Morgunblaðið - 01.11.2014, Side 4
4 FRÉTTIRInnlent
MORGUNBLAÐIÐ LAUGARDAGUR 1. NÓVEMBER 2014
Viðar Guðjónsson
vidar@mbl.is
Einn starfandi læknir er á hverja
296 íbúa á Íslandi nú samanborið
lækni á hverja 272 íbúa árið 2006. Til
samanburðar voru 286 íbúar á hvern
lækni annars
staðar á Norður-
löndum árið 2006
en þeir eru nú 240
á hvern lækni.
Miðað við þessar
tölur frá Lækna-
félagi Íslands eru
um 20% færri
íbúar á hvern
lækni í Skandin-
avíu sem þýðir að
mönnun lækna í heilbrigðiskerfinu
er 20% verri hér á landi en annars
staðar á Norðurlöndum að meðaltali.
Hvað fjölda varðar er mestur skort-
ur á heimilislæknum og samkvæmt
þarfagreiningu frá Félagi íslenskra
heimilislækna vantar að lágmarki 20
heimilislækna á höfuðborgarsvæð-
inu en 40-60 á landsbyggðinni. Að
sögn Þorbjörns Jónssonar, for-
manns Læknafélags Íslands, hefur
þessum skorti verið mætt með því að
fjölga námsstöðum. Vel hefur tekist
að manna þær. „Heimilislæknum
bjóðast mjög góðir starfsmöguleikar
erlendis og það er mjög auðvelt að fá
starf við þetta í Skandinavíu,“ segir
Þorbjörn. Hann segir jafnframt að
yngri læknar hugi gjarnan meira að
fjölskyldulífinu. Í því tilliti geti
reynst eftirsóknarverðara að starfa
erlendis þar sem dagvinnutími er
styttri.
Þegar horft er á mönnun sérfræð-
inga á spítulum hérlendis nefnir Þor-
björn að helst sé skortur á krabba-
meins-, nýrna- og myndgreiningar-
læknum. „Svo eru margar greinar
skurðlækninga sem vantar lækna.
Fáir sinna þeim í hverri sérgrein og
það gerir það að verkum að það er
svo stórt skarð höggvið ef þeir
ákveða að snúa sér að einhverju
öðru,“ segir Þorbjörn.
205 í læknisnámi erlendis
Þegar horft er til nýliðunar eru 48
læknanemar teknir inn í læknadeild
HÍ á hverju ári. Að sögn Þorbjörns
klára nær allir námið. Að auki eru
205 Íslendingar í grunnnámi í lækn-
isfræði í Ungverjalandi, Slóvakíu og
Danmörku. Þar af eru 86 í Ungverja-
landi, 80 í Slóvakíu og 39 í Dan-
mörku. „Það er fín reynsla af fólki
sem hefur lært í Danmörku og Ung-
verjalandi. Hins vegar er ekki
reynsla komin á Slóvakíu enda hefur
enginn hópur útskrifast þaðan enn.
Almennt er nám samt fínt í Evrópu.“
Læknum fækkað á Íslandi um 24 frá árinu 2006 Flesta vantar í heimilislækningar 205
Íslendingar í grunnnámi erlendis Góðir starfsmöguleikar eru fyrir heimilislækna í Skandinavíu
20% færri íbúar á hvern lækni
Morgunblaðið/Árni Sæberg
Verkfall Læknar telja verkfall ekki
í ósamræmi við samviskueið.
Þorbjörn Jónsson
Sigurður Bogi Sævarsson
sbs@mbl.is
Ekki kemur til þess í bili að stræt-
isvagnar aki aftur um Hverfisgötu í
Reykjavík, þrátt fyrir að end-
urbótum á efsta hluta hennar, sem
nær frá Barónsstíg að Snorrabraut,
sé nú að ljúka. Gatan hefur á síð-
ustu tveimur árum verið endurnýj-
uð frá Klapparstíg að Snorrabraut.
Skipt hefur verið um lagnir, lýsing
endurnýjuð og allt yfirborð götu og
gangstétta. Þá er búið að setja hita
í stéttir og fleira.
Eftir er – og óákveðið hvenær á –
að taka neðri hluta götunnar frá
Klapparstíg að Lækjargötu í gegn
og á meðan er beðið átekta hjá
Strætó bs.
Hefur verið fjölfarin strætóleið
„Við viljum ekki breyta þeim
leiðum sem vagnarnir aka eftir þar
til lokið hefur verið að fullu við end-
urgerð Hverfsgötunnar,“ segir
Guðrún Ágústa Guðmundsdóttir,
verkefnastjóri hjá Strætó, í samtali
við Morgunblaðið. Hún segir vagna
fyrirtækisins síðustu misserin hafa
farið um Sæbraut í stað Hverfisgöt-
unnar, sem hefur verið fjölfarin
strætisvagnaleið með Hlemm á
enda götunnar.
Um götuna hafa ekið vagnar á
leið 1, 3, 6, 11, 12 og 13.
Utan þess að framkvæmdum er
ekki lokið við Hverfisgötuna alla,
sem ræður því að Strætó breytir
leiðum sínum ekki til fyrra horfs,
bendir Guðrún á að eftir sé að
ganga frá undirlagi götunnar. Því
sé óvarlegt að fara á þungum vögn-
um þar um, uns framkvæmdir við
götuna alla, það er úr Kvos að
Hlemmi, séu í höfn.
Strætó ekki á
Hverfisgötuna
Framkvæmdum við götuna að ljúka
Morgunblaðið/Þórður
Akstur Strætisvagn hér á ferðinni í
átt að stoppistöðinni við Hlemm.
Laugavegur 1 er til sölu. Eignin, sem stendur á mótum
Laugavegar, Bankastrætis og Skólavörðustígs, sam-
anstendur af framhúsi sem er 336,5 fermetrar og 350
fermetra bakhúsi. Í framhúsinu eru reknar versl-
anirnar Vísir, sem var stofnuð í húsinu 1915, og
minjagripaverslunin The Viking en í bakhúsinu hefur
fengist leyfi til að byggja fjórar íbúðir og skrifstofur.
Samkvæmt skipulagi má byggja allt að 730 fermetra til
viðbótar við þær byggingar sem fyrir eru á reitnum en
heildarbyggingamagn má ekki fara yfir 1.417 ferm-
betra.
Sverrir Kristinsson, framkvæmdastjóri Eignamiðl-
unar, sem hefur Laugaveg 1 á skrá, segir að óskað sé
eftir tilboðum í eignina. Seljandinn er einkahlutafélagið
Nónbil en að sögn Sverris hefur þeim verslunum sem
eru í framhúsinu ekki verið sagt upp leigunni. Hann
segist ekki efast um að eignin verði fljót að seljast „Ég
ek nú mjög oft þarna um þetta svæði og ég get ímynd-
að mér að það sé engin verslun á Íslandi sem fleiri
ferðamenn fara framhjá,“ segir Sverrir. Hann sagði í
gær að áhugasamir aðilar hefðu þegar sett sig í sam-
band þótt eignin yrði ekki auglýst fyrr en í dag.
Vel skreytt hús og fagur aldingarður
Samkvæmt Reykjavík - Sögustaður við sund eftir Pál
Líndal var framhúsið að Laugavegi 1 byggt árið 1848.
„Var ætlunin að reka þar veitingastofu en sú starfsemi
blessaðist ekki og var þeim rekstri
hætt eftir rúmt ár. Þá keypti húsið
einn af helstu embættismönnum bæj-
arins, Jón Pétursson yfirdómari.
Hann var bróðir þeirra Brynjólfs
Fjölnismanns og Péturs biskups,“
segir Páll, sem vitnar einnig í lýsingu
Benedikts Gröndal á húsi Jóns:
„... þar býr nú ekkja hans, frú Sig-
þrúður, og tveir synir hennar, Sturla
kaupmaður og Friðrik cand. theol.;
hafa þeir prýtt húsið mjög bæði utan og innan með
dýrindis málverkum og ýmsu skrauti, en í hallanum þar
fyrir neðan er fagur aldingarður, skrýddur mörgum
tegundum fagurra blóma og jurtagróða...“
Freyja Jónsdóttir skrifaði um sögu Laugavegar 1 í
Morgunblaðið árið 2003 og segir þar m.a. að hinn 5.
desember 1915 hafi verslunin Vísir verið stofnuð í hús-
inu en eigendur verslunarinnar og húseignarinnar voru
þá Guðmundur Ásbjörnsson, Sigurbjörn Þorkelsson og
Hjálmar Þorsteinsson. Í vesturhluta framhússins hafa
nokkrar verslanir verið gegnum tíðina, þ. á m. Gimli,
leikfangaverslun og Bókin, sem verslaði með notaðar
bækur og blöð. Einnig ráku þar verslun fatakeðjan
REDGREEN og íslenska hönnunarmerkið ELM. Bak-
húsið var á sínum tíma aðsetur listamanna.
holmfridur@mbl.is
Óskað eftir tilboðum í
húsin við Laugaveg 1
Byggt undir veitingastofu 1848 en breytt í íbúðarhús
Morgunblaðið/Árni Sæberg
Löng saga Ýmsar verslanir hafa verið reknar í húsinu við Laugaveg 1, en Vísirþó langlengst, eða frá 1915.
Sverrir Kristinsson
Að sögn Þorbjarnar hefur farið
fram umræða meðal lækna um
Hippókratesareiðinn – sam-
viskueið lækna. „Við teljum að
með því að setja verkfallið upp
á þennan hátt með þeim und-
anþágulistum sem eru til staðar
séum við ekki að svíkja eiðinn,“
segir Þorbjörn. „Fæstir áttu von
á því að við myndum beita verk-
fallsréttinum en flestir læknar
telja hann ekki í ósamræmi við
Hippókratesareiðinn. Honum
hefur verið beitt á undanförnum
árum í fleiri ríkjum en Íslandi,
t.a.m. í Svíþjóð og Finnlandi.“
Ekki gegn eið
HIPPÓKRATESAREIÐURINN
Laugavegi 53 | Sími 552 3737 | Opið mán.-fös. 10-18, lau. 10-17
DIMMALIMM
...húfum,
sparifötum,
jólagjöfum,
sængurgjöfum,
afmælisgjöfum
Ný sending af útigöllum...
IanaReykjavik