Morgunblaðið - Sunnudagur - 10.08.2014, Side 11
Ef ekki væri eitthvað við að veramyndi ég stirðna upp. Störfin gefamér heilmikið og skepnurnar eru
góður félagsskapur,“ segir María Stein-
grímsdóttir á Auðkúlu í Austur-Húnavatns-
sýslu. Þar býr hún í skjóli dóttur sinnar,
Guðrúnar Sigurjónsdóttur, sem þar er
bóndi auk þess að starfa við Húnavalla-
skóla. Á Auðkúlu er búið með sauðfé og
hross og margs þarf búið við, eins og þar
stendur.
Yfir sumarið er heyskapurinn mál mál-
anna í sveitum landsins og þar tekur
María, sem er orðin 80 ára, þátt eins og
hún getur. Öðrum þræði gerir hún þetta,
að eigin sögn, sér til skemmtunar og sálu-
bótar. Iðja er auðnu móðir, segir máltækið.
Traktorinn góði, sem er með Hd-númeri,
er Massey Ferguson árgerð 1972. Grip-
urinn var keyptur í Kaupfélagi Austur-
Húnvetninga á Blönduósi árið 1972. Þá bjó
María með eiginmanni sínum að Leifs-
stöðum í Svartárdal. Hún flutti svo að
Auðkúlu árið 2005 og traktorinn fylgdi með
til nýrra heimkynna.
„Hér hefur verið óþurrkatíð í allt sumar.
Reyndar fór aðeins að rætast úr í kringum
verslunarmannahelgina en ég man varla
aðra eins ótíð. Einhverntíma á árunum
milli 1960 og 1970 gátu komu svona rign-
ingartímar en þetta hefur ekki gerst á síð-
ari árum,“ segir María sem kveðst aðeins
taka snúninginn á þessari einu dráttarvél.
Á hinar kann hún ekki.
„Ég gríp í þetta eins og ég get,“ segir
María sem var treg í viðtal. Lét þó undan
þráa og rökum blaðamanns um að í hverj-
um manni byggi saga. Konan á Auðkúlu er
þar engin undantekning.
HÚNAVATNSHREPPUR
Ekur áttræð á Ferguson
ÓÞURRKATÍÐIN ER EINDÆMI OG MINNIR Á SUMRIN MILLI 1960 OG 1970, SEGIR MARÍA Á AUÐKÚLU Í HÚNAÞINGI.
Morgunblaðið/Sigurður Bogi
María Steingrímsdóttir lætur
ekki deigan síga og tekur
snúning á traktornum.
10.8. 2014 MORGUNBLAÐIÐ SUNNUDAGUR 11
Í Grindavík er þessa dagana unnið að
gerð deiliskipulags fyrir þann hluta
byggðarlagsins sem þekktur er sem
gamli bærinn. Þetta er suðvesturhluti
þorpsins, þar sem segja má að gamla
kirkjan sé miðdepillinn. Margir
tengja svæðið sömuleiðis við skáld-
sögu Halldórs Laxnes, Sölku Völku,
sem var kvikmynduðí Grindavík end-
ur fyrir löngu, en í nefndri bók hét
staðurinn Óseyri við Axarfjörð. Voru
þar svonefndir Bogesenar áberandi
sögupersónur.
Óskar Grindavíkurbær eftir at-
hugasemdum og viðbótum við þá
skráningu sem þegar hefur farið
fram. Sérstaklega er verið að falast
eftir upplýsingum um fyrri eigendur,
byggingarefni, breytingasögu og
hlutverk húsanna, sem mörg hver eru
byggð á fyrstu árum 20. aldarinnar.
Einnig er óskað eftir myndum af hús-
unum sem teknar eru sem næst
byggingarári þeirra. Þess er óskað að
upplýsingarnar séu sendar á póst-
fangið armann@grindavik.is merktar
Húsakönnun fyrir 10. september
næstkomandi.
GRINDAVÍK
Húsin í gamla bænum í Grindavík eru falleg og svipsterk og verða nú skráð.
Morgunblaðið/Sigurður Bogi
Safnað í söguna
Fyrsti vinnudagur nýs bæjarstjóra í Borgarbyggð,
Kolfinnu Jóhannesdóttur, var í síðustu viku. Tóku
bæjarfulltrúar á móti henni með blómum. Kolfinna
var áður skólameistari Menntaskóla Borgarfjarðar.
Borgarbyggð
Bæjarráð Fjarðabyggðar hefur samþykkt að breyta deili-
skipulagi miðbæjarins í Neskaupstað. Gera á bæinn vist-
vænni, bæta aðgengi að skrúðgarði og sundlaug, skapa
miðbæ og leggja öruggar leiðir fyrir þá sem ganga og hjóla.
Neskaupstaður
Bæjarhátíð Mosfellsbæjar, Í túninu heima, er
haldin síðustu helgina í ágúst ár hvert. Að
þessu sinni verður hátíðin dagana 29. ágúst til
31. ágúst. Bærinn er klæddur í hátíðarbúning
með skreytingum þar sem hvert hverfi hefur
sinn lit. Fjölbreyttir menningarviðburðir
verða í boði, tónleikar, myndlistarsýningar,
útimarkaðir, íþróttaviðburðir og margt fleira.
Hátíðin hefst formlega á föstudagskvöldi
með skrúðgöngu, varðeldi og brekkusöng í
Álafosskvos. Hápunktur hátíðarinnar er á
laugardagskvöld þegar stórtónleikar fara fram
á miðbæjartorgi og þar stíga landsþekktar
hljómsveitir ásamt heimamönnum á svið.
MOSFELLSBÆR
Trítlað í túninu
Horft yfir Mosfellsbæinn á fallegum vordegi.
Morgunblaðið/Sigurður Bogi
Sr. Kristinn Ágúst Friðfinns-
son er að snúa aftur til starfa
sem sóknarprestur við Selfoss-
kirkju, eftir að hafa verið í leyfi
erlendis síðustu misserin.
Hann segir á sunnlenska.is
marga hafa hvatt sig til að
koma aftur sem sér þyki vænt
um. Alls 23 ár eru síðan Krist-
inn Ágúst kom til starfa eystra,
fyrst sat hann Hraungerðisprestakall sem nú
hefur verið sameinað Selfosskalli. Þar þjónar
fyrir sr. Óskar Hafsteinn Óskarsson.
SELFOSS
Kristinn kemur
Selfosskirkja við
Ölfusána.