Morgunblaðið - Sunnudagur - 10.08.2014, Blaðsíða 8
8 MORGUNBLAÐIÐ SUNNUDAGUR 10.8. 2014
Ég hef áður getið þess hér að ég hef haldið migí San Francisco yfir hásumarið – í góðu yfir-læti – enda Kaliforníubúar upp til hópa vin-
samlegir, hjálpfúsir og gestrisnir.
Umhugsunarvert er hve saga iðnaðarþjóðfélags
er stutt í Kaliforníu. Sú var tíðin að Indíánar
bjuggu hér en án þess þó að skilja eftir sig miklar
minjar. Suð-vesturhluti núverandi Bandaríkjanna
heyrði um skeið til nýlenduveldis Spánar, síðar
Mexíkó og var það ekki fyrr en 1850 að Kalifornía
varð ein stjarnan í bandaríska fánanum sem fullgilt
aðildarríki Bandaríkja Norður-Ameríku. Um þetta
leyti hefst uppbyggingin við San Francisco-flóann,
knúin áfram af gullæðinu sem rann á menn 1848
þegar gull fannst á þessum slóðum. Á mælikvarða
mannkynssögunnar gerðist þetta nánast í gær!
Aðeins fjórum árum eftir að Kalifornía varð ríki í
Bandaríkjunum, fæðist norður í Skagafirði Björn
Bjarnason. Hann var afi konu minnar. Amma henn-
ar, Stefanía, var heldur yngri. En með öðrum orð-
um, svæði sem nú er þriðja fjölmennasta búsetu-
svæði Bandaríkjanna var nánast ekki komið á
kortið þegar afa- og ömmukynslóð minnar kyn-
slóðar var að vaxa úr grasi. Þetta minnir okkur á
með hve miklum ógnarhraða þróun getur átt sér
stað.
Atvinnulíf er fjölbreytt við San Francisco-flóann
– hér er margvíslegur iðnaður, nokkra öflugustu
háskóla heims er hér að finna, tölvutækninni var að
hluta til ungað út í dalverpi suður af San Francisco
þar sem fjöldi hugbúnaðarfyrirtækja hefur síðan
búið um sig. Svo er hér gríðarlega fyrirferðarmikil
höfn með tilheyrandi krönum og breiðum af gám-
um – að ógleymdu öllu fólkinu sem við höfnina
starfar og myndar hér þéttbýli. Gámabreiðurnar
minna svolítið á tölvumyndirnar sem við höfum séð
á sjónvarpsskjánum frá Finnafirðinum okkar
norður í landi þar sem Kínverjar, Rússar og Þjóð-
verjar vilja fá að koma upp risaumskipunarhöfn.
Nema að á myndunum sem okkur hafa verið sýnd-
ar vantar allt fólkið sem á að vinna við höfnina. Það
hefur gleymst að setja byggðina á tölvuteikning-
arnar frá Finnafirði.
Fagnað var ákaft í sjálfum Ráðherrabústaðnum
þegar undirritaður var samningur við erlenda
braskara sem vilja kanna hve gróðavænlegt það
væri að gera stærstu höfn á Norðurslóðum í Finna-
firði. Þjóðinni var sagt að þetta væru góð tíðindi
fyrir Íslendinga. Ég held ekki. Þetta kunna hins
vegar að vera góð tíðindi fyrir atvinnulaust fólk í út-
löndum sem vill vinna í umskipunarhöfn á norð-
austurhorni Íslands. Ef þetta verður að veruleika á
annað borð gæti þróunin orðið ör og haft í för með
sér miklar breytingar. Þegar afa- og ömmubörnin
eru vaxin úr grasi gæti Finnafjörður verið orðinn
að stórri hafnarborg. Ég hef meiri efasemdir um að
hátæknin og háskólarnir af San Francisco gæða-
stuðli fylgi með í pakkanum. Þó gæti það vel verið.
En hver eru markmið okkar, græða peninga og
þá sama hvernig? Fjölga fólki og þá sama hvernig?
Eða ætlum við að grandskoða í hverju lífsgæði okk-
ar eru fólgin og taka yfirvegaðar ákvarðanir í sam-
ræmi við það? Þarf ekki að ræða markmiðin áður
en skrifað er undir og fagnað?
Finnafjörður með mörgu fólki
* Eða ætlum við að grandskoða í hverju lífsgæði okkar eru fólgin og
taka yfirvegaðar ákvarðanir
í samræmi við það?
ÚR ÓLÍKUM ÁTTUM
Ögmundur Jónasson
ogmundur@althingi.is
Leikkonan og
húmoristinn Saga
Garðarsdóttir
fagnaði afmæli sínu
í vikunni og bauð
fólki að fagna með
sér í bílakjöllurum borgarinnar. „Í
dag fagna ég 27 ára afmæli mínu.
Velvildarfólki mínu er boðið að
gleðjast með mér í bílakjöllurum
Reykjavíkurborgar þar sem ég mun
standa í ankannalegum stellingum
og alltof stuttum kjól í allan dag. Af
því að mér finnst það bara næs!“
Ekki stóðu hlýjar kveðjur á sér.
Stefán Páls-
son sagnfræð-
ingur var iðinn í
þvottahúsinu og
náði að henda í
sex þvottavélar á
einum degi að eigin sögn. Ekki ólík-
legt að um persónulegt met hafi
verið að ræða. „Hleypir af stað
sjöttu þvottavél dagsins. Af hverju
semur Ívar Páll Jónsson ekki epíska
söngleiki um mig?“ ritaði Stefán, en
Ívar Páll vinnur nú hörðum hönd-
um að söngleik í sjálfu Broadway-
leikhúsi New York-borgar. Kol-
beinn Óttarsson Proppé leggur til
að Stefán tækli húsverkin í Luton-
búningnum og Stefán svaraði um
hæl: „Hvað heldurðu að sé í hel-
vítis þvottavélinni?“
Leikarinn Þórir Sæmundsson
er iðulega hress á Fésbókinni. Fyrir
stuttu kom hann hjúskaparstöðu
sinni vel til skila með ágætri samlík-
ingu. „Kærastan mín er eins og
Lamborghini. Ég á ekki Lamborgh-
ini.“ Spurningin er sú hvort hann
verði sér úti um á undan, ítölsku
glæsibifreiðina Lamborghini eða
einhverja frábæra kærustu.
Þingmaður Samfylkingarinnar,
Katrín Júl-
íusdóttir, á tvo
drengi sem tví-
mælalaust eru
miklir gleðigjafar.
„Bráðnstatus: Syn-
ir mínir komu heim úr gönguferð
rétt í þessu skælbrosandi með
blóm handa mömmu sinni. Ég þarf
ekki meira á næstunni. #tveggjaára-
hjartaknúsarar.“
AF NETINU
Vettvangur
„Ég beið aðeins með útgáfu vegna anna
við 12:00 og námið en nú er rétti tíma-
punkturinn,“ segir Gunnar, en upp-
tökuteymið Stop Wait Go lagði honum lið,
gerði taktinn, tók lagið upp og sá um eftir-
vinnsluna.
Texti lagsins er einnig eftir Gunnar.
„Þetta er ástarljóð sem fjallar um mann-
eskju sem mér þykir vænt um og þykir
vænt um mig líka,“ segir höfundurinn án
þess að vilja fara nánar út í þá sálma.
Gunnar byrjar á því að setja lagið inn á
YouTube, ásamt texta, en vonar sannarlega
að útvarpsstöðvarnar taki við sér líka. „Það
yrði frábært að fá útvarpsspilun því mig
langar að ná til sem flestra. Markhópurinn
er ekki bara grunn- og framhalds-
Þetta er popplag með gítar og taktiundir. Það er í þægilegri kantinum.Ekki lag sem fær fólk til að rjúka
tryllt út á dansgólfið,“ segir Gunnar Birgis-
son, tvítugur nýstúdent úr Verzlunarskóla
Íslands, um fyrsta lag sitt, Save Me.
Gunnar er ekki óvanur því að koma
fram, því að hann tók þátt í skemmti- og
afþreyingarþættinum 12:00 í Verzló á liðn-
um vetri, en lög úr þeim þætti hafa notið
mikilla vinsælda meðal grunn- og fram-
haldsskólanema og farið mikinn á YouTube.
„Save Me er töluvert frábrugðið því sem
12:00 hefur verið að gera. Þetta er minn
persónulegi stíll. Lög eins og ég vil semja,“
segir Gunnar, sem byrjaði að semja tónlist
fyrir tæpum tveimur árum.
skólakrakkar eins og verið hefur hjá
12:00.“
Að sögn Gunnars veltur framhaldið á við-
tökum við Save Me en falli lagið í frjóa jörð
er hann með fleiri lög í handraðanum.
„Tónlistin er ástríða mín í lífinu og það
yrði algjör draumur að geta fengist áfram
við hana í framtíðinni.“
Þægilegt popplag
GUNNAR BIRGISSON, TVÍTUGUR TÓNLISTARMAÐUR, SENDIR Í DAG,
SUNNUDAG, FRÁ SÉR SITT FYRSTA LAG, SAVE ME.
Gunnar Birgisson á
fleiri lög í handrað-
anum mælist Save Me
vel fyrir.
Ljósmynd/Snorri Björnsson