu á
ferðaþjón-
ustu.
Vanda skal
uppbyggingu
6-7
Jóhann í Litlu dóta-
búðinni í Mjódd unir
sér fjarska vel
í vinnunni.
Fáir eftir í
leikföngunum
9
Þrívíddarprentun gæti
orðið að næstu stóru
byltingu mann-
kynsins.
Verður fram-
tíðin í þrívídd?
4
Hörður Ægisson
hordur@mbl.is
Skipan sérstakrar nefndar vegna áforma
stjórnvalda um losun fjármagnshafta er á
lokametrunum. Samkvæmt heimildum Morg-
unblaðsins er áætlað að þau mál skýrist á
næstu vikum en fjölga á þeim sem vinna í fullu
starfi við áætlun um afnám hafta.
Á meðal þeirra sem munu skipa nefndina
eru Benedikt Gíslason, aðstoðarmaður efna-
hags- og fjármálaráðherra, Reimar Pétursson,
hæstaréttarlögmaður, og Freyr Her-
mannsson, forstöðumaður Fjárstýringar
Seðlabanka Íslands. Ekki er ólíklegt að fleiri
aðilar verði í nefndinni. Til stendur jafnframt
að fá aðstoð erlendra sérfræðinga til að veita
stjórnvöldum ráðgjöf við tiltekin verkefni í
tengslum við vinnu nefndarinnar.
Reimar var einn af sex sérfræðingum
sem ríkisstjórnin fékk til ráðgjafar sl. haust til
að leggja mat á stöðu þjóðarbúsins og koma
með tillögur að leiðum við afnám fjármagns-
hafta. Benedikt starfaði einnig náið með hópn-
um.
Starfsmenn nefndarinnar munu hafa það
hlutverk að vinna nánar að útfærslu á þeim
tillögum sem sérfræðingahópurinn hefur nú
þegar kynnt helstu ráðamönnum þjóðarinnar.
Samkvæmt heimildum verður einkum horft til
þess að kanna hvort eitthvað standi í vegi fyr-
ir því að slitameðferð föllnu bankanna ljúki
með gjaldþrotaskiptum – en ekki nauðasamn-
ingi líkt og slitastjórnir og kröfuhafar hafa
stefnt að.
Eru ýmsir innan stjórnkerfisins þeirrar
skoðunar að gjaldþrotaleiðin sé eina raunhæfa
leiðin til að losa höftin án þess að fjármála-
stöðugleika sé ógnað og hætta á viðvarandi
gengisveikingu krónunnar. Seðlabankinn hef-
ur sagt að undirliggjandi viðskiptaafgangur á
næstu árum verði ekki nægur til að standa
undir samningsbundnum afborgunum er-
lendra lána – hvað þá að hleypa út krónueign-
um búanna eða aflandskrónueigendum.
Við gjaldþrotaskipti yrði erlendum eign-
um Glitnis og Kaupþings – samtals um 1.600
milljörðum – umbreytt í gjaldeyri fyrir krónur
á gjaldeyrismarkaði og greiddar út til kröfu-
hafa. Seðlabankinn gæti takmarkað fjárfest-
ingakosti þessara krónueigna og fest þær inni
á vaxtalausum reikningum. Sumir hafa bent á
að með gjaldþrotaleiðinni gæti Seðlabankinn
eignast umtalsverðan óskuldsettan gjaldeyr-
isforða. Fyrirsjáanlegt er að mikil andstaða
yrði við það af hálfu kröfuhafa ef slík leið yrði
farin. Ljóst þykir að þeir myndu leita til er-
lendra dómstóla í því skyni að reyna að stöðva
slíka fjármagnsflutninga til Íslands.
Skipa nýja haftanefnd
 Vinna að útfærslu á tillögum
um afnám hafta  Erlendir
sérfræðingar til ráðgjafar
Morgunblaðið/Þórður
Herra Ísland Jeremy Lowe (í fremstu sætaröð til hægri) á kröfuhafafundi Glitnis 9. apríl en
hann stýrir Burlington Loan Management, stærsta einstaka kröfuhafa föllnu bankanna.
Benedikt
Gíslason
Reimar
Pétursson
Freyr
Hermannsson
Íslensku bankarnir féllu á sama tíma og Lehm-
an Brothers og Washington Mutual. Skiptum á
búum bandarískra móðurfélaga þeirra, sem
áttu eignir að andvirði 900 milljarða dala, lauk í
ársbyrjun 2012. Þótt félögin hafi tæknilega séð
farið í nauðasamningaferli í samræmi við 11.
kafla bandarísks gjaldþrotaréttar þá hafa þau
það eina markmið að losa um eignir og nota
söluandvirðið til greiðslu skulda. Forsendur fyr-
ir áframhaldandi fjármálastarfsemi eru brostn-
ar.
Erlendir kröfuhafar íslensku slitabúanna eru
hins vegar áfram um að klára slitameðferð bú-
anna með nauðasamningi – og að í kjölfarið
verði til eignarhaldsfélög undir kjörinni stjórn
kröfuhafa. Ýmsir annmarkar, sem ættu flestir
hverjir að vera vel þekktir á þessum tíma,
standa þó í vegi fyrir því að þau áform geti
gengið eftir. Nauðasamningsumleitanir kröfu-
hafa, um undanþágu frá höftum til að breyta
krónukröfum sínum í erlendan gjaldeyri, munu
að óbreyttu ekki bera neinn árangur. Búin hljóta
því að verða fyrr en síðar tekin til gjald-
þrotaskipta.
Slíkt væri enda eðlilegt miðað við stöðu mála.
Gjaldþrotaskipti þýða ekki nauðungarsölu á
eignum á hrakvirði. Viðskiptaáætlanir föllnu
bankanna sýna að eignir þrotabúanna munu
innheimtast allt fram á næsta áratug. Við gjald-
þrotameðferð fá kröfuhafar sem fyrr greitt út
allt laust fé slitabúanna. En reyndar í krónum,
lögeyri Íslands.
Skoðun
Gjaldþrot
Hörður Ægisson
hordur@mbl.is
Eðlileg niðurstaða
Prentgripur
FYRSTA FLOKK
S
Þ JÓNUSTA
VERÐBRÉFAVIÐSKIPTI Á NETINU
Íslandsbanki | Kirkjusandi | 155 Reykjavík | Sími 440 4900 | vib@vib.is facebook.com/VIB.stofan | @vibstofan | www.vib.is
VERÐBRÉFAVEFUR
VÍB
Verðbréfavefur VÍB gefur þér kost á að eiga milliliðalaus viðskipti í Kauphöllinni í rauntíma.
Á verðbréfavef VÍB nýtur þú lægri þóknana, afsláttar á kaupum í sjóðum auk þess sem þar er
ekkert afgreiðslugjald. Nú getur þú með einföldum hætti haft yfirsýn yfir verðbréfasafnið þitt
og nýtt fjárfestingartækifærin um leið og þau bjóðast.
Kynntu þér málið á vib.is eða fáðu nánari upplýsingar í síma 440 4900.
» Lægri kostnaður og ekkert afgreiðslugjald*
» Milliliðalaus kauphallarviðskipti
» Upplýsingar í rauntíma
» Þægilegt viðmót
*25% afsláttur af kaup- og söluþóknun vegna viðskipta með hlutabréf á verðbréfavef VÍB og 10% afsláttur af upphafsgjaldi
vegna kaupa í sjóðum Íslandssjóða hf. á verðbréfavef VÍB, skv. vaxta- og verðskrá verðbréfaþjónustu VÍB, en hana má finna
á www.vib.is. Ekkert afgreiðslugjald skv. verðskránni er greitt vegna viðskipta á verðbréfavef VÍB.
Öll viðskipti með fjármálagerninga fela í sér áhættu. Rétt er að fjárfestir meti fyrirhugaða fjárfestingu út frá þekkingu sinni
og reynslu, fjárhagsstöðu og fjárfestingamarkmiði. Varhugavert er að eiga viðskipti með fjármálagerninga án þess að hafa
fullan skilning á eðli og umfangi áhættunnar sem í viðskiptunum felst.
E
N
N
E
M
M
/
S
ÍA
/
N
M
6
18
5
6