Morgunblaðið - 07.05.2014, Side 30

30 MENNING
MORGUNBLAÐIÐ MIÐVIKUDAGUR 7. MAÍ 2014
Helgi Snær Sigurðsson
helgisnaer@mbl.is
Danska hljómsveitin Choir Of
Young Believers (COYB) lék fyrir
troðfullu húsi á Spot-tónlistarhátíð-
inni í Árósum um síðustu helgi og
voru það fyrstu tónleikar sveit-
arinnar í Danmörku í um eitt og
hálft ár. Ljóst var að eftirvæntingin
var mikil fyrir tónleikunum sem
fóru fram klúbbnum Voxhall og
komust færri að en vildu. Og þeir
sem komust inn voru ekki sviknir,
tónleikarnir voru með þeim bestu
sem blaðamaður sá á hátíðinni í ár
og nýtt efni sem sveitin lék lofar
góðu fyrir næstu plötu sem vænt-
anleg er í haust.
COYB hefur átt mikilli velgengni
að fagna frá því hún sendi frá sér
fyrstu stuttskífuna, Burn the Flag,
árið 2007. Önnur stuttskifa, Choir
vs. Evil, kom út sama ár og breið-
skífurnar tvær sem hljómsveitin
hefur sent frá sér, This Is for the
White in Your Eyes (2008) og
Rhine Gold (2012), hlutu mikið lof
gagnrýnenda. Hljómsveitin er
margverðlaunuð í heimalandi sínu.
Hún hlaut verðlaun P3, útvarps-
stöðvar danska ríkisútvarpsins, ár-
ið 2008 sem hæfileikaríkasta hljóm-
sveitin, var valin besta nýja
hljómsveitin á dönsku tónlist-
arverðlaununum árið 2009 og hlaut
dönsku gagnrýnendaverðlaunin
Steppeulven í fyrra. Þá hefur
hljómsveitin átt margan útvarps-
smellinn í Danmörku, m.a. ,,Hollow
Talk“ sem allir kannast við sem
horft hafa á dönsku sjónvarpsþætt-
ina Broen þar sem lagið er leikið í
upphafi og enda hvers þáttar. Þá
var lagið í lykilatriði í endurkomu-
mynd Thomas Vinterberg, Submar-
ino, auk þess sem óperupopparinn
Josh Groban hefur tekið lagið upp á
arma sína.
Endurkoma
COYB var stofnuð árið 2006 af
hinum dansk-gríska Jannis Noya
Makrigiannis sem syngur og leikur
á gítar í hljómsveitinni auk þess að
vera höfundur allra laga og texta.
Eftir um sex ára stöðugt tónleika-
hald og hljómsveitarstrit ákvað
Jannis að taka sér hlé frá hljóm-
sveitinni í fyrra. Þegar COYB
bauðst að hita upp fyrir Depeche
Mode í tónleikaferð í byrjun þessa
árs var þó ekki annað hægt en að
vekja hana aftur til lífsins og lék
sveitin á átta tónleikum með De-
peche Mode í nokkrum Evrópu-
löndum í febrúar og mars sl. Í haust
er svo þriðja breiðskífan væntanleg
frá sveitinni og forvitnilegt að sjá
hvaða stefnu hinn hæfileikaríki
Jannis hefur tekið eftir hið langa
hlé.
Blaðamaður ræddi við Jannis í
Árósum föstudaginn sl. og spurði
hann hvort það hefði verið brjálað
að gera hjá honum og hljómsveit-
inni frá því Morgunblaðið ræddi við
hann síðast, árið 2010, vegna tón-
leika COYB á Nasa í mars það ár.
„Já, við vorum afar upptekin í
nokkur ár en tókum okkur hlé allt
árið í fyrra, héldum ekki neina tón-
leika. Við tókum aftur upp þráðinn
núna í byrjun árs, fórum í þessa
ferð með Depeche Mode sem var
góð byrjun og erum núna farin að
vinna að nýju efni. Ég er byrjaður
að taka upp í hljóðveri og á tónleik-
unum í kvöld verður að mestu leikið
nýtt efni,“ segir Jannis.
– Af hverju tókuð þið ykkur þetta
langa hlé?
Jannis veltir því fyrir sér í dágóða
stund og segir svo heldur hikandi:
„Ég hef í rauninni ekkert talað um
það, þetta er fyrsta viðtalið sem ég
veiti í langan tíma. Það hefur mikið
gerst frá því við gerðum síðustu
plötuna okkar sem kom út 2012. Við
vorum í tónleikaferðum allt það ár
og síðasta ferðin sem við fórum í þá,
um Bandaríkin í nóvember, var ansi
erfið. Yfirleitt skemmtum við okkur
vel í tónleikaferðum og njótum þess
að vera saman en ég held að sam-
veran hafi verið of mikil og of stutt
milli tónleika í það skiptið. Það
breyttist eitthvað hjá okkur í þessari
ferð, ég veit ekki alveg hvað en mig
langaði að fara að gera eitthvað ann-
að, tónlistarlega séð, fannst eins og
ég sæti fastur í hljómsveitinni.
Þannig að ég held að hléið hafi verið
nauðsynlegt svo við gætum tekið
upp þráðinn seinna og við áttum það
inni.
Eins og ég segi þá er þetta fyrsta
viðtalið mitt í langan tíma og ég hef
lítið talað um þetta en það er gaman
að vera kominn aftur. Tónleikaferð-
in með Depeche Mode var mikil
lífsreynsla og í samanburði við fyrr-
nefnda ferð um Bandaríkin í nóv-
ember 2012, sem var mjög þreyt-
andi og tók á taugarnar, þá var
ferðin með Depeche Mode full-
komin. Við skemmtum okkur kon-
unglega,“ segir Jannis og bætir við
að nauðsynlegt sé að fara í dálitla
sjálfsskoðun af og til, koma sér út
úr rútínunni til að efla sköp-
unargáfuna. Nú taki við nýir tímar
hjá COYB.
Martin Gore aðdáandi
– Hvernig kom það til að ykkur
var boðið að spila með Depeche
Mode?
„Martin Gore er víst aðdáandi
okkar og ég held að þeir bjóði alltaf
minni og lítt þekktum hljómsveitum
að leika með sér í tónleikaferðum.“
– Þannig að þeir höfðu samband
við ykkur, ekki einhver umboðs-
maður eða -skrifstofa?
„Já. Við vorum ekki með neinar
tónleikaáætlanir, vorum að velta
fyrir okkur að taka upp nýtt efni og
þá kom þetta tilboð sem við gátum
auðvitað ekki hafnað,“ segir Jannis.
– Ég geri ráð fyrir að þú sért
aðdáandi þeirra?
„Nei, eiginlega ekki, ég er aðeins
of ungur til að hafa hlustað á þá
sem unglingur, fæddist 1983. Ég
þekkti samt sem áður mörg lög með
þeim og kann vel að meta tónlistina
þeirra. Sem betur fer á ég marga
vini sem eru miklir aðdáendur De-
peche Mode, þeir slepptu sér alveg
þegar þeir fréttu af þessu og ég gat
boðið þeim á tónleika,“ segir Jannis
og brosir breitt.
Hann segir tónleikaferðina hafa
verið frekar afslappaða, hún hafi
tekið þrjár vikur og hljómsveitirnar
leikið annan hvern dag. „Við hófum
ferðina á Ítalíu og enduðum í Rúss-
landi. Við fórum til landa sem við
höfum aldrei komið til áður og gát-
um skoðað okkur um,“ segir Jannis
og greinilegt af frásögn hans að
ferðin var mikið ævintýri.
– Þið hafið væntanlega leikið á
mjög stórum tónleikastöðum?
„Já, það voru um 30 þúsund gest-
ir á hverjum tónleikum. Ég fer yf-
irleitt ekki sjálfur á svo fjölmenna
tónleika og við höfðum ekki leikið
fyrir svo marga áður. Fyrir þessa
ferð áttum við erfitt með að spila
fyrir fleiri en fimm þúsund gesti
eða þar um bil í einu. En við nutum
þess virkilega, ég hélt að það væri
miklu erfiðara að leika á stórum
leikvöngum en það reyndist vera.
Það var lærdómsríkt,“ segir Jannis.
„Hollow Talk“ ekki spilað
– Nú er lagið „Hollow Talk“ lík-
lega það sem flestir tengja hljóm-
sveitina við, það sem hefur verið
hvað mest spilað í útvarpi og sjón-
varpi. Ertu orðinn leiður á því að
spila það?
„Ég er auðvitað mjög ánægður
yfir því að margir þekkja okkur út
af þessu lagi en það er dálítið þreyt-
andi að ætlast sé til þess að við spil-
um það, t.d. á tónleikunum í kvöld.
Þetta lag er frá árinu 2008 og við
höfum samið fjölda nýrra laga sem
okkur líkar við eftir það. Kannski
myndu einhverjar hljómsveitir
fagna því að eiga svona smell og
spila hann sem oftast en þetta er
gegnumgangandi umræða hjá okk-
ur í hljómsveitinni. Þótt þetta lag
hafi verið mjög vinsælt verðum við
að halda áfram og leika nýrra efni.
Ef tónleikar eru langir spilum við
það kannski en í kvöld munum við
leika ný lög,“ svarar Jannis harð-
ákveðinn og greinilegt hver á loka-
orðið í hljómsveitinni.
Endurnærður Jannis
 Choir Of Young Believers lék ný lög á Spot-hátíðinni í ár  Forsprakki hljómsveitarinnar tók sér
árs hlé eftir erfiða tónleikaferð í Bandaríkjunum  Hituðu upp fyrir Depeche Mode í Evrópuferð
Ljósmynd/Renee Rajimaekers
Sveimur Jannis á tónleikum Choir Of Young Believers á tónlistarhátíðinni Spot, föstudaginn sl. Sveimkennt indírokkið féll í góðan jarðveg hjá gestum.
HJÓLA-OGSPORTVÖRUVERSLUNIN · FAXAFENI 7 · REYKJAVÍK · SÍMI 5 200 200 · GAP.IS
…OGÞÚVELURLENGRI LEIÐINAHEIM.
HENTAR MJÖG VEL FYRIR ÍSLENSKAR AÐSTÆÐUR ÞAR SEM „MICRO“ FJAÐRANDI STELLIÐ
ÉTUR Í SIG GRÓFA MALBIKIÐ OG GERIR HJÓLAFERÐINA ENN ÞÆGILEGRI
ÞÚ NÝTUR ÞESS
AÐ MOKA INN KÍLÓMETRUNUM
Á CANNONDALE SYNAPSE.
229.900.-