Morgunblaðið - 30.05.2014, Blaðsíða 12

12 FRÉTTIRInnlent
MORGUNBLAÐIÐ FÖSTUDAGUR 30. MAÍ 2014
F A G M E N N S K A A L L A L E I Ð
Skeifan 3E-F · Sími 581-2333 · rafver@rafver.is · www.rafver.is
SuperCut
FJÖLNOTAVÉL
Tækið sem alla iðnaðarmenn
dreymir um:
Trésmiðinn, píparann,
rafvirkjann, bílasmiðinn,
flísalagningamanninn,
dúkarann, málarann FM 14-180
Steinskurðarvél
Helgi Bjarnason
helgi@mbl.is
„Mér finnst að menn ættu að
minnsta kosti að sníða sér stakk eft-
ir vexti. Kaupglaðir bændur hafa
farið illa út úr viðskiptum við véla-
sala og fjármálaleigufyrirtæki,“ seg-
ir Ágúst Rúnarsson, bóndi í Vestra-
Fíflholti í Landeyjum. Hann er
gagnrýninn á umfjöllun um að þörf
sé orðin á mikilli endurnýjun drátt-
arvéla.
„Það hefur verið svolítill áróð-
ursbragur hjá vélasölum við að
koma út þessum tækjum og hræða
menn með því að ella gætu þeir lent í
skattgreiðslum. Sem betur fer er
skattkerfið frekar hagstætt bænd-
um. Það er spurning hvort vel gróin
bú sem rekin eru með hagnaði eigi
ekki frekar að greiða skatt en að
leggja í kostnað til að auka vélafyrn-
ingarnar,“ segir Ágúst.
Fram kom í frétt í Morgunblaðinu
á dögunum að sala dráttarvéla og
tækja til landbúnaðar væri að aukast
aftur en hún hefur lítil verið frá
bankahruni. Ágúst í Fíflholti er ekki
trúaður á það mat vélasalans að þörf
sé á að endurnýja 200-250 drátt-
arvélar á ári. Hann bendir á að bú-
unum hafi snarfækkað. „Þessir
gömlu Fergusonar og Fordar geta
snúist áratugum saman.“
Hann veltir þörfinni fyrir sér.
Bendir á að akuryrkja hafi að vísu
aukist frá því að ein dráttarvél sá um
að vinna nánast öll flög í sýslunni.
Núna séu slíkar vélar á mörgum
bæjum og sjálfur sagðist hann hafa
séð fimm 150 hestafla vélar á sama
hlaðinu á dögunum.
Frúin var ekki ánægð
Í Vestra-Fíflholti hafa framundir
þetta verið fjórar gamlar drátt-
arvélar og dugað að mestu. Sú
yngsta er 12 vetra og sú elsta 34
vetra. Meðalaldurinn er 22 ár. Allar
hafa vélarnar verið keyptar notaðar
og allar af sömu gerð, Ferguson.
„Þetta passar mér ágætlega við dag-
leg bústörf. Ég hef að vísu þurft að
kaupa verktakavinnu við akuryrkj-
una,“ segir Ágúst og viðurkennir um
leið að fimmti traktorinn hafi nú
bæst við, 150 hestafla vél. „Ég var
góðglaður þegar ég festi kaup á hon-
um og frúin var ekki ánægð. Ég varð
að fela hann í nokkra daga,“ segir
Ágúst. Hann segir að nokkuð mikið
álag hafi verið á stærri vélunum.
Hann hafi verið að velta því fyrir sér
að setja eina upp í öflugri dráttarvél
en þá dottið niður á notaða vél og
fengið á hagstæðum kjörum.
Morgunblaðið/Helgi Bjarnason
Tengsl Ferguson 135 er uppáhalds-dráttarvél Ágústs Rúnarsonar enda hefur hann ekið þannig vél frá sjö ára aldri.
Bændur ættu að sníða
sér stakk eftir vexti
 Frúin var ekki ánægð með nýjustu vélakaup bóndans
Uppáhaldstraktor Ágústs í Vestra-Fíflholti er Massey-Ferguson 135. „Ég
var 7 ára þegar ég var fyrst settur upp á svona vél.“ Ein slík er á bænum,
til skrauts og notkunar eftir þörfum, 35 ára gömul.
Ferguson 135 er sú dráttarvél sem mest hefur verið seld á heimsmark-
aði, frá upphafi. „Hún var algeng hér í sveitum og reyndist ótrúlega vel,
bar uppi búskapinn í mörg ár.
Vinsælt er að gera upp Ferguson 135 og hefur Ágúst í Fíflholti látið
gera einn upp fyrir sig. Hann tekur fram að traktorinn sé framleiddur í
Bretlandi. Eftir að verksmiðjunum í Coventry hafi verið lokað og fram-
leiðslan flutt til Frakklands hafi margt breyst. Nú sé lítill munur á drátt-
arvélategundunum, annar en liturinn og merkið.
Til skrauts og notkunar
MASSEY-FERGUSON 135 Í UPPÁHALDI
„Tekjurnar af taðinu koma sem þriðja lambið og slaga
upp í það fjórða. Þær hækka eftir verðlaginu en ekki er
hægt að treysta á það með kjötið,“ segir Ágúst Rún-
arsson. Hann þurrkar sauðatað og selur í reykhús.
Á Vestra-Fíflholti er búið með sauðfé og nautgripi til
kjötframleiðslu undir merkjum Njálunauts og ræktað
korn.
Sauðataðið er hliðarafurð sem Ágúst hefur verið að
þróa í 25 ár. „Það er lífsstíll að vera sauðfjárbóndi. Tekj-
urnar eru ekki miklar. Með því að nýta taðið er hægt að
bæta þær upp. Taðið slagar upp í tekjurnar af kjötinu.“
Um 200 kíló af þurrkuðu taði fást eftir hverja kind á
ári. Taðið er þurrkað á velli og þegar það er orðið hæfi-
lega þurrt er því rakað saman og flutt í geymslu. Það er
síðan afgreitt til kjötvinnslufyrirtækja eftir þörfum. Þar
er það notað til að reykja kjöt.
Sauðataðið slagar upp í
tekjurnar af lambakjötinu
 Þurrkar tað og selur
kjötvinnslufyrirtækjum
„Það er með ólíkindum hvað menn
leggjast sumir lágt í tilraunum til að
koma höggi á pólitíska andstæðinga.
Þegar menn seil-
ast svo langt að
saka heilu hópana
um kynþáttaníð
að ósekju þá er
það ekki bara al-
varlegt mál fyrir
þá sem fyrir því
verða heldur fyrir
samfélagið allt.
Með því að mis-
beita slíkum
ásökunum er ver-
ið að draga úr þeim mikilvæga þunga
sem þarf að liggja að baki baráttu
gegn kynþáttahyggju.“
Þetta skrifar Sigmundur Davíð
Gunnlaugsson forsætisráðherra á fa-
cebook-síðu sína í gær undir yfir-
skriftinni „Hugrenningar á fjöllum.“
Sumt er ómögulegt að ræða
Í upphafi pistilsins tekur forsætis-
ráðherra fram að hann ætli ekki að
blanda sér í umræðu um það hvort
Reykjavíkurborg eigi að gefa trú-
félögum lóðir eða ekki. Um það hafi
frambjóðendur ólíkra flokka ólíkar
skoðanir og stuðningsmenn þeirra
líka. „Eftir að hafa litið yfir umfjöll-
un undanfarinna daga finnst mér þó
óhjákvæmilegt að skrifa nokkur orð
um umræðuna, nú þegar tækifæri
gefst til á leið milli Húsavíkur og Eg-
ilsstaða. Ljóst er að um sum mál
virðist ómögulegt að ræða í sam-
félaginu af yfirvegun. Það á jafnvel
enn frekar við á Íslandi en í ná-
grannalöndunum þar sem nálægðin
er minni og menn hafa að einhverju
leyti lært hversu varasamt það getur
verið að bæla niður umræðu. Það er
vísasta leiðin til að veita öfgahreyf-
ingum hljómgrunn,“ segir Sigmund-
ur Davíð á síðu sinni.
Forsætisráðherra tekur fram að
frá upphafi hafi Framsóknarflokkur-
inn verið í fararbroddi í eflingu al-
mannahags og mannréttinda. „Það
eru ekki frjálslyndir menn sem grípa
til þess ráðs að ráðast á pólitíska
andstæðinga með því að gera þeim
upp þær skoðanir sem verstar þykja.
Þeir sem ganga fram með þeim hætti
bera litla virðingu fyrir staðreynd-
um. Oft á tíðum er það vegna þess að
þeir hafa sjálfir svo lítið fram að færa
að þeir þurfa að búa sér til andstæð-
ing til að réttlæta sjálfa sig. En þetta
fólk leggur ekki í hvaða andstæðing
sem er, það er ekki burðugra en svo
að reynt er að festa á andstæðinginn
stærsta skotmark sem völ er á.“
Með ólíkindum
hve lágt er lagst
 Ekki aðferðir frjálslyndra manna
Sigmundur Davíð
Gunnlaugsson.