Morgunblaðið - 10.05.2014, Page 16

16 FRÉTTIRInnlent
MORGUNBLAÐIÐ LAUGARDAGUR 10. MAÍ 2014
Sætar franskar
frá McCain
Sætu kartöflurnar frá McCain eru ómótstæðilega
bragðgóðar og ríkar af A-vítamíni. Þú skellir þeim í
ofninn og áður en þú veist af ertu komin(n) með
girnilegt og gómsætt meðlæti. Prófaðu núna!
Ingveldur Geirsdóttir
ingveldur@mbl.is
Gróðurinn fer vel af stað þetta vor-
ið og er öll garðvinna með fyrra
fallinu að sögn Valborgar Einars-
dóttur, garðyrkjufræðings og fram-
kvæmdastjóra Garðyrkjufélags Ís-
lands.
„Þetta er með betri vorum a.m.k
hér suðvestanlands. Þau tré sem
eru fyrst til eru laufguð og önnur
tré eru komin vel af stað með að
bruma,“ segir Valborg. Þá veit hún
til þess að garðsláttur sé hafinn.
„Það er ansi snemmt að slá í byrj-
un maí en fólk er byrjað að slá,
þeir sem eru með bestu áburðar-
gjöfina og umhirðuna. Það er þó
töluverður munur á milli hverfa á
höfuðborgarsvæðinu, garðarnir sem
eru fyrstir af stað eru í hverfunum
við sjóinn og í suðurhlíðum Foss-
vogsins, Kópavogs og Garðabæjar.
Það sem er aðeins hærra í landinu
er seinna til.“
Telja vorið í fyrra varla með
Valborg segir yndislegt að fá
svona gott vor enda hafi vorið og
sumarið í fyrra verið svo afburða
lélegt að garðyrkjufólk telji það
varla með. „Gróðurinn fer vel af
stað núna og auðvitað vonar maður
að það komi ekki hret. Þó það sé
kólnandi tímabundið í spánni þá
verður hitastigið bara eins og í
meðalvori og við höfum ekki
áhyggur af áhrifum þess á gróð-
urinn.“
Þeir sem rækta sínar eigin kart-
öflur eru byrjaðir að setja útsæðið
niður. Valborg segir áhugann á að
rækta eigin matjurtir hafa aukist
mikið.
„Garðræktaráhugi hefur verið
vaxandi undanfarin ár og sér-
staklega frá hruni. Allt sem kallast
sjálfbærni í sínum víðasta skilningi
er rosalega vinsælt í garðræktinni
núna. Fólk er að rækta eigin mat-
jurtir í stærri stíl, þá ekki bara
grænmeti heldur líka kryddjurtir,
ávaxtatré eru gríðarlega vinsæl og
þá eru sumir með býflugur. Sjálf-
bærnin nær líka til þess að búa til
sína eigin mold og nýta allt sem til
fellur í garðinum betur.“
Þá segir Valborg að aukning sé í
svalaræktun og að fá sem mest út
úr litlu garðplássi. Tískusveiflur
eru í matjurtaræktun eins og
mörgu öðru og auk ræktunar á
ávaxtatrjám er núna mjög vinsælt
að rækta lauk til matargerðar. „Þá
bæði rauðlauk, venjulegan matlauk
og graslauk, þeir dafna svo vel,“
segir Valborg.
Eins og áður segir er almennur
áhugi á garðrækt að aukast en Val-
borg segir áhugahópinn líka að
vera að yngjast. „Það hefur verið
þannig að fólk virðist ekki fá áhuga
á ræktun fyrr en um eða upp úr
fertugu en okkur finnst þessi hópur
aðeins vera að yngjast,“ segir Val-
borg sem vonast eftir gróðursælu
sumri.
Garðræktaráhugi fer vaxandi
 Gróðurinn fer vel af stað þetta vorið
að sögn garðyrkjufræðings  Vinsælt
að rækta ávaxtatré og matlauka
Morgunblaðið/G.Rúnar
Blómstrar Valborg Einarsdóttir,
framkvæmdastjóri GÍ.
Morgunblaðið/Árni Sæberg
Sprettur vel „Garðræktaráhugi hefur verið vaxandi undanfarin ár og sérstaklega frá hruni,“ segir Valborg garð-
yrkjufræðingur. Gróðurinn í Laugardalnum blómstraði í rigningunni á fimmtudaginn.
„Það virðist vera lenska að fram-
boð sem ekki tengjast gömlu
flokkunum eiga hljómgrunn meðal
fólks. Ég tel þó að við þurfum
engu að kvíða ef fólk kynnir sér
stefnu okkar og það fólk sem er í
framboði,“ segir Guðmundur Bald-
vin Guðmundsson, sem er í efsta
sæti á lista Framsóknarflokksins
við komandi kosningar til bæjar-
stjórnar á Akureyri.
Skoðanakönnun sem Félagsvís-
indastofnun HÍ gerði og birt var í
Morgunblaðinu sl. mánudag bendir
til að núverandi meirihluti L-
listans falli. Hins vegar ná hefð-
bundnu flokkarnir ekki sínum
fyrri styrk. Þannig mælist fylgi
Framsóknarflokksins 12,3% sem
er svipað og í síðustu kosningum.
„Það eru spennandi tímar fram-
undan, þótt niðurstöður skoðana-
könnunarinnar hefðu mátt vera
betri. Við finnum meðbyr og erum
full bjartsýni,“ segir Guðmundur.
Hann viðurkennir að staðan í
landsmálunum hafi áhrif á sveit-
arstjórnarmálin.
Tekur Guðmund-
ur fram að hann
sé ekki alltaf
sammála
áherslum ráð-
herra síns
flokks, til dæmis
í Evrópumálum.
Utanríkisráð-
herra hafi farið
of geyst í því
máli. „Ég vil að það fari fram
skynsamleg umræða og þjóðin fái
síðan að segja skoðun sína. Það er
eina lendingin í því máli.“
Framsóknarmenn á Akureyri
leggja áherslu á að styrkja innviði
samfélagsins. Betri fjárhagsstaða
sem fylgi auknum hagvexti verði
nýtt í þágu barna og unglinga og
styrkja starf skólanna. Meðal ann-
arra athyglisverðra tillagna er frí-
stundaávísun fyrir aldraða íbúa til
að hvetja þá til aukinnar þátttöku í
íþrótta- og félagsstarfi.
helgi@mbl.is
Staðan í landsmál-
unum hefur áhrif
 Oddviti B-lista á Akureyri bjartsýnn
Guðmundur Bald-
vin Guðmundsson
Hljóðbókasafni Ísland hafa verið
veitt verðlaun frá European So-
ciety for Quality Research fyrir
vandaða rannsóknarvinnu, und-
irbúning og innleiðingu á útlána-
kerfi safnsins.
Fram kemur í fréttatilkynningu
að fulltrúum safnsins hafi verið
boðið til Brussel til að taka við
verðlaununum þann 1. júní nk. Þeir
hafi hins vegar þurft að afþakka
boðið sökum þess að þá eru starfs-
menn safnsins önnum kafnir við
undirbúning fyrir aðalfund Daisy-
samtakanna sem haldinn verður á
Íslandi dagana 2.-4. júní. Daisy-
samtökin snúast
fyrst og fremst
um það að gera
prentað efni að-
gengilegt fyrir
prentleturs-
hamlaða og eru
blindir og sjón-
skertir þar
fremstir í flokki.
ESQR eru samtök með aðsetur í
Lausanne í Sviss. Þeirra hlutverk
er að fylgjast með og verðlauna
framúrskarandi nýsköpun og þykir
Hljóðbókasafnið hafa skarað fram
úr á því sviði. vidar@mbl.is
Evrópuverðlaun til Hljóðbókasafns Íslands