Morgunblaðið - Sunnudagur - 10.08.2014, Blaðsíða 34

H
vernig myndir þú lýsa stílnum þínum? Stíllinn minn einkennist af pönkrokk-
hippastíl sem lýsir mínum karakter mjög vel. Fataskápurinn er samsettur af
fatnaði sem ég hef sankað að mér víðs vegar frá og er hann mjög litríkur með
klassískan klæðnað inni á milli. Mér finnst mikilvægt að vera vel til höfð dags
daglega og legg mikið upp úr því. Ég hef gaman af því að fara á markaði bæði hérlendis og
erlendis, stemningin sem myndast á þeim er svo skemmtileg og breytileg hverju sinni og á
þeim leynast oft fallegir hlutir. Uppáhaldsmarkaðurinn minn er Clignancourt í París og eyði
ég alltaf góðum tíma á honum enda hef ég oft gert góð kaup þar og kynnst litríku fólki.
Áttu þér uppáhaldsflík eða fylgihlut? Uppáhaldsflíkin mín þessa dagana er síður svartur
perlukjóll sem ég var í við útskrift mína úr Listaháskólanum. Ég tel hann vera í uppáhaldi
vegna þess að systir mín fann hann fyrir mig þegar ég var á fullu í vinnslu að lokalínunni
minn. Kjólinn fann hún í Spútnikmarkaðinum við Hlemm og var hann eins og sniðinn á mig,
í fyrstu fannst mér hann aðeins of skrautlegur en nú sé ég alls ekki eftir að hafa keypt
hann.
Hvaða þekkta andlit finnst þér með flottan stíl? Rihanna er klárlega með flottasta stílinn,
hún er svo mikill töffari og er slétt sama hvað öðrum finnst og gerir bara það sem hún vill
og kemst upp með það. Hún klæðist ekki aðeins flottum fatnaði heldur skartar hún fallegum
húðflúrum. Stíllinn hennar einkennist af pönkrokk’ með „90́s“-ívafi sem ég heillast af og á
hún til að sjokkera fólk en oftast verður það að trendi.
Hvaða vetrartrend ætlar þú að tileinka þér? Ég hef íhugað að fjárfesta í góðri vetrarkápu
sem á að vera bæði hlý og fallega hönnuð, það skiptir öllu máli að þetta tvennt haldist í
hendur því að veturinn getur verið harður og þá er gott að eiga eina slíka. Við það ætla ég
að finna mér góða vetrarskó og þá jafnvel með hæl og fallega fylgihluti, t.d. hanska og húfu.
Ég er ekkert sérlega spennt fyrir vetrinum en þegar ég er búin að eignast þetta má hann
alveg koma.
Áttu þér eitthvert gott stef, ráð eða mottó þegar kemur að fatakaupum? Þegar ég
kaupi mér fatnað eða fylgihluti byrja ég oftast á því að skanna búðina og sanka að mér
því sem mér finnst fallegt en það er ekki fyrr en í mátuninni sem hlutirnir verða
skýrari og þá sé ég strax hvort ég eigi eftir að nota það eða ekki. Þegar ég lendi í
þeirri stöðu að máta eitthvað sem ég verð að eignast og kostar aðeins meira en ég
ætlaði að eyða réttlæti ég kaupin fyrir sjálfri mér svo að úr verði ekki samviskubit.
Oft verða þessar flíkur eða fylgihlutir í uppáhaldi og hverrar krónu virði.
Hver er uppáhaldsverslunin þín? Aftur er mín uppáhaldsbúð því að ég get
ekki farið þar inn nema að koma út með eitthvað, sama hvort það er fatn-
aður, ilmvatn, kerti eða skart. Búðin hjá henni Báru Hólmgeirsdóttur er svo
falleg og með vel valda hluti sem heilla mig og get ég verið örugg um ég sé
að eignast vandaðar vörur sem lítið magn er til af. Ég á nokkrar Aftur-flíkur
sem eru algjörlega í uppáhaldi. Ég keypti mér fallegan handlitaðan silkikjól
frá Raquel Allegra um daginn, sem fæst einmitt í búðinni, ég get ekki beðið
eftir tækifæri til að nota hann.
Áttu einhverja dýrmæta flík sem þú tímir ekki að nota? Ég á margar
dýrmætar flíkur sem tengjast mér persónulega. Það eru ekki margar sem ég
tími ekki að nota en þetta eru flíkur sem þarf ákveðið tilefni til. En það er ein
flík sem tel vera dýrmætari en aðrar því að ég fann hana hjá vinkonu minni í
Kolaportinu og er það svart/hvít herðaslá sem er áberandi falleg. Ástæðan fyrir
því að ég tími ekki að nota hana er sú að ég er hrædd um að týna henni.
Ef þú fengir aðgang að tímavél sem gæti flutt þig aftur til árs að eigin vali og
þú fengir dag til að versla, hvaða ár myndirðu velja og hvert færirðu? Ég væri
til í að fara til millistríðsáranna því að þá var svo skemmtilegur og fallegur tími
fyrir kvenfólkið, þá voru konur svo kvenlegar og lögðu mikið upp úr því að klæða
sig upp á og skemmta sér. Ég væri til í að vera í París á þessum tíma og kaupa
mér margar gersemar, að lokum myndi ég vilja eyða kvöldinu í kampavínspartíi
sem myndi verða eftirminnilegt.
Hver hafa verið bestu kaupin þín fatakyns? Bestu kaupin mín myndi ég segja að
væru Aftur-jakkinn minn, sem er unninn úr indverskum teppum, hann er alltaf
jafn flottur og hann get ég notað við mörg tækifæri. Ég hef fengið mikið hrós
fyrir hversu fallegur hann er enda tel ég hann vera nokkurs konar listaverk. Mér
finnst að fólk ætti að huga meira að listrænu gildi flíkurinnar því það vill oft gleym-
ast og það pælir meira í kostnaðinum.
En þau verstu? Ég hef gerst sek um það oft að kaupa fatnað sem hægt er að hlæja að í dag
út af tísku hverju sinni. En ég hugsa að versta tíska sem ég hef gengið í gegnum hafi verið
hipphopptímabil þegar ég var rúmlega 13 ára og þá átti ég hvítar víðar vindbuxur með
svörtum röndum á hliðunum; mér þótti þær afar töff þrátt fyrir að þær voru orðnar gular
af of mikilli notkun. Við þetta klæddist ég svörtum Adidas-skóm og hettupeysum sem
stundum voru tvær því það þótti svo töff. Ég man vel hversu mikið móðir mín leið fyrir
þetta því að það var ekki möguleiki að koma mér í annað, en sem betur fer gekk þetta yfir
eftir einn vetur.AFP
Ljósmynd/
Aníta Eldjárn
LISTRÆNT GILDI FLÍKURINNAR MIKILVÆGT
Millistríðsárin
heilla
SVAVA MAGDALENA ARNARSDÓTTIR, FATAHÖNNUÐUR OG KJÓLA-
KLÆÐSKERI, HEFUR AFAR LITRÍKAN OG ÁBERANDI FATASTÍL. SVAVA
SEGIR PÖNKROKK EINKENNA STÍL HENNAR SEM OG PERSÓNULEIKA.
Sigurborg Selma Karlsdóttir sigurborg@mbl.is
AFP
Svava Magdalena
leggur mikið upp úr
því að vera vel til
höfð dags daglega.
Morgunblaðið/Eggert
Falleg hönnun
eftir Svövu
Magdalenu.
Clignancourt-
flóamarkaðurinn í Par-
ís er í uppáhaldi hjá
Svövu.
Rihanna
er mikil
tískufyrir-
mynd.
Tíska
AFP
*Söngkonan og tískugyðjan Rihanna er nýttandlit VIVA GLAM-línu snyrtivörurisans Mac.Þetta er í annað sinn sem Rihanna er andlitVIVA GLAM-línu Mac, en línan er afskaplegadjörf að þessu sinni og hentar Rihanna þvíákaflega vel sem andlit línunnar. Allur ágóði afsölu línunnar fer í að aðstoða HIV-smitaða
einstaklinga.
Rihanna í samstarf við Mac