Selfoss - 06.11.2014, Side 6

6 6. Nóvember 2014
„Það er sjarminn í handverkinu,“
segir Helga í Eldstó á Hvolsvelli. Meir en tvöföld veltuaukning.
„Jú það hefur gengið vel í ár og verið mikil veltuaukning á milli ára, u.þ.b.
70% í fyrra og 30% - 40% sýnist mér að hún verði í ár,“ segir Helga
Ingadóttir, en hún og hennar fjölskylda reka veitinga- og gististaðinn
Eldstó á Hvolsvelli.
Við birtum fyrir stuttu upplýsingar
um umferð á Suðurlandi og um
mikla aukningu á Suðurlandi. Veltu-
aukningin í Eldstó er til vitnis um að
fleiri ferðamenn eru á kreiki. „Við
opnuðum veitingareksturinn í mars
og vorum með hann opinn fram í
september fyrir almenna traffík, en
núna erum við einugis með opinn
veitingastaðinn fyrir hópa. Þannig
verður það fram yfir áramót geri ég
ráð fyrir. Gistiheimilið er opið allt
árið og alltaf fullt frá júní og þangað
til seinni partinn í ágúst, en þá fór
aðeins að róast í þeim efnum. Núna
er frekar rólegt, en engu síður var
mjög góð nýting á gistiheimilinu í
september. Það er alls staðar frekar
rólegt í gistingum fram í mars - held
ég að sé sannleikanum samkvæmt.“
Helga segir að veitingareksturinn
gangi vel. „Ég held að okkur hafi
gengið þokkalega að mæta þörf-
um fólks í fjölbreyttum hópi gesta.
Við gerum okkur far um að vera
með góðar veitingar og ferskar og á
sanngjörnu verði. Við leggjum líka
áherslu á að umhverfi allt sé nota-
legt þar sem að gestum gefst færi á
að borða og drekka úr handgerðum
listmunum. Við bjóðum upp á lamb,
fisk, ekta nautaborgara í heimagerðu
brauði, kjúklingabringur og salat,
ásamt matseðli fyrir börnin á sann-
gjörnu verði og auðvitað íslenska
kjötsúpu. Einnig erum við með
hópamatseðil.“
Það fer ekki framhja neinum sem
koma í Eldstó listrænt yfirbragð á
öllu. „Við erum á fullu í listinni,
erum að vinna í heimildarmynd
um Nytjalist og Eldfjallaglerunga
og mjög bráðlega fer í gang söfnun
á Karolina Fund. Við höfum fjár-
magnað hana að mestu leiti sjálf,
fyrir utan 300 þús. kr. styrk frá Ný-
sköpunarmiðstöð. Þetta er vissulega
dýrt draumaverkefni, en það er engu
síður ánægjulegt að stíga þessi skref,
þar sem ég tel þörf á að fjalla um list
af þessu tagi á Íslandi.“
Eldstó hefur gegnt mikilvægu
hlutverki. „Við höfuð verið að vinna
með Eldfjallaglerunga frá árinu 2005
og höfum þróðað okkur mikið þar.
Það er alltaf mjög spennt að sjá
hvernig gljábrennslan hefur tekist,
ekkert er gefið í þessum efnum og
það er sjarminn í handverkinu.“
Nú er enn róið á ný mið: „Ég fór
í Stúdíó hjá honum Pétri Hjaltested
til að taka upp tónlist við myndina
og verður sú tónlist ásamt öðru efni
gefin út á disk á næsta ári geri ég ráð
fyrir. Með mér eru Pétur Hjaltested á
hljómborð og stjórn upptöku, Sigur-
geir Sigmundsson á gítar og slidegít-
ar, Jón Ólafsson - bassagítar, Stefán
Ingimar Þórhallsson á trommur og
Irena Roe á fiðlu í þeim lögum sem
er búið að taka upp, en það verður
breytilegt hverjir spila með mér eftir
lögum.
Leirkerasmíði er mjög ungt fag á
Íslandi, þó að það telji í árþúsund-
um út í heimi. Fyrsti leirkerasmið-
ur Íslendinga var Guðmundur frá
Miðdal og hann er langt inn á 20.
öldinni. Svo við höfum ekki mikla
hefð eða þekkingu á handbragðinu,
þá meina ég svona almennt, “ segir
Helga Ingadóttir í Eldstó.
Framkvæmdastjóri Samtaka sunnlenskra sveitarfélaga
Nánari upplýsingar um starfið veita Gunnar Þorgeirsson, formaður stjórnar SASS í s. 892 7309 og Þorvarður Hjaltason, framkvæmdastjóri
SASS í s. 480 8200. Umsóknarfrestur er til og með 16. nóvember n.k. Umsókn óskast fyllt út á www.intellecta.is og henni þarf að fylgja
ítarleg starfsferilsskrá og kynningarbréf. Farið verður með allar fyrirspurnir sem trúnaðarmál.
Samtök sunnlenskra sveitarfélaga er öflugur
samstarfs- og þjónustuvettvangur um hagsmunamál
sveitarfélaga, íbúa og atvinnulífs á Suðurlandi. Á
vegum samtakanna er veitt ráðgjöf í atvinnu- og
menningarmálum á Suðurlandi og jafnframt veittir
styrkir í þeim málaflokkum. SASS vinnur einnig
að ýmsum greiningar- og þróunarverkefnum til
hagsbóta fyrir landshlutann á sviði byggðaþróunar
s.s verkefnið Sóknaráætlun Suðurlands. Þá
sér SASS um rekstur ART teymisins sem er
meðferðarúrræði fyrir börn og unglinga með
hegðunar- og tilfinningaraskanir. Auk þess sinnir
SASS skrifstofuþjónustu fyrir byggðasamlög
og samstarfsverkefni á Suðurlandi. Á vegum
samtakanna starfa 12 starfsmenn.
Nánari upplýsingar um SASS má finna á heimasíðu
samtakanna www.sass.is og upplýsingar um
Suðurland á www.sudurland.is.
Helstu verkefni
• Gætir almennra hagsmuna sveitarfélaganna á
starfssvæði SASS í samvinnu við stjórn og er málsvari
samtakanna út á við ásamt formanni stjórnar
• Stjórnar daglegum störfum á skrifstofu og ber
ábyrgð á starfsmannamálum og þeirri starfsemi
sem undir skrifstofuna heyrir samkvæmt skipuriti og
starfslýsingum
• Annast fjármál og fjárhagsáætlunargerð SASS
• Stýrir rekstri verkefna, s.s. almenningssamgangna og
ráðgjafar í atvinnu-, menningar- og menntamálum
auk verkefna sóknaráætlunar
Menntunar- og hæfniskröfur
• Háskólamenntun sem nýtist í starfi
• Stjórnunarreynsla er skilyrði
• Frumkvæði í starfi er nauðsynlegt
• Hæfni í mannlegum samskiptum
• Þekking og reynsla af störfum á
sveitarstjórnarstigi æskileg
• Innsýn og þekking á málefnum
Suðurlands er kostur
Starf framkvæmdastjóra Samtaka sunnlenskra sveitarfélaga, SASS, er laust til umsóknar
ráðgjöf ráðningar rannsóknir
Intellecta, Síðumúla 5, 108 Reykjavík, sími 511 1225
Æskilegt er að viðkomandi geti hafið störf sem fyrst og eigi síðar en í janúar 2015
eldstó er vel í sveit sett í gamla póshúsinu á Hvolsvelli.
G. Helga Ingadóttir.