Málfríður - 15.10.2008, Síða 7

MÁLFRÍÐUR 
Evrópska  nýmálasetrið  (European  Centre  for 
Modern  Languages/Centre  Européen  de  Langues 
Vivantes) er stofnun á vegum Evrópuráðsins. Setrið 
er  í  Graz  í  Austurríki  og  hlutverk  þess  er  að 
styðja  við  tungumálanám  og  -kennslu  í  Evrópu, 
m.  a.  með  því  að  útfæra  og  kynna  þau  gögn  sem 
Evrópuráðið  hefur  þróað  á  þessu  sviði,  s.  s.  sam-
evrópska tungumálarammann (CEFR) og evrópsku 
tungumálamöppuna (ELP). Í því augnamiði styrkir 
setrið verkefni sem leidd eru af hópum sérfræðinga. 
Vinnustofur  fyrir  tungumálakennara  eru  haldnar  í 
tengslum við þessi verkefni og gefst hverju aðildar-
ríki kostur á að senda einn þátttakanda hverju sinni. 
Ísland  hefur  tekið  þátt  í  þessu  samstarfi  frá  árinu 
1998  og  hafa  fjölmargir  íslenskir  tungumálakenn-
arar notið góðs af því. 
Aðildarlönd  Evrópska  nýmálasetursins  eru  nú 
33  og  er  stjórn  setursins  skipuð  einum  fulltrúa  frá 
hverju  landi.  Stjórnin  kýs  sér  formann  og  sérstaka 
framkvæmdastjórn  (bureau)  sem  skipuð  er  sex 
fulltrúum  úr  stjórn  auk  stjórnarformanns.  Í  hverju 
aðildarlandi  eru  svo  sérstakir  tengiliðir  sem  veita 
upplýsingar  um  nýmálasetrið  og  sjá  um  dreifingu 
á  útgáfuverkum  þess  og  niðurstöðum  verkefna. 
Frá  1998  sat  María  Gunnlaugsdóttir,  sérfræðingur 
hjá  menntamálaráðuneytinu,  í  stjórn  setursins  en 
undirritaður tók sæti hennar á síðasta ári. Tengiliður 
á  Íslandi  er  Ragnhildur  Zoëga  á Alþjóðaskrifstofu 
háskólastigsins.  Þau  hafa  séð  um  að  útnefna  aðila 
hér á  landi  til þátttöku  í vinnustofum setursins og 
frá  árinu  1998  hafa  um  70  íslenskir  tungumála-
kennarar  og  sérfræðingar  farið  til  Graz  á  vegum 
Evrópska nýmálasetursins. 
Evrópska  nýmálasetrið  hefur  verið  starfrækt  frá 
árinu  1995  og  voru  stofnlöndin  átta  talsins.  Þau 
eru  nú  33,  eins  og  fyrr  segir. Árið  2000  var  fyrstu 
fjögurra  ára  áætluninni  hrundið  af  stað  þar  sem 
fjöldi metnaðarfullra verkefna var styrktur og ann-
arri fjögurra ára áætluninni lauk í lok árs 2007 með 
glæsilegri  ráðstefnu  þar  sem  niðurstöður  verkefna 
voru kynntar. Þar var einnig kynnt ný áætlun sem 
tók gildi í byrjun þessa árs og lýkur árið 2011.
Þessi þriðja áætlun ber yfirskriftina „Stuðningur 
við  fagfólk  á  sviði  tungumálanáms  og  -kennslu“ 
eða  „Empowering  language  professionals“.  Þessi 
titill undirstrikar þá áherslu sem ENS leggur á nána 
samvinnu við tungumálakennara. Til þátttöku voru 
valin  tuttugu  verkefni  sem  falla  undir  eftirfarandi 
þemu: 
•  Námsmat (Evaluation)
•   Samfellt  tungumálanám  (Continuity  in  lang-
uage learning) 
•   Samþætting  tungumálanáms  og  annarra 
kennslugreina  (Content  and  language  educa-
tion)
•  Fjöltyngisnám (Plurilingual education)
Þess  má  geta  að  Sigurborg  Jónsdóttir,  formaður 
STÍL, tekur þátt í að skipuleggja eitt af þessum verk-
efnum sem ber nafnið „Language Associations and 
Collaborative  Support“  (LACS).  Markmið  þessa 
verkefnis  er  einmitt  að  styrkja  tengsl  tungumála-
kennara við ENS í gegnum fagfélögin.
Eins  og  fyrr  segir  gefst  íslenskum  tungumála-
kennurum kostur á því að taka þátt í þessum verk-
efnum og fara  í vinnustofur sem skipulagðar eru  í 
tengslum við þau. 
Nánari upplýsingar um nýju áætlunina og verk-
efni sem falla undir hana má finna á vef ENS: www.
ecml.at og eins geta áhugasamir  leitað  til undirrit-
aðs: ems@hi.is eða Ragnhildar Zoëga: rz@hi.is. 
Eyjólfur Már Sigurðsson
Evrópska nýmálasetrið í Graz (ECML)
Eyjólfur Már Sigurðsson
Tungumálamiðstöð HÍ.
Eyjólfur Már
Sigurðsson